بسألك كيف نتقابل دامنا ليل ونهار
لو تقابلنا تموت الناس وتقوم القيامه

كيف واحنا بالتناقض قلب ثلج وقلب نار..
قلب ماعنده هيام..وقلب ميت من هيامه..

النصيب اللي جمعنا عاد واللي صار صار..
ماعلى قلبي ملام ولاعلى قلبك ملامه

لكن آسف وأقبلي مني رساله أعتذار..
ظرف حب وفيه ورد وبين طياته حمامه..

عله آخر مايكون من الوله والأنتظار..
وعل ماتبقى تحت جفني من الفرقا علامه..

دام ماللحب عندك أي قيمه وأعتبار..
ليش عذبتي خفوقي واستغليتي غرامه..

ليش ماكنتي معي بالحب في نفس المسار..
قبل أعيش أيام موت القلب والآم أنقسامه..

جيت وعيوني هدايا شوق وأحلامي كبار..
ورحت رجل(ن) مامعاه من الهموم الاعظامه..

من عرفتك والاماني طايره والنوم طار..
منطوي والبال يشرب وحشه الليل وظلامه..

أعترف لك كنت أحبك حب حد الأنتحار..
كنت أحس بضعف قلبي لاسمعتك وأنهزامه

لين شفت أن الفراق أحيان مامنه فرار..
قلت أفارقها وأموت ولا أعيش بلاكرامه..

والا أنا والله قبلك ماعرفت الأنهيار..
لين شفت بموق عيني نار دمعه وابتسامه..

لو خذلتي حب قلبي واعتبرتيه انتصار
ماخذلتي رأسي اللي ماخضع للوقت هامه..

بالغلا ماعاد يجمع بيننا درب ومدار..
كوكبين وكل كوكب له مداه وله نظامه..

خوذي أخر مابقالك في شفاهي باختصار..
روحي بحفظ الكريم وغادري مع السلامه..

وان خذتني غربه الفرقا لمستشفى شهار..
قلت عاشق طار عقله ماتراجع عن كلامه..

يوم شفت الليل لايمكن يقابله النهار
قلت روحي والوعد يابنت يوم القيامه ..






مما راق لي للشاعر /// سعود المرسال

لو حة جميلة بالمتناقضات اللتي عبر عنها الشاعر

عشت معها كما واني استمع لأ عذب الالحان فى لية حالكة الظلام

شاعرنا مبدع القاف صفحاتك تزهو بكل جميل بجمال قلمك

احسنت الإختيار أسعد نى

تصفحى لمدونتك خالص تقديرى

ووافر الاحترام

مبدع القاف

الله يعطيك العافيه

أختيار رائع لشاعر مبدع ومتميز

لك كل التقدير والاحترام

كل الشكر لكـ

على طرحك الرائع


الله يعطيك ألف عافية

لكـ تحيتي

[الـــــــمــــــبــــــــدع]