الله اكبر عد براق المخايل= من صدوق النو لا جا له وقايع

دن رعاد الحيا والسيل سايل= يسقي البدوان واصحاب الزرايع
شاقني من قال حلوات المثايل= قول شيخ ماابتدع فيه البدايع
يصخر بيوت الشعرصخر الهوايل= كل حرف لانواه يجيه طايع

شيخ عرف يحل صعبات المسايل=في نهار الضيق مازبده بمايع

من رجال فعلهم جا له دلايل= من نصاهم فاللقا ماله منايع
ياطويل العمر ياذرب الفعايل= جاتك اللي يفتخر فيها المشايع

من خيار المال وخيار الفصايل= ذخر جد ولا دخل فيها قلايع

حسب مطلوبك نقانا كل حايل= يوم نادى للسبق جاتك تدايع

ساقها الشغموم يباس البلايل= لين مرقها علاك مع الشرايع

مير خلك دونها يالذيب صايل = والهدف ماجات للشاري وبايع

الامانه حمل وانت اليوم شايل=مير صكوا دونها باب الذرايع

مالحقنا شك مير الشك زايل= مانبا هوشه ولانبغا فرايع

الحيل يالشيخ من طبع المحايل= والنزيه امد له كفي وابايع

صح منطوقك ولا غيره بدايل=فعل حر(ن)جالنا بالجو زايع

ما تسمعنا بهرج وقيل قايل=العقول رزان ماهي من نطايع


جاتنا في مجلس فرشه جلايل=والدلال تجول من جمر القلايع

دعوة ما بين سوام(ن)وكايل=لا توليها سفيه ولا ربايع

الحلال ليا تولوه الهبايل=قلة التدبير ما فيها شفايع

السليم ليا مشا يشكي غلايل=والسقيم يهيم لو يشرب نقايع

بارك الله بالكثير وبالقلايل=ناركم ما عاد تحتاج الولايع





راع الصدق



ما بطول عليك


وفيت وكفيت بالأوله والتالية


بيض الله وجهك


وصح لسانك مدد ما هو عدد


لك خالص تحيتي

صح بدنك ياشيخنا الفاضل كثر الله امثالك تقبل تحيتي بكل ود واحترام

صحّ لسانك أخوي راعي الصدق
وافية من راس وافي
تقبل تواضع مروري

راع الصدق

سلمت يمينك وصح لسانك

على هذا الابداع والتميز

فعلا قصيده في غاية الجمال

ونزاهة الحرف وصياغة المعنى

تقبل مني اجمل تحيه

صحت السنتكم جميعا


قصائد جميلة



بارك الله فيكم



تقبلوا التحية

بيض الله وجيهكم



صوت وصدى



جزلة من روس تحب الجزالة



لكم التحية