بسم الله الرحمن الرحيم
قصيده بعنوان (الصيحةالتاليّه)
(للشاعر/ مبارك طناء مبيريك الشمري)
في بداية معرفه بيني وبين شاعركبير على مستوى منطقة الجوف وهو الشاعر/رجاء عوض السنجاري الشمري(أبومسند)عندما تحول عملي إلى سكاكاء قمت بزيارةله أستجابةً لدعوته وكانت في أيام فصل الربيع وأثناء حديثنا عن الأمطار والربيع قال الجوف هاالسنه ربيع ولله الحمد والأرض به فقع ووصف لي المكان الذي وجد الفقع فيه وعند تواجدي في الموقع وما بين حين وآخــر تتكاثرالناس وإتجهت لسيارتي شاهدت لي آدمي بالقرب من سيارتي يبتسم و يتكلم ولم أفهم من كلامها إلا كيف الحال وكما هو معروف عندما تتأكد عنود الصيد من أنها أصابتك إصابة قاتله وإعاقه مؤثره دائماً ماتسألك كيف حالك كما قال على ماأضن دايم السيف ( تنشد عن الحال حالي كيف ماشفته )وكانت الحال وقتهاكالتالي بإختصار ،

حـالتي باإختصار الجملة الـتـاليه = حللي كل حرف بدون خوف وقلق

مثل عيني غـلاك وكلمتي غـاليـه = مثل روحي قضت روحي ورب الفلق

كان للقلب وآلي فـأنتي الواليـه = إحفظيـه إربطيـه بسلك وإلا حلق

أو يعـله يضيع ولحظتك سـاليـه = ماهو ذنبي لعـله باالجحيم إ يـعلق

لوعت الـمـبتلاء ذنب اللذي باليه = مالي شف(ن) بغيرك لو عرضلي دلق

لأجل عينك ولأجل الصيحـة التاليه = الوفاءعـادتي والصدق لي مـنطـلق

اللي تبينه يـصـير وقيمـتك عـاليه = جل من هو خلق هذا الجمـال وخلق

الليالي بدونك من الفـرح خـاليـه = لـيـه صـوبتي القلب الجريح بطلق

حـالتي شوف عينك ممحـله باليـه = وإنتهى الصبرعندي والطريق إنـغـلق

وإنجلت فرحت الدنياء مع الجـاليـه = موعدك ياحـيـاتي وش بلاه إنزلق

ذقت مـر الليالي مابه الحـالـيـه = مثل شمس الضحى بانت ورب الفلق

يابو مسـند هموم القلب مـتواليـه = والعلاقـة بناسـه مـالقيت إمعلق

يوم كانت بريضـان النفل فـالـيه = فرصت العمرجت لي والحجاج إنطلق

بعد ما كان كفي بالوفـاء مـالـيـه = صـاده الحـر وأبعدها نبيح السلق

ذيروها وراحت قبل لإسـتـالـيـه = خوفوها وصـدّت والجديل إندلق

عنق ريم (ن) تقود الصيد متـعـاليـه = ظنتي من يزاعمها بعد مـا إنخـلق

يابو مسند هموم الحزن مـتـتـالـيـه = قدرة اللي خلق كل البشـر من علق

واحد (ن) يعلم اللي صار والـتالـيـه = رب موسى عزل عنه البحر وإنفلق

((( الشاعر/ مبارك طناء مبيريك الشمري)))


بسم الله الرحمن الرحيم

((( رد الشاعر / رجاء عوض السنجاري أبو مسند

( وكان ذلك في بداية التعارف فيما بيننا وكل منا لايعرف الآخر المعرفة التامه )

