السلام عليكم ورحمة الله وبركاته ..

كل عام وانتم بخير ومبروك عليكم الشهر ..

هذه الابيات المتواضعه تجاوبا مع الشاعر / ابن هليل

واعتذر عن التأخر في الرد نظرا لضروفي ..


اليكم الابيات على عجل :



البروق تلوح والمضمي يخايل
والقلوب اسرارها مثل الودايع !!

ياسلام الله على قوم الفعايل
الرجال اللي على العليا ولايع !!

وياسلام الله على سيوفن صقايل
بالملاقا حقها ماهوب ضايع !!

لانتخن فيهم طويلات الجدايل
ياردون الموت .. حزات الوقايع !!

العتيبي لانتخيته جاك صايل
فزعته سنع رجل ماله سنايع !!

والعتيبي لونخاه اللي بحايل
جاه لو هو من ورى حد الشرايع !!

اصلكم معروف اصايل من اصايل
ومن يشكك خبل والا انسان ضايع !!

وطيبكم معروف مايبغى دلايل
شفته بعيني .. وذاعته المذايع !!

قاله اللي من رجال عيال وايل
الرجال اللي لياضاقت وسايع !!

سادة الدنيا وعدلة كل مايل
عندها بيع العمر بيع البضايع !!

والسلام ورحمة الله يالصمايل
للكبار وللصغار وللرضايع !!




وسلامتكم

بيض الله وجه من رد الجزايل=الأصيل بن الأصل مبدع ورايع

ما عليكم زود يا عيال الحمايل=يحق لك يوم الفخر جالك مبايع





بيض الله وجهك و وجيه ربعك عيال وايل الحي منهم والميت


أهل العلوم الغانمة والذكر الرفيع بأول الوقت وتاليه


وصح لسانك على هالدرة الرائعة


سلم فكرك


عليك رائة العز منشورة ....وأقول لربعي جاتكم العلوم الغانمة

ردوا عليها


لك خالص التحية

مبدع القاف

صح السانك قصيدة وافية وكافية من مبدع مميز

تقبل تحيااااااااااااتي

صقر عتيبة

صح لسانك وعلا شانك


أبدعت يا مبدع



بيض الله وجهك



تقبل خالص التحية

صح لسانك للرضا



أبدعت وأمتعت



بيض الله وجهك



لك خالص التحية

صح الله بدنك اخووي ابن هليل ..


وانتم تستاهلون المدح وانتم اهله ..



بيض الله وجهك على هالرد الطيب



والله يكثر من امثالك



تقبل تحياااااتي

صقر عتيبة ,,,



صح بدنك طال عمرك ,,


والاجمل تواجدك ومرورك ..


بيض الله وجهك




تقبل تحياااااتي

دليل القوافل ...



صح بدنك طال عمرك ..


شكرا لك على اطرائك ..



ولا تحرمنا هالطله




تقبل تحيااااااتي

المستشار ,,


صح بدنك لترررضا



وبيض الله وجهك على تواصلك طال عمرك




تقبل تحيااااااااااتي

صح لسانك وسلمت يمينك


أبدعت يا مبدع



بيض الله وجهك



تقبل تحيتي

مبدع القاف

صح لسانك وبيض الله وجهك

على هذه القصيده الجميله

ولا عليكم زود ياعيال وايل

ونعم في قبيلتك عنزه

وفي جميع القبائل

كما عهدناك مبدع متألق

متميز ولعل الدليل على تميزك

ابداعك في مسابقة مركز حي

السيل الكبير ...فلقد تشرفنا

بوجود اخ عزيز مبدع القاف

وفقك الله ..ولك مني اجمل تحيه