محاوره بين الشاعرين
حبيب العازمي
والشاعر معيوض بن دبيان الثبيتي


حبيّب


سلامي سلامً فوقه البن والهيل=وفوقه ملا كفي من الزعفراني

ولا يامعيوض جيت من وادي السيل=ولكن غيرك باقي صحيب ثاني

معيوض


هلا مرحبا رحبً يعم الرياجيل=وبعدين اخص ابها الرجال الذهاني

لياجيتكم سكرت كل التحاويل=من اجل الدروب اللّي تلايم زماني

حبيّب


يقولون فالاخبار موجز وتفصيل=وأنا اقول فالاخبار بعض المعاني

تموت الشجاعه كان ماتوا هل الخيل=وترجع تبيع السرج ولاّ الحصاني

معيوض


قطعتوا علينا القافله ياهل الفيل=اثر شانكم ماهو مطابق لشاني

تجيبون للهندي مساحي وزنبيل=وصارت قضيه يالله المستعاني

حبيب


بغانا نحد الريل عن سكة الريل=وقاموا رجال ثبيت بالخيزراني

ياكثر الدلال اللي مامعها فناجيل=وأنا ماعليه من فلان وفلاني

معيوض


انا شرهتي فالضلع بالحيل بالحيل=ولا يحتملها الصاحب الشقلباني

وأنا بازهم القاضي واجيب المعاديل=واسامحك لا من عوّدت للحساني

حبيب


الك شرهةً وحده ليا ما وفى الكيل=والك ساعةً فالوقت والعمر فاني

نبا ننشد القاضي عن العدل والميل=قبل يقسم الميراث بين الخواني

معيوض


شهود القضيه ناس من حرب وهذيل=ولا ني بجايب شاهد من خواني

اشوفك تشوف الجدي وتلد لسهيل=وغرك مع المسرى سهيل اليماني

حبيب


وراء ماتقاضى للعرب من سرائيل=ترى اللي يبيع الخوف يشر الاماني

ترى مالك بعض الدعاوي مداخيل=وقلنا يموت الداب والعقربناي

معيوض


عسى الله يعوض بخير فيد المهابيل=ومن باعني بالهينه ماشراني

صحت السنة الشاعرين .. مبدعين منطق وقول ..


جزالة غير مستغربه ..


شكرا لك صقر عتيبه.. تسلم ايدينك ..

صقر عتيبه


صحت السنتهم شعراء كبار

الهم وزنهم في ميدان الشعر

تسلم يمينك على النقل الرااااائع


تقبل تحياتي

صـــح لســان

حبيب العازمي
معيوض بن دبيان

وتســـلم علــى النقــل

تحيـــاتي لـكــ

صح الله السنة الشاعرين الكبير

معيوض الثبيتي وحبيب العازمي

تسلم على النقل المميز

الله يعطيك العافية

تقبل تحيااااااااتي الخاااااااصة

السلام عليكم ورحمة الله وبركاته


صح السان الشاعرين على هذا القاف الجزل

والله يعطيك العافيه