.....((ترى الكذاب يروح النار))....

على ذاك الرصيف أسهر وأنادي بكل الجنون القار..
..أكلم شارع خـــــــالي سواده من سواد الليــــل..

ترى مــــــاهو فلــــس ولا بقلبي قلت الأشعـــــــــار..
..ولكن واقــــعي يفرض علي أكتب بـــلا تعديــل..

أنــاراح العقــل مني وعنــــدي للجنــــون أعــــذار..
..معــــــاناتي إذا بوصف يفـوق الوصف والتعليل..

من اللي قد وقف مثلي يواجه الأقــــــــدار؟!
..رضى يبقى ويتحمل ...عشر أضعاف همه يشيل ..

من اللي ثبت أقدامـــــــه يقــــاوم شــــدة التيـــار؟!
..ويعرف ان النخل وهو النخل راح وجرفه السيل..

من اللي حــب له طفله وحلم من يوم كانوا صغـــار؟!
..يتـــــوج حبـــه بفرحـــه وأمــه تحضنه بتهليل..

يمـــرالوقـــــت وسنيـــــــنه تمر ويستــــــوون كبار..
..ويتغرب لجل حلـــمه يســـابق كل شباب الجيـل..

ويــــرجع رافــــع راســه بعد ما صار هو طيــــــار..
..وبقـــى من حلــمه الوردي زفاف يرفض التأجيل..

يجيهـــا يقول حــان الوقت تعالي نكشف الأســــرار..
..طفـح كيل الصبر ماعاد في صبري وصبرك كيل..

ويذكرهـــا بوقت صــار مع مـــــر الزمـــن تذكـــار..
..بأيـــــام الطفـــــوله يوم يغرقهـــــا غلا وتدليل..

يمازحهـا وتردد له(تـــرى الكذااااب يـــروح النـار)..
.
.يجـــافيها وتهمـس لــه (أعرف أن الجفا تمثيل!)..

وتدمــــع عينهــم لثنين يهلـــون الدمـــــع مدراااااار..
..ترى الذكرى ولو حلــوه طواريها تهــــد الحيـــل..

وتـــسرح في وسط عيــنه ..تفكـر .. ترتجـف..تحتــار..
..يسألهـــا عسى مــاشر؟!ويطيح من ايديها المنديل..

وتنزل عالـــركب وتقـــول تســامحني على اللي صار؟!
..حشـا واللـــــه ماخنتــــك ولكنـــه حصل تبديـــل..

تراهــــا غيـــــبتك طـــــــالت وتــــدري وقتنــــا غدار..
..كبــــرت وخفــــت تتـــأخر وخير البـــر بالتعجيــل..

ويشهــــــق يلمـــح الخـــاتم ..يحس القـــاع تحته دااار..
..ولا يستـــوعب المــوقــف بليـــا شـــرح أو تحــليل..

يســـــود الصــمت..ولاكلمـــه ونظـــره كلــها استنكـار...
..شلل صـاب اللسان وصـــاب كفيــن العتــب تكبيــل..

دقيقه تمــر..طعمهـا مـــر..نهـايـة عمــر..مـوت أزهــار..
..خســارة حب..ضيــاع فدرب..نـار تشب..عذاب و ويل..

ويســـرح لو بعيـــده تـــــهون ولكــــن كيف بنت الجــــار..
..ويكـــسر صمتـــه بصرخــه تعدت في مدااااها سهيـل..

ويفقــــد وعيــــه وينزل على قـــــــاع الثــــرى منـهــــار..
..مصيــبه كيف يتحــــمل؟! تـــرى ما بالأمــر تسهيــل..

مابينــــــــه وبـــين غرفــتهــــا ...ممـــر ونخـــله وجـدار..
..وهـــــذا اللـــي يعذبــــه و يــــزود طيـــــنه بتبليـــل..

يشـــوف اللــي ســرق عمــره سكـن وياهــا نفــس الــدار..
..غــــدى جــار ولــه حـق نــزل فـــي محــكم التنزيــل..

