صقـر عتيبـة
28-09-2007, 06:07 AM
يحيا العدل
(القاضي والأمير)
تأليف :مجدي الحمزاوي
الجزء الأول
المشهد الأول
الفتاة مساء الخير.. الحقيقة أنا هنا قدامكم دلقوت بالرغم من إرادة المؤلف.. هو ماكانش متصور أبدا إنني أقف قدامكم دلوقت..على العكس.. مسكين, بيخطط للفكرة اللي في دماغه للمسرحية دي, أول حاجة عملها إنه شالني منها خالص.. مسكين , كان فاكر إنه يقدر ينساني في لحظة من لحظات إبداعه؟
الكورس ومين يقدر ينساكي؟ مين يقدر أو يتصور إنه في لحظة ينساكي بكل سهولة
الفتاة بس كفاية علي..كل اللي أنا واخداه منكم مين يقدر يسيبك؟ مين يقدر ينساكي؟ مين يقدر؟مين يقدر..حد فيكم عمل حاجة؟
الكورس وإحنا نقدر نعمل إيه بس وماعملناهوش؟
الفتاة تعملوا إيه؟ كتير..كتير.. على القليل تقدروا تغطوا وشي اللي كشفته الريح..تقدروا تقفوا صف واحد قدامي تحموني, وماتسمحوش لأي غريب إنه يوصل لي..دلوقت إيه النتيجة؟ دخل بينكم الأغراب ..والشك مالي قلبي..كل ما أبص لواحد فيكم اسأل نفسي غريب ولا قريب؟
الكورس بس...
الفتاة لا بس ولا حاجة..ده مش موضوعنا..نرجع لموضوعنا تاني. أنا وقفت فين؟أيوة صاحبنا كل ما كان يمسك القلم يلاقيني واقفة قصاده واشاغله وألاغيه..ساعات أزعله وساعات أفرحه
الكورس بس زعله كان أكتر
الفتاة مش مهم.. المهم إنه مهما كان زعلان مني شايلني جواه, عايشة جواه, باجري في دمه.. يحاول إنه يهرب مني وياخد قلمه وورقه ويهرب, يهرب, وساعة ما يشعر إنه خلاص ما فيش حاجة في دماغه غير الفكرة اللي عاوز يعملها..يلاقيني طلعت له.. منين؟ مايعرفش.. وقلت له أما دايما عايشة معاك..في فرحك معاك..في شربة المية المرة معاك..في اللقمة اللي أنت بتحلم بيها معاك, دلوقت ليه عايز تسيبني؟..رد عليا وقال لي طيب انتى تقدري تعملي إيه معايا هنا؟ قلت له يا سلام ..دنا أعمل حاجات كتير, أحكي وأربط واختصر ولو عايزني كمان أبقى شخصية من شخصياتك؟ممكن
الكورس وبعدين؟
الفتاة ولا قبلين..فضلت معاه وهنا زي ما أنا معاه في كل حتة
الكورس طيب ما انتى كمان معانا في كل حتة..في كل ليل بنحلم بالصبح عشان نقدر نشوفك..في كل صبح نتمنى لو نقدر نجيب الشمس عشان نعملها لك عقد..
الفتاة بس كفاية, أنا حعمل إيه بالشمس؟ أنا لا عايزة شمس ولا عايزة..
الكورس مش عايزة الشمس؟
الفتاة أيوة
الكورس أمال عاوزة إيه؟
الفتاة عايزاكم انتم وبس, انتو كفاية..بس لو تتجمعوا كلكم..لو تقدروا تطمنوني وتردوا الغريب اللي دخل جواكم.. لو تقدروا تفهموا صح..
الكورس ومين قال لك إن إحنا مش فاهمين؟
الفتاة يعني انتم فاهمين؟
الكورس أيو..
الفتاة وساكتين؟
الكورس مرغمين....مرغمين
الفتاة ولإمتى؟
الكورس لإمتى؟!
الفتاة أيوة إمتى تفضلوا ساكتين؟
الكورس انتى اللي بتقولي لإمتى؟
الفتاة أيوة ( ينصرف الكورس في نظرات متبادلة مع بعضهم البعض ويبدو عليهم الخوف والتردد) ساكتين ليه؟خايفين من إيه؟بتبصوا لبعض وتبصولي كده ليه؟اتكلموا
الكورس نتكلم؟
الفتاة ايوة
الكورس يا ست الحسن والجمال.. سؤالك صعب والجواب عليه أصعب..جايز
الفتاة يزعلني؟!
