مرني طيفك..وطيفك صاحبي ما أدري عدوي؟!
جايبٍ صوتك..وصوتك سكة الذكرى الحزينه

قال: انا جوي تكدر..قلت:ماهو كثر جوي
قال:فرقانا غبينه..قلت: واكثر من غبينه

قال:انا بـ..أموت من غيبتك،قل لي ويش اسوي؟!
قلت:أنا ابغي الموت في غيبتك، قل لي بس وينه؟!

قبل ترحل كنت أقول:بيسرح أيام ويضوي
مثل ماعودني اليا اشتقت له جابه حنينه

بس هـ..المرة ثمان شهور وضلوعي تدوي
كل يوم أشتاق لك..يعلن أبو الشوق وسنينه

كل ماعشمت قلبي..قال:ياضلوعي تقوي..؟!
ورحت أنا وياه نرقب رجعة اللي فاقدينه

نوب أقول:اليا رجع بكون في قمة هدوي
ونوب أقول: إلا بزعل..وأتلى مابيني وبينه..!

كل يوم اجلس على جال البحر وأقول: ((توي))
لاسألني: مافقـدت الحلم في لمسة يديـنه؟!

مادريت إن البحر ماقـال لأمواجـه: ((تروي))
ومادريت إن ((الغرق))هو حجة غياب السفينه

مادريت..أومابغيت أدري..ولا أدري وش بـ..أسوي
لو رجعت وشفت طيفك في الممرات الحزينه؟!

وين ابنسى؟!..وأنت طيفك(صاحبي مأدري عدوي)
مارضي يترك لغيره شـبر واحد في المديـــنه...!



للشاعر فهد المساعد

صح لسانك ولسانه



اختيار موفق



ابيات راقية



تقبل التحية

مشكور وما قصرت


اختيار موفق


ابيات رائعة



تسلم يمينك



لك خالص تحيتي

الله يعطيك العافية



قصيدة جميلة واختيار موفق



لك خالص تحيتي

صح لسانه

مشكور على النقل المميز وتسلم يمينك

يعطيك الف عافيه راقت لي كثيراا

كل الود

يعطيك العافية على ذوقك


صح لسانك ولسان الشاعر

صح لسانك



اختيار راقي الله يعطيك العافية


لك التحية