هذه احدى محاورات الشاعر حاسن المطرفي والجن،ويقال بأنها تكون وهو منامه وانه يرى صفوفهم كذلك،

الجن

سلام جيناك من روس المشاريف = نبى نعسك عسى مابك رزيه
قالوا مسخن وقالوا حالك ضعيف = ولاتحتمل للعلوم اللي قويـــه

حاسن

يامرحبا بالرجال اهل المـعاريـــف= لوكان مدري من ايات النحيه
واللي يجي من كثير الجود تخفيف= وانا مـن الله بخــير ولاعلــيه

الجن

نبي نصرف كلام العرف تصريف= حتى تبين السمين من الرديــه
العام تذكر تلجلج بالغطاريف = ماطحت لك في رجال (ن) صيرميه

حاسن

المعرفة وانا حاسن بحر(ن)مطيف=ماهيب سقوة ولاجتني هديــه
العام اغني واعدي بالمهاييف=والعب على الناس لعب العرفجيه

الجن

جيناك بسهومنا والرمح والسيف = وانته لحالك ولالك مرحـــــميه
يلعب بك الليل وانسام الهفاهيف =واخاف بكرة تصير انت الضحيه

حاسن

مالومكم ياكبيرين السواليف= ماتعرفون الصواب من الخطــــيه
ماهي علوم(ن)تصرفها على الكيف=حياة نفسي على رب البريه

الجن

والله لادحمك لين تعود معيف= واني لزاحمك بالقـــــوم الرويـــه
بالكف والصف والسلطان والقيف= واصيح للجن واقول الحميه

حاسن

قهرتكم بالنبي راع المواقيف = محمد اللي بباب العنـــــــــبريه
لكن صلوا بنا في مسجد الخيف =واحنا نصلي بكم في العابديه

الجن

طايح بغبة ولاعندك مجاديف =راحت عليك الرباع مع الثـــنيه
ليا بغيت المعاني والمحاريف= لاتارد الا العدود الجاهلــــــــيه

حاسن

حنا وردنا البحر وانتم مكاتيف = يالاعبين اللحون السامــــــريه
روحوا مراح السحاب اللي مراديف= انتم غريبين والدار هذليه


للامـــــــــ منقول ـــــــــانة

بارك الله فيك على نقل هذه القصيدة النادرة


وأنا أسمع كثيرا عن محاورات له مع الجن منها



إن كان يا حسن من الجن ذليت....لجة عيالك ذكروني عيالي


لكن ما أعرف بقية المحاورة ياليت من يجدها يقدمها لنا



لك خالص تحيتي

المستشار

تسلم يمينك والله يعطيك الف عافية على الطرح الجميل المميز

شاعر من كبار الشعراء فتل ونقض مبنى ومعنى الحقيقة

تقبل تحياااااااااااااتي الخاااااااااااااااصه

صقر عتيبة

المستشار ..

تسلم على الأختيار المتميز ..


كل الشكر والتقدير ..



ودمت بخير
..

شكرا اخي الكريم....معقول انسان يحاور الجن ما اصدق

شكرا على القصيدة الحلوة


معبرة جدا الله يسلم عمرك

معقول هالكلام



ما اصدق هذي من القصص الخيالية


والناس يصدقون

السلام عليكم ورحمة الله وبركاته

تسلم على هذا النقل الرايع

ومشكور

مشكور على القصيدة الجميلة احسنت الاختيار تقبل التحية

مشكور على ما طرحت من ابيات جميلة



تقبل مروري المتواضع