الليله السوق خالي ماش ناس(ن( فيه يشرون= ولايبيعون والظاهر جلو مجلى طميه

ياالله تجيب المطر حتى لمشحاهم يعودون= واجعل ديار (ن) لها مدوا من الليله سنيه

راع الصدق

صح السانك طاروق من بدايته جميل

ننتظر الطارف وان شاء الله مايطول

متاااابع لكم جميعاً

تقبل تحياااتي الخاااصه

صقر عتيبة

شكرا على تواجدك اخي الغالي صقر عتيبه والهدف التسلي مع شرواك من الرجال تقبل تحياتي

صح لسانك وننتظر زميلك


متابع

حيا الله ابو فواز


وبيض الله وجهك





الليله السوق فيه السعر عالي كان تبغون=واللي مفلس يبا ياخذ من أطراف الرديه

يا صاحبي هات سلمك كان شاري وأنته زبون=البنك مليان والمكسب ترى ميه بميه

الله الله
بدعه كايفه

ورد كايف

موفقين والى الامام

راع الصدق

بن هليل

صحيتوا وبيض الله وجيهكم

على هذا المحاوره القويه

من بدايتها شدو الحيل

ترا الصفوف متعطشه ومشتاقه

الليل الليل الليل

متابع بقوه واعجاب لهذا الطاروق

الناري ....وفقكم الله

الله يحييك ياعود(ن)حضر يعكز على شون= ماانته بقادر على الميقاف وعظامك ونيه

اكل علاك الدهر والعمر ينقص دون في دون= عود لمسجدك وادع الله قبل وقت المنيه

سلمان وابن عميش وصقر عتيبه وملك القلوب الله يحييكم واحضروا ميتة العود

الله الله




الحمد لله أنا في ماقفي واقف ومأمون=وإن عودت للملاقى ما تبا تضحك عليه

يا ورع لا تقرب لشوني يقعك بين الاعيون=ثم يحسبونك عليه وافي(ن)وأنته شويه

الله الله الله

راع الصدقــ ,,,,بن هليل

الله يعطيكم العافيه

بــــدع وافــــي ...... ورد وافـــي

صــــحت السنتكم


عساكم على الـــقوه


مــــــــتابـــــــــــ ع

ابا ازعل العود وابا ارضيه من عندي بغليون= لانه حبيب وغليوني يزيده معنويه


الورع يتعبك من فعله تروح عيونك قرون= وانته ماتقدر تقاوم لاحصل فالعلم هيه

الليل الليل


مايزعل العود فوق عياله اللي ما يعرفون=والورع نعطيه مصاص(ن) وبسكوته لهيه
وأنا رجاوي ليا كبروا بعد مده يعقلون=وإن كان م الله هداهم نشبة(ن)وأكبر بليه

الليل الليل الليل

الله يعطيكم العافيه قاف

ناري شدو الحيل

الصفوف وقوف والساري سرا

لكم التحيه

العود ماهو بداري عن عياله وش يقولون= هذرا وصوت الشظايا حسها جاله دويه


والعود ماياكل الدسمه وياكل تمر معجون= فاتح فمه طاحت سنونه يروع من جميه

الله الله



صحت السنتكم



مقاذع حامي



لكم التحية

الله الله



العود عينه علاهم داري باللي يدسون=احسب حساب الخفيفه والثقيله والقويه

ياورع خلك على الحنبص بوسط الجيب مطحون=يعجبك طبل المغني والرقص والسمسميه

الله الله



العود ماينظفه وايت وكرتونين صابون= وانا جاه مرار قال الله يلطف بالهفيه


الورع بطران والمزيون يبغى كل مزيون= والا انت خلك مع الحاجون في صبح ومسيه

الله الله


ما قصرت غط وتغط



الله يهديك ياراع الصدق وبليس ملعون=لكن بتوبك بعد وقعتوا في يديه
ماهمني لو زعلتوا ياولد بعدين تنسون=الا ليا كنت يا راع الصدق رجال عيه

ابن هليل بيض الله وجهك على الرد الجزل والفكاهي بنفس الوقت وارجو من الاخوان الذين مروا على المحاوره ان لا ياخذوها على محمل الجد وانما مزح بين الولد وجده وشكرا

طيب طيب


مصامخ ولا هو بي مصامخ


تسلمووووووووون

ومتابع