هذه قصيدة سعد بن جدلان التي بدون نقط

مــع الـهـم والسـهـر والـولـوال
ادلـه همـوم الصـدر والصـدر مادلـه
احاول على حلو الحلاوى وهـو محـال
وحـاول ودار الحـول واعملـه هملـه
سهوم الوساع الساحره لاهل الهوى سلال
لاسلهم سحى سلهامـه سهـومٍ مرسلـه
وهو اللولوه وهو الدراهم وهو راس المال
ومـلا حصلـه لولـوه لا حـلال الــه



وهذا رد الشاعر غازي بن عون على قصيدة ابن جدلان


سعد مع مسار اهل الهوى حط له مدهال
وماصار لملّوح هل الـوّد صـار الـه
سحر سود سلمى سم روحه وسل الحال
وحـاول ولا حصـل حـلاواه وعسلـه
طمع اله مطامع مع والعسل صار للعسال
محرم علـى الطمـاع مملـوك لاهلـه
وللولوه حراس والها صـروح طـوال
مسـور حماهـا والحراسـه مكمـلـه
وكم حام حول حمى حلاوه طعمها حـال
لحمد لمسهـا حـارم ولاحمـد مـحلله
وهو ماحصـل لـه محـرم ولا حـلال
وحطم طموحه كاحـل السـود واملـه
وعود سعـد مهمـوم ومحطـم الآمـال
طوى الهم حاله والكـرا صـار ململـه
وسامر هل السامر ولاحى هل المـوال
وصعد سلم المهمل واله طـاع مهملـه
وهلاّل لاطروا له هلاله وسمـع هـلال
سلك مسلكه وعره لـو طـال وسهلـه
ولو مارسل المهموم لاهل الهوى مرسال
هل الود مـع راع المـوده لهـم صلـه


تقبلوا تحياتي

راع الصدق

مشكووور على الطرح الجميل

قصايد جميلة من عمالقة الشعر

لك تحيااااااااااااتي

صقر عتيبة

الله عليك ياراع الصدق




علومك غانمة واختياراتك اختيارت شاااااااعر وذوقه عالي ,,,



وابن جدلان وابن عون من فطاحلة الشعر ماعليهم كلام ,, ودايم يدورون الشي الصعب ويتحدونه ,,, ولا عليك قصور عنهم يابو فواز




لك تحيااااااااااااتي

صحت السنتهم تعجيز وتنجيز


صح لسانك والله يعطيك العافية


كل عام وأنتم بخير



عيد سعيد



لك خالص التحية