من قريحن تهيض هاض باأمثـاليه = دارت أفكار فكري والطريق إنبلق

حافظن بالهدف رصاص شـعاليه = مخلب الحر دامي ماضربه إنشلق

كن بحر العرب يزوم من عـاليه = بين جزره ومدّه من حشاي إنصلق

دشيت جم إجمام وصفوّة إزلاليه = نرغم القاف الألوى من عدم وإنخلق

نبع هداج تيماء مانقص داليه = ماهو رسـن تلاشـاء لو غرفته يلق

لو تشيب القوافي بس من جـاليه = هيهات أناماتوقف والخفوق إصطلق

مرحبا يارفيق ٍ رفقته غـاليــه = والله إني فرحت ويشهد اللي خلق

سـرني مـاقريته وإنشرح باليـه = فرحتي فرحت المسجون يوم إنطلق

لك معّزه وحشمه فوق متعـاليه = ماهي زيف وسوالف مهلق ٍ به هلق

يابو عبدالله إسمع نبذة أقـواليـه = باالمعـاني نبات(ن) في زيازي ملق

لو تبرج طريق إقفاي وإقبالـيـه = كان أسوق المطاياء والرجاء منطلق

ليه خفيت مابيّنت مـدخالـيـه = وأنت تدري فلاني ظمن حشوالزلق

لأجل عينك وصوت ٍ بأول التاليه = يوم جينا جميع ٍ باالحـدب والطلق

والهوى وإن رجعنا للهوى صـاليه = إبن عمار يلبس له خـياش وخلق

حب نجل العيون السود غرباليـه = عكش رمش ٍحدود السيف يوم إنذلق

ماجحدنا الغرام المر مع حـاليه = والسعد والسـعاده والسهر والقلق

وضح القصد لي با الجمله التـاليه = دلني في طريقك وإتركـه لو غلق

والختام التحيه والوفاء مـاليـه = كاالذهب من معادن مصدره ياإنسلق

((( الشاعر/ رجاء عوض الشمري)))

