السلام عليكم ورحمة الله وبركاته
مع انني جديد على منتداكم وعلى سلومكم الا انني اعلم عنها النزر اليسير لذا اريد منكم مجاراتي ومقابلتي فان اصبت فمن الله وان اخطيت فمن الشيطان ونفسي وانا تراني شايب كبير فالسن ولكن العود كما قيل فالملاقا صبي وهاكم الداره ياحباني



سلام رديه من الفهمان عالين الهمم= تنصا الرجال اهل السلوم الغاليه

من سالف الازمان حنا اهل الحكم= وكلن على سلمه يجيب امثاليه

حياك الله بين اخوانك ياشايب فهم وبانتظار من يجاريك ويعطيك العلوم الغانمه وياخذ مثلها

حياك الله



و صح لسانك دوم




تقديري للجميع

حياك الله وش مسرحك على عباد الله من الفجر


ترى راح زمان صبح القوم ولا تماسيهم


واستلم



يامرحبا ياقائد الظفران وزيادة نعم=أقلط على المقهاة وإشرب مرها والحاليه

ما كان كان أيام كنتم تعبدون أكبر صنم=ياصاحبي لا تربطون الأوله بالتاليه

الله يبقيك ياراعي نعم وانته ماتعرف الفهمان يغدون من باكر وكل واخد يعج غليونه بالدخان الخضر والسلسله توامي مع جنوبه واستلم ياالعتيبي



دام البقا يااللي تعلق فالعمود ام الشحم= اليا لقينا الحاليه تسلم لهيب الصاليه


مانعبد الا الواحد المعبود خلاق النعم= انكان هذا مدكم للضيف واعزاليه

استلم استلم




تكفون يا عربان أنا وقت لي بعود(ن)قحم=ترك طريق الأخرة موتر(ن)بالباليه

من ديرة العميان مقطت الشجاري والفحم=وش علمه نظم القصائد يالاله يالاليه

من فجعة العود القحم عانك تلوى بالسلم= يامضيع الثنتين همك تجمع الامواليه


نرفا بها وجه الرجال عن التسول والعدم= تاريخنا يشهد لنا مااستشهد الانذاليه

الله الله

وروح صل ونكمل بعد المغرب




أنا نويت أحط لك بالدرب يا غاوي لغم=اليا قربته برمشة عيونك تروح اوصاليه

لكن خلك في ديارك يا محرقة العظم=السيل عانه جايكم من الجاليه للجاليه

لغمك خامد من عصور الترك وعصور العجم= عود لعمتك الحبيبه تمسح الهماليه

لومانحرق فيه بالنيران ماجاله طعم= لكن ابا احرق فيك حتى تضرب الامثاليه

أنا نويت أحط لك بالدرب يا غاوي لغم
اليا قربته برمشة عيونك تروح اوصاليه


لا يهون الفهمى متاااااااااااااابعين


لومانحرق فيـه بالنيـران ماجالـه طعـم
لكن ابا احرق فيك حتى تضـرب الامثاليـه

الليل الليل




صبرك شوي إن راده الله يالقحم تغدي عدم=والا تدور لك شعاب(ن)يالفهيمي خاليه

البحرلا تقربه موجه يالتهامي يلتطم=وأنته غشيم تشيل حمل صعب ما ينشاليه

انته تقول اصبر وانا رجال اقولك قدم= ترى العلم فالملعبه محسوب للابطاليه


البحر حنا نسبحه ويقول سباحي فهم= لكن ميز دقها ياالذيب والاجلاليه

الليل الليل


ياويل راعي الردية والا بالمجلس مضيع الدعية



نويت أعرقيها على خدك وأسوي لك وسم=ياراعي العكه بعد دهنك علانا ساليه

حلفت لقطع دابرك وأضيعك حلو النسم=لو إن دمعك فوق خدك جاي له هماليه

استح وانا والد علاك اهب ياراع الغنم= شربت سمني من عكيكة جدك اللي غاليه


بعدين من يلعب معك ياهيه ياحلو النغم= عودك وشيله بالرضا ياجعل مالك واليه

ياشين حظي طحت لي في واحد مابه دسم=قومي ليا شديت حمله فوق جنبه ماليه

يقول أنا شاهين لكنه طلع طير الرخم=وين الحكم ياللي علومك كلهن خباليه

الله الله



وش ذا المصامح الله يعطيكم العافية

صح لسانك ملياااااار يالفهمي عزالله كفيت وووفيت




ابن هليل صح لسانك ملياررر ولاكفون


نقض وفتل على مايقولون




استمتعت بتصفح هذه المحاورة