قلبي تعذب منك ما أبديت الأسباب
والبال يمك لو بدأ منك صدّه
نهيت قلبي عن محبتك ماتاب
مير القدر حاصل ولا أحدٍ يردّه
حبك نفذ بالقلب من بد الأصحاب
ويشهد على ما أقول ربٍ يمدّه
طويتني طي القراطيس بكتاب
والصبر باح وصَّل اليوم حدّه
أنت الذهب واللي يحوش الذهب صاب
ولا يغني المحتاج هاته ودّه
اُنا عذابي ناقش الكف بخضاب
غروٍ ذبحني ساطع البرق خدّه
وراك ياخلي تكشر بالأنياب
أودعتني ساهر ما أعرف المخدّه
(أنارفيقك يوم عسرات الأنشاب
وإلاّ الرخى كلن مكاني يسدّه)
والظن فيكم في محله ولاخاب
واللي يجي ضدك ترانا نضدّه
عذرك صحيح وفيه ما نيب مرتاب
ويشهد على صدقه سمينه وجدّه
قولي معك صادق ولا نيب كذاب
وبيَّح لكم قلبي كنينه وسدّه
وأرجوك تفهم يابعد كل الأحباب
وعساك تسلم ياعشيرٍ نودّه
ولاخبرت الطيب ضايع بالأطياب
يابو جديلٍ فوق متنه يكدّه

يالله يا معبود يا رب الأرباب=إنك تحيي شاعر(ن)زان رده

يالله حي الشاعر وحي ما جاب=صح اللسان وقول وش عاد بعده



صح لسانك مدد ماهو عدد


قصيدة وافية لا هنت


بنتظار ما بعدعا


لك خالص تحيتي

صح لسانك يا ناصر



رائعة لا هنت


بنتظار المزيد من العطاء



الله يعطيك العافية

صح الله لسانك ونبضك

نص عاطفي رائع وحضور جميل

كتبت وامتعت النواظر بهذه العذبه

لاهنت على هذا البوح

لك مني كل التقدير والاحترام

ناصر العتيبي

زرعت هنا بستان من الجمال

ومن المعاني المتميزة

راق لي ما وجدته هناااااا

دمت ودام لنا قلمك

ارق التحايا

بن هليل

اشكر لك كرمك وتكرمك

لأعدمنا تواصلك,,,

ابيــــــــــــــــات رائـــــــــــــعـــــــــــــه اتمنـــــــــــــــــــى لك التوفيق

صح لسانك يا ناصر


أبيات جميلة



مبنى ومعنى



لا فض فوك


لك خالص التحية


وكل عام وأنتم بخير