http://www.alqwafel.com/vb/uploaded/1_moqlaq.gif (http://www.alqwafel.com/vb)

يسعدني أن اكون بينكم يالغالين


سلام يأهل المنتدى المبروك=اللي تعنينا على شانه
الورد من دونه يحول الشوك=ومزارعيٍ دون بستانه

يا مرحبا بك عند من حييوك=والخط بين لون عنوانه

ياضيفنا ذا بابنا مفكوك=للضيف ثم الجار وأخوانه



حياك الله ....اقلط على فنجال وعلوم رجال


المنتدى منتداك بارك الله فيك

صح لسان لسان ثبيت وابن هليل والليل ترانا لازمين الصف عساكم على القوه

ابن هليل الله يبقيك


يبدو انك استعجلت في الرد وأخطيت البحر واخترت بحر أخر


اتمنى مراجعة بيتينك

صدقت وعشان كذا بردف عليك




ياشاعر(ن)ماجيت بالسنبوك=من عزوتي والرجل بلسانه

ماني بكاسر بابك المصكوك=ما يصدر عن العد ضميانه

الليل ياابن هليل هذا هو الشغل بارك الله فيك زيد اردف علاه لعله يروق

نبا البناء يطلع قصور ملوك=والبيت يثبت فوق سيسانه
الليل ياللي تدفع السنبوك=البحر لا تاكلك حيتانه

أكسب ذهب ماجيك بالداموك=ماني مشاور ناس غلطانه

القاف لا تاطاه ويلوموك=ناس تعرف الشعر والحانه

الحمد لله رب العالمين


انا ماو طيت فالبيت وانت جايب اربع ابيات ورى بعض


وبعدين لا يكون زعلت يوم قلت عدل بيوتك


لانها فعلا كانت على بحر ثاني


وأنت رحت وغيرتها



الظاهر اني ماصلح لكم ولا تصلحون لي



والشره على اللي وجه الدعوه لي للمنتدى



مع السلامه

ياشاعر(ن)ماجيت بالسنبوك
من عزوتي والرجل بلسانه
ماني بكاسر بابك المصكوك
ما يصدر عن العد ضميانه


نبا البناء يطلع قصور ملوك
والبيت يثبت فوق سيسانه
الليل ياللي تدفع السنبـوك
البحـر لا تاكلـك حيتانـه



الشعر مافيه زعل والشاعر اللي يزعل لا يقابل شعار


شاهد اللي باللون الاحمر....اليس كلامي صح


بارك الله فيك


لك تحيتي

لاني انا رديت على بيتينك الاوله


وانت بعد البيتين مالك بيتين هي ماهي قصايد


يعني بيتين ضد بيتين


المشكله اللي يزعل من الأرشاد فالشعر

بلى كلامك صحيح يابن هليل وهذا مايزعل احد لا ن الشعراء الكبار حصل منهم هذا التصرف وانت يااخي الفاضل لا تزعل فالدعوه تسليه ومزوح واستفاده من بعضنا البعض ارجو ان تتقبل كلامي بصدر رحب

ما قصرت بيض الله وجهك وصح لسانك


ماني بزعلان لو زعلت ما جاريتك


ولا عدلت الخطأ وانا قلت لك كلامك صح وعدلت


لكن بقول لك بارك الله فيك وعساك على القوة وبقوم احط راسي سرى الليل


واكرر بيض الله وجهك

الشعر انا عندي عليه صكوك=وادري عن اوزانه وقيفانه
وشعراً بليا معرفه متروك=مال العلوم التايعه خانه
نصرف ذهب ومعاملين بنوك=والحضرمي في جوف دكانه
ويابن الحلال احذر خطايا فوك=قبل حساب الرب سبحانه
أضحك مادام ان العلوم ضحوك=وأن ضقت ..قلت الك الجدر عانه



استلم وتصبح على خير

عدلوا وغيروا


على كيفكم




فالمشاركات


وفمان الله

الله يهديك بس


قلنا لك ختمها الرحمن مافيه داعي لكل هالكلام


لكن استلم هالرد على بيوتك وبقفل الموضوع



يا شاعر(ن)ترا العرب حدوك=والا الشعر منته بسلطانه

أهل العقل والعرف دلوك=ولاني بتابع ناس زعلانه

لكن لن فكوك ثم خموك=الشعر لتحرم لميدانه

الشعر بعضه ياولد مشكوك=بين على الشاعر من أوزانه

اليا زعلت إضرب براسك دوك=في صخرة بلحيل دنانه

لسان ثبيت

بن هليل


الله يعطيكم الف عافيه على

هذه المحاوره والمناقشه الحلوه

واختلاف الرأي لا يفسد للود قضيه

لكم مني اجمل تحيه وتقدير