بسم الله الرحمن الرحيم
إسنادا على الشاعر/ مباك طناء التبيناوي

يوم شدالزين مالي باالقوافي داعي = من يبي يقراءهمومي عقبهم وأوجاعه
كيف قلبي يامبارك في دروبه ضاعي = عقب عرفي صارقلبي جاهلن مطلاعه
دمعتي دمعة يتيم(ن)جاه صوت الناعي= راح أبوه وهو صغيرن مايعرف أسناعه
إن طلب ذاق المهونه وإن تشيم جاعي= وللأجل عيشه باالكرامه عفش بيته باعه
مثل دمعي لانهيته يستحي ماطاعي = ولاتلوم اللي بوسط الموج طاح شراعه
ليت مابيني وبينه يامبارك ساعي =كان أموري في هواها باالعرب ماشاعه
مامضى وقت طويل وشف خبرناشاعي =ويل قلبي من قلوب(ن)ضايعن مرماعهالراوي / فواز الغسلان

ردا على الراوي / فواز الغسلان

والله إنه حارفكري والقلم باأصباعي = صرت أعيدقرايت المكتوب نصف الساعه
وبعد ماأستوعبت وضعك طحت ماني وآعي = سبت الفرقاء قلوب(ن) حاقده قطاعه
ماوعيت إلاالدكاتروأكسجين صناعي = قلت يادكتورإبن غسلان كيف أوضاعه
كيف ضاعت فرصتن بيديك وأنت تراعي = فرصتك باالعمرياراحت صعيب إرجاعه
علمن باإسمه ورسمه والبلدوالراعي = لأجل عينك والله إني با أول الفزاعه
لأجل موضوعك حرام إني نسيت أوضاعي = وصاحبك مالاع قلبك باالمحبه لاعه
والله إن القاف ياطوّل تزين أطباعي= من إرجال(ن)ماتغيرمذهبه وأطباعهالشاعر/ مبارك طناء التبيناوي

مبارك


صح لسانك ولسان فواز


صوت وصدى.....تناغم رائع بينكما


قصائد تستحق الاشادة ......بيض الله وجيهكم مدد ما هو عدد


تقبل خالص تحيتي وتقديري

مبارك



صح لسانك ولسان من ساجلك


رائع ما دونتما من نص


الله يعطيك العافية

مبارك الشريهي



صح لسانك ولسان من ساجلت مدد ماهو عدد


درر لا هنت بارك الله فيكم وبيض الله وجيهكم

مبارك الشريهي و فواز الغسلان

صح السنتكم أبدعتو الحقيقة ومافيكم حيلة صوت وصدى وتناغم بالمعاني

يعجز الشعراء ان ياتو بمثل ها القصايد درر من درر التاريخ

لكم جميعاً تحياااااااااااااااتي

صقر عتيبة

بارك الله فيكم وصحت السنتكم مدد ما هو عدد


رائع هذا التناغم بينكما


الله يعطيكم العافية