ويتخيـــــله يغــــازلهــــا ويقـــول أنـــه عليهـــا يــغــار..
..ويتــردد صــدى همســـه ولــــمسه وضحكــه وتقبيل..

ينــاظر دارهـا وفكـــره ورا ذيـــك بالستــــاير حـــــــار..
..وشبـــاك الهـــــوى عتمــه بعد مـــازادوا الـتظليـــل..

يقـــــرر زوجهــــا يبنـــي ويرفـــع مستـــوى الأســـــوار..
..ويتصـــرف عــلى كيفــــه عنــده منـــــهم تـــــوكيل..

ومـكسور الجنـــــاح اللــــي بلا ذنــــــب يـــذوق أمــــرار..
..يصــارع حســرته ويــجر بـــعد ذيــك الهزيمــه ذيــل..

يفــــكر كيـــف طــــاوعهـــا الضمير تـــكون شــي ضــار..
..بعــــد ما كـــانت لعمـــره عمـر يحــسب مـداه طـويل..

خـذت كـــل مـابــقي مـــنه ومـن عقــله خــذت الأفكـــــار..
..وبـرواز الـــوعـــد مــــايل خـذتـــه تخــاف قـال وقيل..

عــطـت بــــروازه لـغيره وخـــلت في الحشــــا مسـمــــار..
..وآخــــر كلـــمه قالتـــها رجـــــاءا مــاأبيــك تعيــــل..

ورد بكــل غضـــب يســـأل تــحسبينـي مــن أهـل الثــار؟!
..أنــــا وقـــتي غــدا مـــلكي ولا يــتــحمل الـــتـعــطيل..

وداع اللــه وإذا بعــــدك مـــرض ايــمـــــاني العـــطـــار..
..أنـا لــي رب ما يـهمـل بــــقرا كـتـــــابه بـتـرتـيـــل..

وإذا كــانـت مســـافـــات الــمنــازل بـينـنــا أشـــــبـــــار..
..لـخـلـيـها سفــــر أيـــام وأســـاوي كــــل شبـــر بـميل..

وإذا قــالــوا عـــلي مـــجنون أو مـــلبوس أو صــابـه زار..
..لنــاجـي شــــارع خــالــي لوحــده في تــــوالي الليل..

بقـــول ان الجنـــون أرحـــم كتبــت مـن الجنـــون أشعـار..
و..صــدق شـــعري يتــــحدى الـذي قـال الشعر تمثيل..

وأعيــــش العمــر أرددهــا (ترى الكــذاب يــروح النـــار)..
..بــراءة كـــانـت الجــــمله ولـــــكنه حـــصل تبــــديل..

حكـــــاية عمــــري من يــوم الطفولــه لين صرنا كبـــار..
..في هـذي الصفحـــه شفتوهــــا وعايشتوهـا بالتفصيل..

أبــي شخــص ينــورنـي ومــن أبيـــاتي بـــس يختـــــار..
..حــرف مـــاشكى مــــن هــم ويبــــشر منــي بتعديل..

بعـــدهــا بعـلن افــلاسي وبتــرك عــــــالم الأشعـــــــار..
..لأنـــي مـــاقدرت أعـطي لــحزني في الشعـر تعلـيل..

وبــرجع للســـرير اللي من غيـــــابي شكــــى محتــــــار..
..واريــــح عـين شوههــا ســـواد يـــشبه التـــــــكحيل..

وفي آخـــر بيت بسألكم عـــرفتوا ليـــش أنـــاجي القــار؟!
قـــولوا للثــــريا من تنـــاجي لو خذلــــها سهيــــل؟!


منقولة

صح لسااااااااااانك قايلها

وتسلم ايادي ناقلها

اختيار مميز

الله يعطيك العافية

تقبل تحيااااااااااتي الخاااااااااااصة

صح لسانك .. اختيار متميز

ويعطيك العافية .. كل الود لكـ

تحيااااتي

الزعيم

صح بدنك


مشكور على مروووورك الغالي


تقبل تحياتي