السلام عليكم


بالبداية اشكر الاستاذ بن هليل على التنسيق الغير مسبوق بين الشعراء

وبيض الله وجهه


وثانياً حبينا تكون المحاورة الليلة على طاروق يختلف عن ما سبق من الطواريق هنا

لاجل تغيير الروتين .

والله يقدرنا على امتاعكم
___________________________________________



استلم يا عبدالرحمن السفياني



حنا حضرنا لاجل ميعاد .. والوقت ابه واعد وموعود = سلام يا حاضر وعوده .. حنا حضرنا لأجل ميعاد
اليا تعزوانا بالاجداد .. نرقى المعالي قدم وسنود = و الرجل نعرف ويش فوده .. اليا تعزوانا بالاجداد

اللي يبي يعرف لحن الطاروق بالضبط

يدخل على هالرابط



http://www.youtube.com/watch?v=QOh4o8eREfw

قايد الفوج


حياك الله وبيض الله وجهك على هذا الطاروق الجميل

وبنتظار رد زميلك عبدالرحمن السفياني




ربعي ثبيت بقدح الأزناد...عضدي وجنبي مذخر العود=ياشاعر تقدح زنوده...ربعي ثبيت بقدح الأزناد


صحت الالسن وسوف نتابعكم بيض الله وجيهكم مقدما


لكم خالص تحيتي

استاذي القدير ابن هليل


صح لسانك على ما ادليت به , وما عليك زود

و مثلك ما نشوف منه الا الابداع


لكن عسى رفيقي ما يطول غيابه


لك من الشكر اجزله على المتابعه الراقية

قـــايد الفوج


صــــــــــــــــح لسااااااااااااانك

وبيض الله وجهك على هذا الطاروق الراااائع

وبنتظار عبدالرحمن السفياني

مـــــــــــــتااااااااااااابع

لليل لليل ياقايد الفوج


تقبل تحياتي

ابو عبدالرحمن


صح بدنك يالغالي


ومشكور على مرورك وتشريفك لنا

حيااااااااااكـ

ياسلام على الابداع اول شاعر نراه يبدع ويجيب لحنه معه هذا الشغل والا بلاش هذا التميز بعينه لله درك ياقايد الفوج ياشاعر قبيلتنا المنتظر تقبل اعجابي

صح الله السنت الشعار

وان شاء الله نستمتع محاوره مميز

الله يعطيكم العافية

تقبلوا تحياااااااتي الخاااااااااااصة

وينك ياشاعر بني سفيان ابدع وتميز وهات صفوفك معك هههههههههههههههه

راع الصدق ما عليك زود وصح بدنك ياالغالي .. تواجدك شرف لنا

والتغيير هذا من باب التجديد فقط


وكله امل بأن تنال استحسانكم


تشرفنا متابعتك

الزعيم


صح بدنك يالامير


ومتابعتك تشرفنا وتنور المتصفح




____________

راع الصدق

ازهم عبدالرحمن اذا كان تعرف رقمه اتصل عليه

الليل

وصلنا من احد مراسلينا فالخارج الخبر الاتي

ان الشاعر عبد الرحمن السفياني يعتذر عن الحضور والى ذلك نلفت الانتباة


وصدق المثل القائل (الرعب ياتي بالعجائب )

عسى بالامر خير وعسى بالامر خيرة


والله يجمعنا بجناته



معذور السفياني بس المفروض من بدري يوصل الخبر منه


ومشكور يا راع الصدق على ابلاغنا وعلى الاطراء :p

و اي شاعر يبي يرد محله حياه الله

الله يحيي ذخر الامجاد----- اللي على الميعاد موجود


غالي ونومسنا وجوده--- الله يحيي ذخر الامجاد


فعل الرجال بروس الاشهاد---- في كل عام يزود ويزود


ياكثر فالعالم شهوده--فعل الرجال بروس الاشهاد

قايد الفوج

صح السانك والله يعطيك الف عافية على الجزاله ولا هي غريبه عليك

وصح السانك يا ابو فواز

والله يعطيك الف عافية على الرد على قايد الفوج متابعين لكم

وابشرو بتنسيق ان شاء الله تقبلو تحيااااااااااتي الخااااااااااااصه

صقر عتيبة

الله يقدرنا على رد جميلك يابن العم عز الله انك ماقصرت يابعدي

صح لسانك ياراع الصدق

واستلم







دام البقاء زاد الغلا زاد ... مادام جاء للبدعه ردود = يا قادح النار بزنوده ... دام البقاء زاد الغلا زاد
الغايب اللي راح ما عاد ... راعي قضية تفقد شهود = ان كان ما يارد عدوده ... خله عساه الدوم ما عاد

