ياالله ياللي خلقت الكون وايا البشر= حنا عبادك ولا مرك ياالهي نطيع
اسألك باسماءك الحسنى تزيل الضرر= عن كل مسلم يعاني كل امر شنيع
من حين شفت الرساله والمبشر صقر=عز الله اني كتبت ابيات شعري سريع
الله يبشرك بالجنه وطول العمر= بشرتنا والبشاره مفرحه للجميع


سلامة احساس عندي من كبار الدرر= لطف به اللي على خلقه بصير وسميع

من اول احس هم(ن) جال وسط الصدر= قبل الخبر ضاق امامي متسع كل ريع

وبعد الخبر خاطري مبسوط ثم استسر= غمر فؤادي من الفرحه حساس فضيع

من يوم قالوا بخير الله بلطفه ستر= ازمه وعدت وهونها العليم الشفيع

تلبس لبوس العوافي يابعيد النظر= طهور باذن الله وتنعم بعمر(ن) متيع

الله يردك لنا سالم ياراع القصر= عودتك سالم معافى للقلوب الربيع[/poem]

صح لسانك يا راع الصدق



و لا هي غريبة عليك



بيض الله وجهك



والحمد لله على سلامته......تهانينا له ولوالده وكل محبيه بسلامته


لك خاص التحية

الشاعر الرائع راع الصدق

صح لسانك

قصيده مُعبره ونحمد الله على سلامة العزيز احساس انسان

وبإذن الله يتماثل للشفاء سريعا ويعود ينورنا من جديد

صح لساااااااااانك مدد

قصيدة وافية من وافي


و الحمد لله على سلاااااااااامتك احساس


ما تشوف الشر

ملك القلوب والاخت عبير الشوق والاخ ساحر القلوب اشكركم من اعماق قلبي على مروركم العطر الذي اضاء متفحنا وسلامة الاخ احساس انسان هي غاية مطلبنا نسأل الله العلي العظيم ان يشفيه ويرجعه لاهله وذويه معافى انه سميع مجيب

راع الصدق



أولا نحمد الله على سلامة الولد


وهذي نتائج الكورة والمدارس اللي ملاعبها مثل ما يقولون صفا


والحمد لله على كل حال


وثانيا:أشكرك على هذه الأبيات المعبرة والتي تدل على طيب معدنك بارك الله فيك


ولا هي بمستغربة من رفيق


وثالثا: هذه أبيات متواضعة على عجل




نحمد اللي نزل الذكر بسور=وأكرم المبعوث للأمة شفيع
الله اللي في يدينه الأمر=للكبير وللصغير وللرضيع
ومن بلاه الله بدنياه وصبر=بشره بالخير في يوم مريع
كل مخلوق(ن)يسيره القدر=أمر ربي ماشي(ن)فوق الجميع
البشر والطير وسباع وشجر=تحت حكم الله والجاحد يضيع
وكل عسر يحل من بعده يسر=الفرج من عند مولانا سريع
من بعدها واجب انقدم شكر=للرفيق وللصديق وللمذيع
والتحية خص مني والعذر=لكل من هنا وواسى بالوقيع

راع الصدق صح لسانك

والحمدالله على سلامته


ليس بغريب غلى شاعر مثلك

قصيده مميزه وراااائعه

تقبل تحياتي

راع الصدق صح لسااااااااااااااااانك مليون مشاعر صادقه وابيض وجه يابو فواز

ابن هليل صح لساااااااااااااااانك مليون على المجاراه وابيض وجه
وسلامة احساس انسان
والله يشفيه ويرجعه لاهله وذويه معافى انه سميع مجيب

ودي وتقديري

راع الصدق

بيض الله وجهك على مشاعرك الصادقه

تجاه ابناء عمومتك وربعك وهذا دلاله على

معدنك الطيب وصح لسانك يابوفواز

والحمد لله على سلامة اخونا وحبيبنا

احساس انسان وما يشوف شر

للجميع تحيتي وتقديري

اشكر الجميع من اعماق قلبي ويعلم الله ان القصيده جاءت على عجل واحساس انسان ولدنا ورفيقنا في نفس الوقت ولا نرضى علاه مكروه لكن لا اعتراض على حكم رب العباد وان شاء الله يقوم بالسلامه

كما اشكر شيخنا وشاعرنا على المجاراه الجميله وليس غريبا عليه ذلك فهو استاذ الشعر ومن معينه العذب ينهل ومن خبرته نستفيد

الله الله



صح لسانك مدد ماهو عدد ....نص رائع بروعة فكرك


الله يعطيك العافية

راع الصدق

صح السانك قصيدة جميلة جزله تستاهل التقيم الحقيقة

وانا سعيد لاني من بشرك بسلامة احساس وهو بخير حاليا وفي البيت مبصوط ولله الحمد

سوف يتم أضافة قصيدتك الى ديوانك المميز الجميل

تقبل تحيااااااااااااااتي الخااااااااصه يا أبو فواز

صقر عتيبة