لا تدمع العين وتطفي نور شمعاتك=وشهو على شان قللي تدمع عيونك

من باعك برخيص بيعه فى مسراتك=لاتبيع نفسك ورا الي ماوقف دونك

ميز مسيرك وميز في عتبار اتك=تعرف هوا النفس عكس اللي يحبونك

نفس هواها تطيعه تضيع يماتك=تغريك فى فنهاا وتضيع فنونك

شامخ عزيز تبي تبهر طموحاتك=اترك هوا النفس تلقا شامخ حصونك

وش داعي الدمع جرح ورد وجناتك=ماضن به شي لجله ينخطف لونك

ارخصبك اول طريقه سيل دمعاتك=وشعاد ترجي ورا اللي غرق جفوتك

ساير مسيره لغيرك عن مسيراتك=عجيب تبكي ورا اللي خيب ضنونك

تركض ورا اللي قطاره بالهوا فاتك=تهين نفسك ورا اللي صد ياهونك

راجع وفكر حبيبي في حساباتك=تلقا المضامين لادعبت مضمونك

ورا الحنايا تعال وسج خطواتك=خل بتعابير وجهي الناس يقرونه

بشوف فرح البسيطه فابتساماتك=لايذبل الورد وانت الورد بغصونه

هذي يميني وبادلها بيمناتك=لك شاعر يمزج الحانه على شجونك

اشر برمشك ورعشت حمرة شفاتك=مجنون ليلي ومثله اصير مجنونك

هذي قصيده

للشاعر منصور ابوطفره المطيري

صح السان الشاعر منصور ابوطفره المطيري على القصيدة الجميلة الجزله

ونشكرك يا المستشار على ما نقلته لدينا والله يعطيك الف عافية

لــــكـــمــــ تــــــحـــــيــــــاااااااااتــــــي

صقر عتيبة

صح لسااانه ولسااانك

وسلمت على الأختيار ..

خالص ودي
...