binhlailبن هليــل
21-10-2009, 08:12 PM
السلام عليكم ورحمة الله وبركاته
طلب مني صديق قصيدة تصور لحالة فقدانة قريبة له بسبب زواجها
حينما تذكرها بعد عودته للبيت فراء غرفتها مغلقة
وحقيقة ربما لم أتمكن من تصوير مشاعره ولكن اجتهدت ولعلها قد راقت له
واليكم الأبيات
وينك شقيقة روحي اليوم وينك=جيت المكان وصدني باب مردود
قلبي غدا مقسوم بيني وبينك=من يوم حنا أطفال مابيننا قيود
لي مدة ما شفت فرحة بعينك=ولا شفت رسماتك أزاهير و ورود
ودي اسولف معك واحضن يدينك=في غرفة الأحلام ما حس لك رود
يا دار وين اللي قبل ساكنينك=وين المرح والضحك واللعب والجود
لقيت صمت الدار يبكي سنينك=وانا بعد بي لهفة(ن)مالها حدود
ذكرت همساتك وفلة جبينك=مشاعر الأحباب والصدق مسرود
راحت لناس بالطهر ماخذينك=ودعتها ما بين شاهد ومشهود
مبروك رب العرش تمم لدينك=مبروك يا قطعة من القلب والفود
الله يتمم لك بخير ويزينك=ويجنبك نظرات حاسد لمحسود
عسى الهنا والفرح دايم قرينك=بعد شهور يتوج الفرح مولود
بعقولنا وأرواحنا حاضنينك=مابيننا الحب والطيب ممدود
يا غالية بقلوبنا حافظينك=زود الغلا ما ينقصه باب موصود
لا تقطعينا دامنا واصلينك=يا ريحة الأحباب يامذخر العود
عسى كريم الوجه دايم عوينك=تصبح حياتك كلها سهود ومهود
وينك حياة الروحي والقلب وينك=جيت المكان وصدني باب مردود
طلب مني صديق قصيدة تصور لحالة فقدانة قريبة له بسبب زواجها
حينما تذكرها بعد عودته للبيت فراء غرفتها مغلقة
وحقيقة ربما لم أتمكن من تصوير مشاعره ولكن اجتهدت ولعلها قد راقت له
واليكم الأبيات
وينك شقيقة روحي اليوم وينك=جيت المكان وصدني باب مردود
قلبي غدا مقسوم بيني وبينك=من يوم حنا أطفال مابيننا قيود
لي مدة ما شفت فرحة بعينك=ولا شفت رسماتك أزاهير و ورود
ودي اسولف معك واحضن يدينك=في غرفة الأحلام ما حس لك رود
يا دار وين اللي قبل ساكنينك=وين المرح والضحك واللعب والجود
لقيت صمت الدار يبكي سنينك=وانا بعد بي لهفة(ن)مالها حدود
ذكرت همساتك وفلة جبينك=مشاعر الأحباب والصدق مسرود
راحت لناس بالطهر ماخذينك=ودعتها ما بين شاهد ومشهود
مبروك رب العرش تمم لدينك=مبروك يا قطعة من القلب والفود
الله يتمم لك بخير ويزينك=ويجنبك نظرات حاسد لمحسود
عسى الهنا والفرح دايم قرينك=بعد شهور يتوج الفرح مولود
بعقولنا وأرواحنا حاضنينك=مابيننا الحب والطيب ممدود
يا غالية بقلوبنا حافظينك=زود الغلا ما ينقصه باب موصود
لا تقطعينا دامنا واصلينك=يا ريحة الأحباب يامذخر العود
عسى كريم الوجه دايم عوينك=تصبح حياتك كلها سهود ومهود
وينك حياة الروحي والقلب وينك=جيت المكان وصدني باب مردود