بسم الله الرحمن الرحيم
إسنادا على الشاعر / مبارك طناء مبيريك الشريهي
يقولون من ينزل بقاع البحر غواص = لزومن يجيب من الجواهر درر وفصوص
وأنا يامبارك في بحور الهوى رقاص = غريقن بموجاته طريحن تقل مقروص
إذا ضقت من فرقاء عشيري ركبت الشاص = رفيقن لطرد هموم من يركبه مخصوص
يعزك ولا عمره خذل سايقه أو حاص = جديد من الجمرك وفيه الدبل مفحوص
يشفين من همن لضلع الحشى قصاص = غثيثن يحط الضلع من ضيقته مفصوص
من اللي جذبني بالهوى مثل جذب الماص = وجرحه تقل يضرب عروقي شطير الخوص
ردا على الراوي / فواز فهد الغسلان
تمنيت قبلك لو لحزن الحشاء نقاص = ولاشفت قلبي مع صخيف الحشاء مقلوص
وأنا اليوم يافواز مالي منه مخلاص = وأبعطيك عن ماحل في حالتي ملخوص
ترى حال من يشرب من الحنضليل قلاص = مثل من فقد شيهانته وخوياه قنوص
وجودي عليها وجد من رصه الرصاص = كلاه اللهب في يوم يثني خلاف العوص
ملكي جماله والحياء فيه والإخلاص = لاشك البلى دونه عيونن عليه حروص
يافواز من شأنه تهل الدموع إرخاص = وبحر الهوى صعبن على يجيد الغوص
بشرع الهوى مافيه قول الجروح إقصاص = مكان الخطاءمن صاحبي ساعته مبحوص
غرامه تقل مع دم قلبي يحط أقراص = مشى مع شراييني خلط دمي الممصوص
حبيبي تكفي شوفته عن كثير أشخاص = ليامن تشخص عاضني عن كثير شخوص
حقيقه ملص قلبي ولالي منه مملاص = هو اللي على تعذيب قلب الشقاء مرخوص
الشاعر/ مبارك طناء مبيريك الشريهي

عبدالله مبارك...


بارك الله فيك


سعدت بتصفح ما دونت بصفحتك


وإن دل على شيء فإنما يدل على ذوقك


سلمت يداك وفكرك


بنتظار مزيدا من الإبداع والتألق


لا تحرمنا جديدك


لك خالص الود والتحية

صح لسانك ولسان من جاريته



نص راقي برقي فكرك


جزلة من راس جزل



بيض الله وجهك



لك خالص التحية

مبارك الشريهي

صح السانك قصيدة جميلة مميزة جزلة من رجل جزل

لـــــــك تــــــحــــيــــــاااااااااتـــــــي

صقر عتيبة

صح لسااااانكـ ..

ويعطيك العااافية .. ننتظر المزيد منك

خالص الود
........