القصيدة الاولى المشاركة بمسابقة مركز السيل الكبير






الا يـاالله يامنـزل تـبـارك والفـلـق والـصـف
ايـات (ن) للـمـلا تتـلـى جعلـهـا الله متلـيـه
طلبتك وانت رجوى دعوتـي يـا الواحـد المنصـف
رفعـت الـك اليديـن ولا لغـيـرك ارفــع يـديـه
ولا غـيـرك الــه نسـألـه ياربـنـا تـلـطـف
حنيـنـا روسـنـا هيـبـه لقـدرتـك الالـهـيـه
اسالـك تنصـر الاسـلام واللـي فالعـرب مضعـف
وتنقـذ امـة الاســلام مــن ظـلـم اليهـوديـه
سلام الله سلام (ن) من حنايا القلـب لاهـل العـرف
عـدد مـالاح بـراق الحيـا مـن غــر منشـيـه
سلام(ن) من بنوك العز واهل العرف يصرف صـرف
ويدخل فـي بنـوك الطيـب امـام النـاس جهريـه
الا يالجنـة التحكيـم جاكـم علـم داخـل ظــرف
ومضمونـه مـن الواقـع ويحكـي قـصـة بنـيـه
بنيـه عمرهـا عمـر الزهـور ووضعهـا مؤسـف
لهـا قصـه غريبـه محـزنـه مـاهـي غرامـيـه
غصبهـا نـذل وضعـه بالردىيااصحابنـا مـقـرف
بـلا ملـك وثميـن احتلهـا لا رحـم ابـو حـيـه
نـزع منهـا شرفهـا والكرامـه داسهـا بالـخـف
نـذل مايعـرف الرحـمـه ولا فالقـلـب مـاويـه
نختنـي مـن بعيـد الـدار وانافـي نحـا مطـرف
وتكـدر خـاطـري منـهـا وصحـيـت النيامـيـه
كسـر قلبـي نخاهـا يـوم تنخـا دمعهـا يــذرف
ضعيفـه مالهـا جـدوى وانـا عنـدي شهامـيـه
نزعت عمامتي من فوق راسـي مثـل مـن يختـف
نخاهـا هـز وجـدانـي وابـفـزع دون نشمـيـه
ماحد يرضى الاهانه فوق عـاره والـردى والسـرف
ومـن يرضـى المذلـه للمعـوره جعـلـه الحـيـه
نشـدت البنـت قالـت يعربيـه بعـد جهـد وكلـف
وقالـت خبـر اهـلـي عنـدكـم والنـيـه النـيـه
وقلت الاسم يابنـت العـرب هاتيـه لاجـل اعـرف
وقالت لي تـرى اسمـي عـده حـروف(ن) رباعيـه
ترى اولها بحـرف الغيـن والثانـي بـزا واعطـف
وثالثهـا بحـرف الـزاي ثــم الـهـا ء منهـيـه
وجمعت الها الحروف وجا اسمها مضبوط علم الصرف
واثرهـا غـزه ابنـة مـن لهـا خمسيـن حولـيـه
وانا منها حزين وكـن فـي قلبـي مضـارب شلـف
حـزن مـن بنتنـا اللـي دنستهـا يديـن عبـريـه
وقلت الهـا ابشـري لكـن بشرايـه سـواة الوقـف
انـا خـابـر بـلانـا فـالامـر مافـيـه حزمـيـه
ترى ام البنت راحـت قبلهـا تقـرع سـواة الجـف
نشـف دم الحبيبـه واصبحـت هيكـل وعظمـيـه
لكـن اببـذل المجـهـود واشـيـع الخـبـر وازف
عسـى صوتـي يصحيهـم ويجعـل روحهـم حيـه
الا وابنتنـا راحـت خلاخلـهـا الجميـلـه نـتـف
وحنـا ياالـعـرب نصـفـق بيمنـانـا الشمالـيـه
ترى مايرتضـي ذل المهونـه غيـر عيـر الخسـف
يـراوح فـي مكانـه والـنـذول تعـرقـي الكـيـه
الا ياشعـب يعـرب بنتكـم راحـت سـواة العصـف
عصفهـا عاصـف العاصـوف بعـد العـز والريـه
الا ياشعب يعـرب كـل شخـص(ن) منكـم مكلـف
يشـد العـزم بالهمـه ويعـقـد صـافـي النـيـه
على غزه مـن الظلـم اليهـودي مايفـوق الوصـف
تحـت ظلـم اليهـودي راضخـه للظلـم جبـريـه
جنـود الاحتـلال مركزيـن اهدافـهـم بالقـصـف
تعـاقـب فوقـهـا غــارات بـريـه وجـويــه
على حكم التعسف والقهـر يمشـي نظـام العسـف
غزوهـا واستباحوهـا وشبـوا فوقـهـا الضـيـه
غزاهـا الغاشـم الملعـون مدفاعـه يلـفـه لــف
علـى البنـت الابيـه ماسكـه فالـخـط دوريــه
مبانيهـا الشوامـخ والمساجـد هدمـت بالنـسـف
صواريـخ العـدو زرفـات صبحـيـه وعصـريـه
مناظر محزنه تجعـل وسيـع البـال يرجـع صلـف
مـن التجويـع والترويـع زايــد كـبـت حـريـه
ضحايا بالالـوف اللـي علـى يدهـم ينالـه حتـف
دمـي الابريـا فـوق الـتـراب تـقـول سيلـيـه
مجـازر مذبحـه والـدم ياللهول يـنـزف نــزف
نسا واطفـال وشيـوخ(ن) غـدوا للمجـرم ضحيـه
تعاورهـم سهـوم المـوت ورياحـه بهـم تعصـف
وحالـه مزريـه بالحـيـل والاوضــاع مرثـيـه
وبنـت الدينيـن سلاحهـا كومـة حجـر بالحـذف
حصيلتهـا مـع الاوغــاد دشـداشـه وصـدريـه
وحنـا يالعـرب فالموقـف الحسـاس نـقـرع دف
كرامتنـا غـدت فالـسـوق مبيـوعـه ومشـريـه
تفكـك وانحـلال ولاش فالميقـاف وحـدة صــف
وهـذي دعـوة(ن) صابـت هـل الاسـلام مدعيـه
نيام (ن) فوق اسره فارهـه نضحـك مـن الموقـف
ضـعـف ايمـانـنـا بالله والـنـيـات مـلـويـه
ماغير اعلامنـا يزبـد تقـول انـه مصـاب بخـرف
وقـول بـلا فـعـل يـانـاس والاخـبـار كمـيـه
وحنـا يالعـرب مليـار والا زاد فــوق النـصـف
عجـزنـا لا نـحـررهـا بشيعـتـنـا وسـنـيـه
غثـاء كغثـاء السيـل وضـع(ن) ماهـو مـشـرف
نـحـب الفانـيـه والـحـق مانبـغـاه مـولـيـه
وهـذا الوهـن فينـا دب لـو كـان العـرب تعـرف
حديـث المصطفـى الصـادق تصـدر بـه بخاريـه
وغـزه صامـده يـارب يــارب الـمـلا تخـلـف
عليهـا بالـفـرج ويـديـن رب البـيـت مملـيـه
صمودك بالعزيمـه ترجـف العـدوان منهـا رجـف
علـى هالتقنيـات ازرى اليهـودي لابـعـث حـيـه
يقاوم هالصمود اللي نشـف ريـق اليهـودي نشـف
وهـذا اكبـر دليـل ان الرجـال قلوبـهـم حـيـه
لاشـك الابتـلاء يدفـع امـام ولا حـشـا ينـكـف
ومـع هــذا لانستسـلـم دروب الـعـز ممشـيـه
شباب المسلمين اهـل الكرامـه شـف كـل الشـف
كرامتهـم ثمـن للـعـز مايـوجـد ثـمـن زيــه
سياده مـع ريـاده ترفـع الهامـات وايـا الطـرف
لهـا فـردوس فالدنـيـا وفــردوس(ن) بعلـيـه
الا وان الفنـا فالحـق يجـمـع دائــرات الالــف
وهو عيـن البقـا قالـه حسـن وسـط الطحاويـه
وعلى التقصيـر هـل الدمـع ياللـي دوم تتحسـف
ولاتبكـي شهيـد (ن) عنـد ربـه روحـه الحـيـه
ذريعتهـم خديعـه للعـرب مفهومـة(ن) بالـحـرف
وتبريـر الخيـانـه والـغـدر بـاعـذار وهمـيـه
نظـام الظلـم لاسرائيـل مايعـرف نظـام الـعـرف
قوانـيـن اليـهـودي كلـهـا عـوجـا وسلبـيـه