الكورس أيوة, يزعلك
الفتاة وازعل من إيه؟
الكورس من الحقيقة
الفتاة وهي الحقيقة تزعل حد؟ أبدا عمرها ما زعلت حد
الكورس عمرها؟
الفتاة أيوة, سؤالي واضح وعاوزة إجابة عليه..إمتى تفضلوا ساكتين؟
الكورس (يصمت الجميع) ثم ينطلقون معا بصوت واحد) لحد انتى ما تفوقي وتعرفي
الفتاة أعرف غيه؟
الكورس مين العدو ومين الحبيب
الفتاة إيه؟!!
الكورس مين اللي مادد إيده عشان يفك قيدك ومين اللي عاوز قيدك يفضل طول العمر
الفتاة إيه؟!!
الكورس لحد انتى ما تفرقي بين الشموس والنار.. بين الشرف والعار...بين الخسيس والجار
الفتاة إيه؟ أنا السبب..
الكورس ايوة انتي السبب
الفتاة يا ميت ندامة ع الرجال لما يصدقوا الكدب.. يا ميت ندامة ع الرجال لما يضحكوا على نفسهم..
الكورس نضحك على نفسنا؟ إزاي
الفتاة من غير إزاي.. أنا مين. أنا إيه؟ما انتم عارفين..أنا انتم..كلكم كده على بعضكم تبقوا أنا..إن رحت في حتة فانتوا الرجل اللي شالتني..إن قلت كلمة فانتوا لساني اللي بينطق إن مرة نزلت إيد فوق وشي فانتوا الخد اللي اتضرب..( يدخل رجلا يرتدى نظارة ويمسك بيده أوراقا)
الرجل إيه الهباب اللي بتهببوه ده؟
الفتاة وأنت مالك.. انت مين يا جدع انت؟
الرجل أنا مدير المسرح..الكلام ده بره النص
الفتاة وإيه اللي عرفك يا فالح؟
الرجل إيه اللي عرفني؟ النص في إيدي أهو( يشير بالأوراق) والكلام اللي انتوا بتقولوه ده مالوش دعوة بالمسرحية خالص
الفتاة إزاي مالوش دعوة ده له وله
الرجل أنا ماليش دعوة..يا تقولوا الكلام اللي قدامي يا إما تطلعوا بره
الكورس خلاص...خلاص
الفتاة نرجع للموضوع تاني(يجلس الرجل ويراقبهم)الله انت حتفضل هنا؟
الرجل أيوة عشان لو خرجتوا تاني عن النص أوقفكم
الفتاة خلاص مش حنخرج تاني
الرجل وإيه ضمني؟
الفتاة أنا أقول لك..انت اطلع برة في الكواليس واسمع..إن حصلت حاجة ابقى تعالى
الرجل ماشي يا ست(ينصرف)
الكورس اسمعينا
الفتاة مافيش وقت للكلام إحنا نخلص اللي جايين عشانه الأول (للجمهور)سيداتي سادتي مساء الخير..انتوا النهاردة جايين المسرح عشان تتفرجوا, والفرجة عندكم وعند كل الناس يعنى حدوتة..حكاية حصلت من زمان أو بتحصل دلوقت أو لسه ها تحصل..إحنا بقى حكايتنا حصلت من زمان
الكورس حصلت من زمان؟
الفتاة أيوه
الكورس مش ممكن برضه تحصل بعد كده؟
الفتاة والله حسب المقولة اللي بتقول إن التاريخ بيعيد نفسه..جايز
الكورس وجايز تحصل دلوقت؟
الرجل (يأتي الصوت من الخارج) بلاش خروج عن النص
الفتاة بس خلاص....خلاص
الكورس معلش يا
الفتاة حكايتنا حصلت من زمان(تنسحب االفتاة ويضاء المسرح ولكن تبقى بؤرة ضوء على وجه الفتاة) كان فيه مملكة والمملكة طبعا لازم يكون لها ملك, وزي ما إحنا عارفين إن الممالك الكبيرة وحتى المتوسطة بتبقى متقسمة لإمارات أو مقاطعات..وإحنا كلامنا على إمارة من الإمارات دي.زفي يوم من الأيام والأمير كان(تسير الفتاة ويضاء المسرح وتظهر قاعة الحكم في الإمارة والأمير يعتلي مقعدا ضخما وبجانبه على الجاني الأيمن حارسان وعلى الجانب الأيسر حارس واحد فقط ) الأمير كان قاعد زي عادته كل يوم بس النهاردة كان متضايق شوية وقلقان..المهم ما كانش طبيعي, فطلب إنه يسمع مزيكة(, ويدخللأمير) يدخل بعض الرجال والنساء على المقدمة الموسيقية وقبل أن يشرعوا في الغناء) إيه ده فين مسئول خشبة المسرح؟(يتوقف التمثيل وينظر إليها الجميع مندهشي, ويدخلل مسئول خشبة المسرح)إيه التهريج ده.. المفروض إن فيه أربع حراس اتنين ع اليمين واتنين ع الشمال...دول تلاتة بس الرابع فين؟