أخذ الشاعر/ أبو مسند عدة شهور وهو يشرفني بمسياره وزياراته لي وبعدما عرفني تمام

المعرفه بعث لي بهذه القصيده يعتذر عن إسلوبه في قصيدة السابقه ويقول أنه تبين من

هوهداج حسب قوله

ياالله يياللي يسألك كل محتـــاج = ياواصل المقطوع والوصل مقطوع

عفوّك ولطفك بالقضاء وقت الإحراج = إجعل لنا حظ ٍ عظيمٍ ومرفــوع

وخلافها خطيت مــزج ٍ من الزاج = والصح أقوله والخطاء ذاك مرجوع

هاض القريح وهاج مثل البحر هاج = عوم ٍ يعوم بعـاتي الريح مدفـوع

هاض الغرام وصار للرجل منهـاج = وأول بداياته بعـبرات وإدموع

ودخلت مع لي باب مـامنه مخراج = وغديت مثل اللي القلم عنه مرفوع

البارحه ياليل مسـراء ومـعـراج = ماغمضت عيني ونومي على الكوع

ولالاج بعيوني حلاء النوم مـالاج = ليت السهرلو طال مكسب ومنفوع

ياويل من مثلي شكاء حب وخلاج = والوقت طال ولا جنى منه مزروع

وياراكب اللي مع هل الصنف له تاج = تاج ٍ يتوّج باالولايات مصـنوع

صنف ٍ تميز حي منشاء ومدراج = راعيه مايهديه والبيع ممنــوع

يسبق هبوب الريح وإعجال الأمواج = ويدوّي مثل سيل ٍتحدرعلى فروع

وإن إعترض ويلات خط ٍ وبطناج = ماهزّن الجبرين ومثومن الكوع

عاج الطيور الطايره عاج مايعاج = إسهام ذيب ٍ والغنم غـر وإرتوع

عجل الندب وقت السفرعجل الإدلاج = يجري مع البيداءعلى صوب وقطوع

راعيه يسري ليل والصبح ما أنباج = يلمع قـزازه باالقمر برق لاموع

منا مشاء عجل ٍعلى عجل الإسراج = ماينهزع ممشـاه لأزوال ونجوع

يلفي على بيت ٍ ماهو بيت مسهاج = ساس ٍ على ساسٍ محصن وموضوع

بيت الزكاء وأوفاء الوفاء عز وأبهاج = من شجرة ٍ خضراء لها فّي وفروع

ماحط باالبـيـبـان قفل ٍومزلاج = مدهل جحافل من هل الكاروجموع

يدعيك بيته عـاصف العود فوّاج = ونجر ٍصداءصوته على البعد مسموع

وإقلط على عذابن زهى وسوطهن تاج = ومزعفرن ٍ توّه على الجمر مصنوع

عقب المهيّـل والقـراء عند هداج = عطه جوابٍ داخل الظرف مشموع

منا سلام ٍ عـد ماطاف حـجاج = يابو طناء حبل الرجاء اليوم مقطوع

إلا إن عـاد إمعيد لأرضه بدعاج = محيي رميم ٍ هامـد الراس وجذوع

يابو طناء حبل الهوى حبك وإدماج = قفل ٍ على الأعنـاق مثني ومربوع

غروّن ملك ماكنها نطفـة أزواج = أنشـهد إنه لاعني باالهوى لوع

خده كما الأنيون من فوق الأبراج = وشقر الذوايب فوق ردفه يجن بوع

وعيونه الموت الحمر عنده أفواج = وشـفـاه ورد الشام مامثلها نوع

صف(ن) ثـمانه حب رمان وثلاج = والكف ديـبـاج ٍ وماهود مجموع

ونهودها بـيـضات وز(ن) بملواج = هافي حشاء ظامر تقل طاويه جوع

والساق غض ولونه أبيض من العاج = هذي وصايف كامل الخلق وطبوع

وجدي عليها وجد غرقان الأمواج = يبي الحيـات و لاتهياء له إطلوع

أو وجد عطشان الفيافي والأزراج = وجدي كماوجده على برد قرطوع

وأربع سـنوات ٍ وأنا بهم وإزعاج = لا وآصلنٍ واصل ولاني بمقطوع

مابين يـأس ٍ والرجاء وآل الأفراج = جزل الوهايب والرجاءمنه مشروع

يابو طناء راع الهوى مـاله علاج = تر ساعتي يوم ٍويومي غداء إسبوع

تمت وصلى الله عدد نشر وإخراج = على رسول ٍ سـاد الإسلام متبوع

(الشاعر / رجاء عوض السنجاري الشمري ـ أبو مسند )

