المحاورة التي جرت في يوم الاثنين

بتاريخ (17 / 2 / 1431 هــ ) ( 2 / 2/ 2010 م )

بين الشاعرين الكبيرين هماً

1 ) بتال الاقرع

2 ) بن هليل

اليكم المحاورة

بتال الاقرع


يا أهل البيوت اللي رفيع عمدها=سلام من طرقي مع الدرب مرار

هذي بداية والسوالف بعدها=اليا سمعت أخبار وأدليت بخبار

بن هليل


يامرحبا عداد ما ارعد رعدها=بالطرقي اللي ينحسب من هل الدار
قود المطية لا تقيد ليدها=ياللي تجيب أذمار وتودي أذمار

بتال الاقرع


دام البقا والمعرفة من وجدها=تقعد بعده بتالي الوقت تذكار

الأم ما ترضى خلافة ولدها=والراس ما نرضى له الكي بالنار

بن هليل


المعرفة يا شاعر العرف قدها=وإن كان ما تقدر نخليك سمسار

ولد الرضية بالرضا ما جحدها=والراس ما ينقاس مليان بأفكار

بتال الاقرع


بني البيوت أخير والاهددها=وإن كان هدت فوقكم يا ولد عار

تقعد وجيعة بالكبود ولهدها=ما ينسي يا صاحبي طول الأعمار

بن هليل


الحجة اللي ما توكد سندها=ما تنفع اللي قام يرقص على الطار

بتال بعض الخلق ربي قردها=ومن خالف الاسلام مثواه بالنار

بتال الاقرع


العد يشرب جمها من وردها=ما تروي اللي يارده والرشا قصار

أنته تحسب الناس تنسى بلدها=والا الصقور تكب زينات الأوكار

بن هليل


دامك عرفت العلم للدرب ردها=لا تاقع بحفرة حفرها لك الفار

خل الصغار تموت داخل مهدها=أقبر علومك قبل ليجيك قبار

بتال الاقرع


جرادنا شهب الشجاري حصدها=ياللي تحسبنك على القوم مغوار

ما تنفعك زرق العيون ومددها=لو يجتمع حولك ثمانين طيار

بن هليل


جرادكم بعد المقابر عبدها=ببيده بالسم في روس الأشجار

ياملة(ن)رب الخلائق فردها=طاعة بليس وخالفت درب الأخيار

بتال الاقرع


أنت السبب بالأوله ثم بعدها=تأكل حلال أيتام وتذل قصار

والناس تدري بعلة موتسدها=لا تحسبن الناس عميان الأنظار

بن هليل


ماني سبب أنته ملوي عقدها=شبيتها مابين مسلم وكفار

تصلي صلاة محد قبلك سجدها=تعبد صنم مصنوع من صلب الأحجار

بارك الله فيك



مشكور على التنسيق



لك خالص تحيتي

صح لسانهم .. محاورة جزلة ..

و مشكور صقـر عتيبـة .. ويعطيك العافية


كل الود
..

الله الله



صحت الالسن



ومشكور على التنسيق الرائع

الله الله الله

محاوره جزله من شعراء جزلين

الله يعطيكم العافيه

مشكور على التنسيق

صحت السنتكم سعدت بتصفح ما دونتم

مشكور أخي على التنسيق


وكان لي شرف محاورة ابن هليل حفظه الله


ويعلم الله استفدت منه كثيرا


بارك الله بالجميع

صحت السنتكم يا مبدعين



محاورة رائعة بروعة فكركم الراقي


تقبلوا خالص التحية

مشكور اخوي على التنسيق


والمعذرة عن تاخري