م المسرح أصل يعنى... الحكاية والله
الرجل إيه ده خروج تانى؟(يدخل)
المسئول دي مشكلة بسيطة ممثل اتأخر عن دوره.تعالى بس اقعد..كل شيء حيمشي تمام(يأخذه للخارج ويعود)
الفتاة انطق فين الممثل الرابع؟
م المسرح والله استأذن مني يجيب عيش وقال لي إنه حييجي قبل الدور بتاعه
الفتاة مش ممكن..ده تهريج
م المسرح أصله كان جعان قوي
الفتاة ولو( يحدث بعض الهرج ودخل الممثل بيده بعض الخبز وباليد الأخرى يحاول أن يمسك الحربة ويرتدي زيه التمثيلي.. يقع الزى على الأرض)
م المسرح (وهو يساعد الممثل على ارتداء ملابسه)اتأخرت كده ليه؟
الممثل أصل ونا جاي لقيت جنب المسرح واحد بتاع تفاح وقفت شوية أتفرج عليه
م المسرح بلاش تهريج..خد مكانك(يتحرك الممثل كي يأخذ مكانه وبيده الخبز, ينصرف مسئول المسرح)
الأمير (للفتاة) دلوقت أنا الأمير؟
الفتاة إيه لزمته الكلام ده؟
الأمير ده مهم جدا
الفتاة ماشي كلامك
الأمير والناس دي كلها وكمان الحراس دول.. وضروري قوي الحراس دول..واخدة بالك يسمعوا كلامي..
الفتاة طبعا
الأمير من غير نقاش
الفتاة طبعا
الأمير ينفذوا وبس
الفتاة طبعا
الأمير إذن(للمثل المتأخر) تعالى هنا..إيه اللي معاك ده وريني..الله (للفتاة)العيش ده في الزمن اللي إحنا بنمثله يبقى شيء غريب لازم الأمير يشوفه أو يدوقه الأول(للمثل) هات العيش(يتردد الممثل)هات اللي في إيدك يا ...
الممثل (للفتاة) إيه ده ؟خلاص بقى أمير بجد؟ بس يعنى كل الأمرا بيعملوا كده؟
الفتاة لأ مش كلهم..فيه أمرا ياخدوا منك اللقمة ويرموك في السجن أو يقتلوك كمان
الأمير فكرة(مشيرا للحراس) اسجنوه(يدخل مسئول المسرح)
م المسرح إيه اللي بيحصل ده؟
الأمير أنا الأمير وكلمتي لازم تطاع, اسجنوه قبل ما أغير رأيي واقتله(يهم الحراس بالإمساك بزميلهم الرابع)
م المسرح لا سيبوه انتم, أنا حاخده للسجن يا مولاي(للمثل) أنا حاخدك بره وأسيبك تطلع تجيب عيش تاني
الرجل (يدخل وقد ارتدى زي رجل بوليس)
الممثل لسه حاقف في الطابور (يسير هو والمسئول في الطريق للخارج)
الرجل أنت رايح فين؟قدامي ع السجن.ده بقى ما فيهش تمثيل
الأمير (للحارس) خد العيش ده حطه على مائدة الدولة(يخرج الممثل ويرجع كي يأخذ مكانه) لا تعالى هنا واقف ورايا عشان الشكل يبقى مظبوط..دلوقت أنا الأمير,النهاردة أنا مش طبيعي كأني قلقان أو غضبان أو خايف,وحاطلب المزيكة والأغاني اللي حتسرى عني شوية(يصفق,تبدأ الأغنية وتنصرف الفتاة)
الحاجب (يدخل)كبير الشرطة عاوز يدخل يا مولاي
الأمير يدخل(يدخل كبير الشرطة)
ك الشرطة السلام عليكم يا سمو الأمير
الأمير إيه مالك شكلك مقلوب كده ليه؟
ك الشرطة السجين حسن يا مولاي
الأمير ماله؟
ك الشرطة مات
الأمير وإيه يعنى؟ ما يروح في ستين داهية..تعرف إن بموته ده ارتاح.. دانا كنت حاعمل فيه عمايل
ك الشرطة إيه العمل دلوقت يا مولاي؟
الأمير في إيه؟
ك الشرطة في موضوع حسن يا مولاي؟
الأمير ولا حاجة..ارموا جتته بره لأهله, وخليهم يدفنوه, بس يندفن من غير جنازة زي أي ...
