اهداء لصديقي الغالي ابو راكان في مجاراة الشاعر سويلم ابن عرنان


تكفى ياراع العيس ياحادي العيس= يمم بها يم الصبي المفادي
يم العريف اللي يفك المحابيس= تفرح به اللي في ولدها القيادي
الشيخ ابو راكان مرخي لها الكيس= مايحسب حساب وعددها نقادي
اشتقت للمعنى بعيد المراميس= وادي بعيد ولا قرب سيل وادي
وشاقتني بيوت(ن) زها صدرها ايس = والقافيه بنيـت علـى حـرف أدي
سلمان وسويلـم يعـدون فريـس=فريس في نقـل القلـم والمـدادي
مابين بدع ورد قيس (ن) بتقييـس=فتل(ن) ونقضن صدق ما هو دوادي
قلب العطاوي فيه مثل الحواسيـس=الحب محـرق مهجتـه والفـؤادي
هو مادرى انه فالهوى سابقه قيس=ابن الملـوح هـد حيلـه هـدادي
واسند على سلمان ريف المفاليـس=يشكي علاه اللي حصـل بالعـدادي
ونصا بها سلمـان راع النواميـس=رجل الفعايل يـوم قـدح الزنـادي
شوق الهنوف اللي زهت بالملابيس=بنـت الشيـوخ معربيـن الجـدادي
ماهي ببنت اهل الوجيه المعابيـس=اللي غشاها سفـو مثـل الرمـادي
سلمان مخلف هقوة القوم والقيـس =فالمعضلات انا اشهد انـه سنـادي
نعم(ن) بابو راكان راع المحاميـس =زبن الونيـه لالفـت مـن بعـادي
من لابة(ن) يوم الملاقـا فواريـس= الاد حافـي يحتمـون الـطـرادي
لاجات خيل(ن) للمعـادي كراديـس=فنحورهـا شبـوا فتيـل الزنـادي
وعز الله انه سيس الـرد تسييـس=ولا هي غريبه من عريف(ن) ريادي
قرم(ن) يحـل معقـدات اللواليـس=بالعرف والحكمه وطيب الرشـادي
عطاه حل العقـل ماهـو هلاويـس=لين اقتنع راع الشبـوح السنـادي

الله الله


صح لسانك وعلا شأنك


كائفة مبنى ومعنى ويستاهل أبو راكان الطيب والعلم العجيب


ولا بيعجزه الرد


لله درك


لك خالص تحيتي

صح لسانك وبيض الله وجهك

يابو فواز على هذه الجزاله

المشرفه والرائعه ....الله

يعطيك الف عافيه

لك التحيه والتقدير

هذا من طيبك يابو ماجد لك ودي واحترامي

صح لسانك .. وافيه من وافي

و جزالة من جزل .. ويعطيك العافية



كل التقدير
..

ابو فـــــواز

صح لسانك وبيض الله وجهك

على هذه الجزاله الرااااائعه

يستاهل ... ابو راكان العلم الطيب

تقبل تحياتي

الله الله



صح لسانك يا راع الصدق ويستاهل من قيلت فيه

كل التقدير لاخواني الذين مروا واسعدوني بمرورهم العطر

الله الله


صح لسانك ويستاهل صديقك كل علم غانم

الله عليك



صح لسانك مدد ماهو عدد وافية من وافي لوافي

صح لسانك يا راع الصدق


وفيت وكفيت


ويستاهل ابو راكان

الله الله



صح لسانك وبيض الله وجهك ويستاهل من قيلت فيه