هذه المحاوره جرت بي الشاعرين /سعد حميد الثبيتي(راع الصدق) والشاعر /سامي رده السلمي(سيف الحق) في ليلة 20/5/1428ليلة الاربعاء على جهاز( الكنود) وكان البادي بالطاروق سامي السلمي


ســـــــــــــــامي السلمي


سلام الله بردية وفا يامكرم الضيفان= عسى يمنى المعزب ماتقصر دون ضيفانه

يقولون الرجا ل ان الكرم من عادة الشجعان= وراع الطيب تكرم عزوته يمناه ولسانه


سعد حميد


هلا يامرحبا رحب الوفا ياشاعر السلمان=على سبل العرب والبيت ثابت فوق سيسانه

يقولون الرجال الظفر منجا والكريم معان= ومن هو زارنا في دارنا ماينتقص شانه


ســــــــــامي السلمي


يدوم الك البقا وسليم سم(ن)يذبح العدوان=وللصدقان باب شرعت للخير بيبانه

انا خابر عتيبه ماتذك الا خيار الضان=ولا فيها غرابه يكرم الضيفان من ضانه

سعد حميد


ترى ربعك سليم من القدايم صيدة العتبان=ولابه رجل صاحب صدق يجحد فعل جيرانه

ترىان الضان ضانك يوم صدرتوا على المعطان =على عد الروى اللي ماتذوق سليم حيضانه


ســــــــــــامي السلمي


لاوالله ماصدقت اذكر زمان قصار والشغان=ابن فدغي قضى وكيودكم للساع غبنانه

اخذنا الشاكله واللي تبقي الكرش والقصبان=فداكم ياقبيله مالها بين العرب خانه


سعد حميد


ترى ان دميكم في ابو حاط تسقي الضميان=وياكم اسلميه تدهن الاوجان حفيانه

ترانا قسمنا الفطحه وقسم (ن)من على الجدان=يوم ان سليم تحت عبيها صردى وبردانه

صــح لســـان الشعــار


وتســلم علـــى النقــل


تحيــاتي لكـــ

الله الله



يا راع الصدق



قاف جزل صحت السنتكم وليس بمستغرب منكم هذه الجزالة

فتل ونقض الله يعطيكم العافية

شكري وتقديري لكل من مر على المحاوره تقبلوا تحيات

راع الصدق

بيض الله وجيهكم طاروق جزل


من شعراء جزلين


تسلم يمينك


تقبل تحياتي