صح الله لسانك انا اشهد بالله انها وافية من وافي



ماهو غريب عليك هالابداع ..


بيض الله وجهك مليووووون مرة



تقبل تحيااااااااااااااتي

الله يعطيك العافيه وانا اشهد انك مكسب لنا في هذا المنتدى الغالي تقبل تحياتي بكل ود واحترام وكل عام وانت بخير يازميلنا الفاضل

راع الصدق

صح السانك قصيدة جزله وافية وكافية من شاعر مميز

وفاااااالك الفوز والمليووووون

تقبل تحياااااااااااااتي

صقر عتيبة

صح لسانك مليار



وفالك الفوز



تقبل خالص الود

صح لسانك للرضا



أبدعت وأمتعت



بيض الله وجهك



لك خالص التحية

اشكر اخواني الاعزاء الذين قرأوا القصيده واشادوا بها تحياتي لهم

صح لسانك يا راع الصدق



والقصيدة مكررة مرتين



لان السابقة اعيدت باسمك بعد إعلان النتيجة


لك خالص الود

قصيدة جزلة وهادفة من شاعر جزل

وتستحق الفوز والمركز الاول

صح لسانك عزيزي

راع الصدق وبيض الله وجهك

اشكرك استاذي الفاضل الشاكر ابو سامي على الاطراء الجميل والفضل يعود بعد الله لكم فمن علمني حرفا صرت له عبدا وانت علمتني فجزاك الله عنا خير الجزاء

تلميذك/ سعد حميد الثبيتي

صح لسانك مدد


ليس بمستغرب عليك الابداع


الله يعطيك العافية



نص جميل راقي برقي فكرك



لك خالص التحية والاحترام