رداً على الشاعر الكبير/ رجاء عوض الشمري / أبو مسند

يا الله يامدير الكواكب والأبراج = تعطي ولا جزل العطاء منك ممنوع

عالم خفيات الحنـاياء والأدراج = لولا وصالك ماوصل خير وإفزوع

رجواك يارب الفرج منك الإفراج = ياالمعتلي لا تجعل الخير مـنزوع

عليك ستر اللي بداء فيه لجـلاج = ياملتجـاء صوت ٍيناديك بخشوع

ومن بعد ذكر الله كما البدر وهاج = قلب ٍ يحـده للتمـاثيل موضوع

قال التبيـناوي بداء بدع وإنتـاج = في قدرة الله يارسـنها معي طوع

يأخذني الهوجاس لإعداد وإخـراج = إهتضت واللي هيضن صافي النوع

ياراكب اللي ياشلع قلت مـيراج = جديد عام ألفين وإثنين مـصنوع

عليه من حدّه على طلعت الفـاج = من قبلي الخطه مشاء جدي وقطوع

لوكان في دربه براخيص وهـبـاج = ينحـاه ناحي صاحي الفكرقاطوع

ذيب الغداري للبعيـدات بوّاج = الفاكس آر وسـايقه قبل مليوع

يضحك حجاجه ياأنعمس كل هلباج = عليه من صدام توصيف وطبوع

فرخ النداوي لأبرق الريش رعـاج = طلعه بعيد ولأبرق الريش نازوع

مع كل فج وحقنتن شاف مـنفـاج = وحيفته من سمعها صد مفجوع

خطط براسه نبك أبوقصر وأنـبـاج = جنب طريق الربع رفحاء وميقوع

يشداء لذيب ٍصادفه راعي إنـعـاج = ليل الشتاءقبل العشاء فـز برجوع

مثل السهم يلعج سناء نوره إلعـاج = وقت الغضب باأربع قوايمه مدفوع

ماطبه الخامس وإذا الخط مـنـعاج = عطاه ثالث خوف بطناج وهزوع

غيّر طريق أهل الدداسن والأدواج = حدد بماجـلان نزلات وطلوع

ولا حـافه الهندي ولابات بكراج = ولاشيف كبوته بمسراه مرفوع

ولا هزّه الرايح ولاإهـتـز بسيـاج = يدلي كما النادر بتوعن وطالوع

شاف الحباري شوحت ٍتدرج إدراج = وأدلاء بها مثل السهم لاحقه جوع

ونوبن تهنفل طامحنٍ شافت إفراج = عنده خبر متحّريه شيخ وفزوع

يلفي على بيت(ن) ماهو بيت مدهاج = بيت الشرف مدهل مشاكيل وإربوع

أخوان ميثاء يالفى النـزل الإرهاج = وتناخوا الفريس والجمع متبوع

كم غـارتن يشبع به الطير ياراج = واللي عتق كنّـه على الوجه ملفوع

بمصقلات الهند تلعج له إلـعاج = كم فارس ٍ باإيمانهم طاح مصروع

يلفي لبو مسند عوض كل محـتـاج = بيته ليا جيته لك القدر مرفوع

المجلس اللي يرفع الراس وحجاج = باأطراف بيته تالي الهيل مجدوع

قول ٍ على فعل ٍ ماهو حكي هراج = ماقّل دّل وصادق الهرج مسموع

لابأس ياقرمن شكاء بعض الإزعاج = يشكي غرام معّزل الوسط مربوع

غروّن حسب وصفه مع الخلق ماداج = غروّن سحرهاروت بشفاه مجموع

ماعرضّت زوله على كل حـوّاج = خمرن كلامه يشلع القلب شـالوع

والعود غصن الموز يامـال وإنعاج = حلون نمـّاه بشاطئ النيل مزروع

زينه طبيعي مـاتـزين بمكـيـاج = يبقا غرامه داخل القلب مطبوع

قلي مكانه لو مكانه باالأفـلاج = ماإرتاح دامك تشرب المر منقوع

حقك علي إلا مـنّـه تأخذ الباج = وأبشر بعز وراعي الحسد ملقوع

لولا رجاء الغفران وش مطلب الحاج = والناس له قانون والسلم مشروع

هذا وعد ومعيد لأرضه بـثـجاج = رب العباد إمـعيد للقاع برجوع

منـزل تبارك والتكاثر والأبراج = وأزكى صلاة الله على خير متبوع

(((وتقبلوا تحيات الشاعر/ مبارك طناء مبيريك الشمري )))

صح السانكم جميعاً

درر من درر التاريخ قصايد في قمة الجمال فااالكم المليووون

ننتظر جديدك على احر من الجمر

لك تحياااااااااااااااااتي

صقر عتيبة

وافيه منك ومنه يابو عبدالله كثر الله امثالك وبيض الله وجهك حقيقة شهادتي فيك مجروحه شاعر لا يشق له غبار تقبل اعجابي بكل ود واحترام

تسلم

أخوي

مبارك الشريهي

صح لسانك وبيض الله وجهك

وصح لسان الشاعر رجاء عوض

دمت بود

صحت ألسنتكم


طرح جميل


سلمت يمينك


لك تحيتي

صحت الالسن


ابداع من الطرفين


لك خالص التحية

مبارك الشريهي


صح لسانك


ماهي غريبة عليكم شعار متمكنين


لك خالص التحية والتقدير

صح لسانك مدد ماهو عدد


وافية من وافي


بنتظار جديدك

مبارك الشريهي




صح لسانك مدد ماهو عدد



ابداع لا هنت

صح لسانك



بدع ورد تناغم صوت وصدى



لله دركما