يالمغرضين الله يقطع نماكم= ياعل مايمشي على الارض ديار
انتم فساد المجتمع ياعساكم= باعمالكم امين في واهج النار
اعمالكم بالشر تشهد علاكم= الله لايجزى هل الشر بالخار
سخركم الشيطان زود عماكم= رحولة الشيطان في بر وبحار
بعتو برخص اللي بقلبه شراكم= وسويتوا اللي ماتسوى ولاصار
تسعون للفرقه وشقرة عصاكم= افرحتو الشمات في كل الاقطار
ان كان فيكم خير روحوا وراكم= على بني صهيون ردوا لنا الدار
هانت لحاكم واستباحت حماكم= وانتم على طبله وسمره ومزمار
وانتم ماغير عيونكم فاقرباكم= وين الحميه للرفاقه وللجار
واكبر دليل مهاجمة منتداكم= فعله خسيسه تجلب الخزي والعار
وش استفدتوا عودت في لحاكم= يالله دخيلك من عميين الابصار
فعقولكم االله يحسن عزاكم= مابه رجا من سد مارب ولا الفار

راع الصدق

صح السانك قصيده جميلة مميزة جزله من رجل جزل

البقاء للأقوياء الشرفاء لا للضعفاء الجبناء

سيري يا قوافل ولا تخشي نبح الكلاب

لا يستطيعون يفعلون شي مدام الله معااانا انما يفعلوو من الحقد والحسد

لـــــك تـــــحــــيــــــــااااااااااتــــــي

صقر عتيبة

راع الصدق // لاخلا ولاعدم يالقرم

جزله ومن راس جزل بيض الله وجهك




و صح لساااااااااانك مليون

قصيده صورها الجماليه ولا اروع .. رد وافي و يكفينا الله شرهم



و يرد كيدهم بنحرهم


لاتحرمنا من ابداعاتك

الله يكفينا شر الزمره الحاقده الذين لايهنأ لهم بال الا بالتخريب والادهى والامر انهم متخفين وهذا دلاله على الجبن والخوف(لايقاتلونكم الا من وراء جدر اوفي قرى محصنه قاتلهم الله----) اشكر صقر عتيبه وساحر القلوب على المرور الذي اسعدني كثيرا لهم مني ارق التحايا واجملها

راع الصدق

صح لسانك وبيض الله وجهك

وماحصل فعل خسيس وعار لمن فعل ذلك

وبأذن الله القوافل في تقدم وازدهار

والحا قدين نقول لهم (اللهم رد كيدهم في نحورهم)

راع الصدق

صدق لسانك والله انك اسم على مسما

قصيده جزله وقوية المعاني

وهؤلاء الزمره ليسوا الا حاسدين وحاقدين

وهذا شي طبيعي لاي نجاح محارب

ولكن لا يزيدنا عبثهم الا قوة واصرار على

الوصول بهذا الصرح الى اعلى القمم بهمة

اسرة القوافل الاوفياء ....ابو فواز تقبل

تحيتي وتقديري الخاص

شكرا لكم جميعا على المرور العطر وسيروا الى الامام ونحن على خطاكم نسير وفقكم الله

إن كان فيكم خير روحوا وراكم********على بني صهيون ردوا لنا الدار
صح لسانك يا أبو فواز وما قصرت وبيض الله و جهك
ولك خالص الود

شرفتني يابو خالد بمرورك العطر بيض الله وجهك ولك مني كل التقدير والاحترام

صح الله لساااااااااااااانك وبيض الله وجهك

كفيت وفيت يابو فواز

المنتدى بإذن الله بيبغا شامخاً لا تهز العواصف

مدام إبن هليل قايده ونحن اعضاءه

وبارك الله في كل من ساعد على ارجاعه

الله يعطيك العافية

تقبل تحياااااااااااااااتي الخاااااااااااااااصة

صح لسانكـ ..

ودائماً البقاء للأفضل .. وللشموخ العالي ..

أشكركـ .. ويعطيك العافية

دمت بخير ..

خالص الود
...

هانت لحاكم واستباحت حماكم=وانتم على طبله وسمره ومزمار
وانتم ماغير عيونكم فاقرباكم=وين الحميه للرفاقه وللجار

تصوير رائع من قصيدة جميلة بحق

تستحق الثناء والاطراء

تسلم ياابو فواز

صح لسانك وبيض الله وجهك .

واكبر دليل مهاجمة منتداكم
فعله خسيسه تجلب الخزي والعار
وش استفدتوا عودت في لحاكم
يالله دخيلك من عميين الابصار
فعقولكم االله يحسن عزاكم
مابه رجا من سد مارب ولا الفار





صدقت يابو فواز ,,, وصح الله لسانك مليووووون



والمنتدى شامخ وباقي شامخ بإذن الله تعالى ,,


ولا يقذف بالحجارة الا الاشجار المثمرة ,,,,


ودام رجالاته موجودين الله يطول بعمارهم ماعليه خووووف ,,,





تحيااااااااااااتي لك

قصيدة جميلة قويمة المعنى مترابطة الابيات تدل كل الدلالة على شاعرية شاعرها

وتمكنه من هذا الفن الجميل بعيدا عن موضوع القصيدة اشكرك اخي الغالي ابو فواز واشكر

لك شاعريتك المتمكنة تقبل مروري اخوك امير الذوقـ

ودمت بهذا التقدم والابداع

بيض الله وجهك وصح لسانك كفيت و وفيت


هذه قصيدة من الطراز الأول مما تحمله من معاني ونبل


بارك الله فيك


لك خالص التحية

اشكر اخواني الذين اتحفونا بمرورهم العطر فلهم مني كل الود والاجترام

راع الصدق



صح لسانك يالذيب ...ابدعت فيما دونت نص راقي بكل ما تعني الكلمة


بيض الله وجهك وصح لسانك


وقد جاريتك على عجل على هذا الرابط


http://alqwafel.com/vb/showthread.php?t=11588



تقبل خالص تحيتي