راع الصدق


قبل المعارك والنقاش الحر لاصحاب العقول= سلام رديه لها عنوان والساري سرا

فتح سموعك زين ياعادل وميز وش نقول= انتi وانا في معترك ميدان والساري سرا

عادل الثبيتي



في حلة رجال الكمول اقرب وتلقى لك كمول=يامرحبا ترحيبة الصفطان والساري سرا

برك جمالك ياسعد قدمك ثقيلات الحمول=لاتلتفت بفلان ولا فلان والساري سرا

راع الصدق


حنا هل الحله رجال ثبيت وافين الفعول= دام البقا من مكرم الضيفان والساري سرا

تبقى العلوم الطيبه بالطيب والعالم تزول= لكن عجل خلص الديان والساري سرا

عادل الثبيتي


الجد واحد والقبيله للوفا دايم تنول=ثبيت مرجع ربعنا العتبان والساري سرا

يابن حميد قالوا الطربان يطرب للطبول=وانت بدوي تطرد ورى البران والساري سرا

راع الصدق


مايجهل الوافين وفعول الوفا غير الخبول= ثبيت دايم ترجح الميزان والساري سرا


ابن حميد مع دروب الحق مايرضى الميول= والرمح مايطعن بدون سنان والساري سرا

عادل الثبيتي



العام يوم(ن) المعارك طاحنه ,, قدرك يجول=واليوم معك الحيه ام لسان والساري سرا

ياصاحبي لاتامن الزيدي ,,حصيله صحن فول=حتى هروجه كان يا ماكان والساري سرى

راع الصدق


احذر يزل ابك القدم بعدين ماتلقى قبول= اقولها لك بالفم المليان والساري سرا


المشكله يا صاحبي تبغى من العاقل حلول= من يتبع الجاهل ترى خسران والساري سرا

عادل الثبيتي


يابن حميد ما غدابك غير ابو طرف(ن) خجول=ولا انته بلا راضي ولا زعلان والساري سرى


لــــــكــــــمـــ تــــــحــــيـــــــااااااااتـــــي

صقر عتيبة

مشكووور على الطرح الرائع

محاورة جميله من شاعرين مميزين

الله يعطيهم العافيه

تقبل تحيااااااااتي الخاااااااااصة

سلمت يمينك على هذا

الطرح الرائع لهذه المحاوره

القويه بين شاعرين مبدعين

وصح لسان راع الصدق

وعادل الثبيتي وجعلكم دايم

على القوه ...للجميع تحيتي

محاورة بلا شك رائعة وقوية ..

ولاهي غريبة عليهم .. وصح الله لساااانهم ..

ويعطيك العافية صقـر عتيبـة على طرحها في موضوع مستقل ..


كل الود

مشكور ياصقر عتيبه

على الحرام انك كفوو يالغالي


لاهنت

الزعيم

ابن عميش

السيف

عادل الثبيتي

لا شكر علة واجب وهذه اقل شي نقدمه لهم وهم يستاهلون أكثر من ذلك

لكم جميعاً تحياااااااااااتي نورتو الموضوع الحقيقة

صقر عتيبة