صقر عتيبة

صح بدنك ولا هنت على متابعتك

حضورك يزيدنا شرف



وتسلم يمينك على التنسيق

صحت السنتكم والله يعطيكم العافية


سعدت بمشاهدة ما دونتم لكم خالص الاحترام

اخوي النجم


صح بدنك ومتابعتك تشريف لنا


حيااااااكـ الله

جمر الغضا ياالذيب وقاد----- وليا خبا زدناه بوقود


والنار زادت من وقوده---- جمر الغضا ياالذيب وقاد


ترى الجمل ماضره قراد----- حجمه صغير ولامنه فود


والقرد كبه مع قروده---- ترى الجمل ماضره قراد

الليل الليل


متابع


صحت السنتكم

انا حضرت وجبت مجلاد ... أدور اللي يفتل عضود = من شان ما تبرى جلوده ... انا حضرت وجبت مجلاد
طبع الخميني ولد الاكراد ... ما يلزمه ميثاق وعهود = يواجه السنه جحوده ... طبع الخميني ولد الاكراد

صح بدنك يابن هليل


متابعتك تشرفنا

و وجودك يهمنا

وعندي خطام وعندي قياد--- للي تعصوى عندي قيود

والوسم احطه في خدوده -- عندي خطام وعني قياد




ياناكرين الملح والزاد---- اهل القلوب العمي والسود


يمن بلشنا في زيوده---- ياناكرين الملح والزاد

كفو الولد من جد وشداد ... خابر عيال العود والعود = واللاش ما تبعد حدوده ... وانته كفو من جد وشداد
رد السيوف بجوف الاغماد ... ماهو كما حامد ومحمود = يالعنبو منهو شروده ... رد السيوف بجوف الاغماد

كب الخميني كب نجاد---- قود السوالف يافتى قود

ترى الجمل زدنا لهوده--- كب الخميني كب نجاد



اركب على اللي تبعد الماد------- اللي تنحر عاتي النود


و خلك مع الشيخ ووفوده ---اركب على اللي تبعد الماد

الله عليكم



صحت السنتكم ابداع مبدعين

لكم خالص التحية والاحترام

اشكر الاخوان الذين مرو على المحاوره واتحفونا بردودهم لهم منا كل التقدير والاحترام

ماتهتني عيني بالارقاد ... خله يموت اليوم ملهود = والجيش لاماتوا جنوده ... تاتهتني عيني بالارقاد
لقيا سواتك مثل الاعياد ... ضابط حضرت وراحوا جنود = و الكفو ما تخفى جهوده ... لقيا سواتك مثل الاعياد




راع الصدق صح لسانك بكل حرف قلته وبيض الله وجهك ولا هنت يالامير

اشكرك واشكر كل من تابعنا هنا

واعتذر عن المواصلة وغط البيت يالغالي

انا مجبر على الخروج لمدة ساعه


والله يجمعنا بجناته مثل ما جمعنا هنا




سبحانك اللهم وبحمدك اشهد الا اله الا انت استغفرك واتوب اليك

خلف الوعد هو سم الاكباد------------ لكن هذا طبع فالخود

سيف المعزه من جروده------------- خل السموم تفت الاكباد




حب القبيله داخل فواد------------------ ماننتسي وصية العود


والبيت طمبه مع عموده--- مع القبيله داخل فواد

قايد الفوج

بيض الله وجهك على هذه البدعه

الرائعه والمميزه جزاله ولحن مميز

كما عهدناك مبدع متالق

صح لسانك ..والى الامام يابطل

وجعلك دايم على القوه

تقبل تحيتي وتقديري

راع الصدق

مثل جميل جبته وحكمه
(( الرعب يأتي بالعجائب))

والدليل انه كان معي شاعر في المحاوره هذي
غير قائد الفوج وتغيّر الى قائد الفوج

بعدين الجدول مكتوب يوم الخميس 20 / 2
ورجع يوم الاربعاء 19 / 2 الله يقويكم على التنسيق الجميل
والمحاورات المباشره مايكفي تنسق جدول وملخبط لازم تنسق بين
الشاعرين بالرسائل الخاصه

واخيرا" واهم مافي الموضوع
صح لسانك ياقايد الفوج على الطرق المميز الصعب
انت من وين جبته الظاهر حتى لو جا حبيب ومستور مايقدرون
يلعبون عليه



وصحت السنتكم يالشاعرين على الجزاله والابداااع
معنى ومبنى ياسلام عليكم كفيتوا ووفيتوا




تحيتي للجميع ؛؛

عموما اسعدنا مرورك العطر لك منا كل الود والاحترام والجايات اكثرههههههههههه