ك الشرطة مش ممكن يا مولاي
الأمير ليه؟
ك الشرطة أصله... أصله ما ماتش موتة ربنا
الأمير ماماتش موتة ربنا؟ أمال مات إزاي؟
ك الشرطة مات قتيل يا مولاي
الأمير قتيل!!؟ ميت اللي قتله. وإزاي؟
ك الشرطة إزاي؟ طعن بآلة حادة ولكن مين اللي قتله لسه مانعرفش يا مولاي.. لكن ضروري حنعرف وبسرعة, أنا أمرت بالتحقيق السريع والجاد في الموضوع ده وضروري حنوصل للفاعل
الأمير تحقيق؟
ك الشرطة أيوه يا مولاي وأنا حاشرف عليه بنفسي
الأمير حتشرف عليه بنفسك
ك الشرطة أيوه يا مولاي لأن ده موضوع خطير جدا..إزاي واحد يقدر يتسلل ويدخل جوه السجن ومش جوه السجن بس.. لا ده كمان دخل الزنزانة قتله بكل هدوء وطلع قفل باب الزنزانة وطلع من السجن وماحدش شافه!إزاي..؟
الأمير يعنى التحقيق اللي حتعمله ده فكرك حيجيب نتيجة بسرعة..؟
ك الشرطة أيوه يا مولاي
الأمير إزاي؟
ك الشرطة لأن كل شيء واضح يا مولاي..اللي قتله لازم يكون حاجة من اتنين..يا إما واحد لابس طاقية الإخفا وده مش ممكن
الأمير يا إما
ك الشرطة يا إما واحد يقدر يدخل السجن ويخرج منه من غير ما حد يكلمه أو يقول له حاجة
الأمير صحيح...صحيح..بس أنت نسيت حاجة مهمة جدا
ك الشرطة إيه يا سمو الأمير؟
الأمير حتقول للناس إيه؟ حتقولهم إن إحنا مش قادرين حتى نحمى السجن؟نهز صورتنا قدام الناس.. أنا من رأيي توقف الحقيق ده فورا
ك الشرطة أوقف التحقيق؟
الأمير توقف التحقيق وتسلم الجثة لأهله يدفنوه, وزي ما قلت من غير جنازة..إذا كان الموت ريحه فمازال مجرم في نظري
ك الشرطة أسلم الجثة لأهله..طيب لما يسألوني عن الطعنات اللي فيه أقول لهم إيه؟
الأمير قول لهم انتحر
ك الشرطة انتحر؟
الأمير أيوه انتحر... فيها حاجة دي؟
المشهد الثاني
(بقعة صغيرة من الضوء تكشف عن وجه الفتاة)
الفتاة الشرطة لما راحت توصل جثة حسن لأهله كانوا فاكرين أهله مجرد أبوه وأمه وخطيبته عزة وبس.. وكانوا التلاتة قاعدين في ساعة عصرية قدان البين.. اصل عزة كانت جاية تزورهم وأنا مش حقول عزة شكلها وأوصافها إيه..اصل أنا برضه اللي حاخد دور عزة,تعليمات المؤلف,وعلى فكرة المؤلف كمان قال لي أبلغكم الأول,إن الزمن اللي حصلت فيه الحدوتة ما كانش محدد ولكن لضرورة إن الأحداث تمشي في خط معقول قرر إنه يحدد الزمن اللي دارت فيه....
مدير المسرح (وقد ارتدى زيا أقرب إلى رجل البوليس السري) انتى بتقولي إيه.. لا يمكن أسمح..
الفتاة بس الزمن هو فترة حكم المماليك..
مدير المسرح حكم المماليك؟آه أيام الفراعنة يعني؟ما يضرش..هيه سلامو عليكم 0ينصرف)
الفتاة تقولوا ليه اختار الزمن ده؟ أقول لكم اصل سياق الحدوتة كان يحتاج قاضي كويس من التاريخ..مالقاش واحد ينفع إلا شخصية القاضي العز بن عبد السلام..ومدام العز بن عبد السلام كان أيام المماليك فإحنا دلوقت أيام المماليك..هيه خلاص فهمتوا ..نرجع للحكاية(تشير بيدها فتضاء خلفية المسرح على والد حسن ووالدته أمام باب منزل متواضع, والفتاة تذهب لتجلس بينهما)
الأم والله فيكي الخير يا عزة..من يوم ما أخدوا ابني وانتى معانا على طول..ربنا يعدلها..أنا عارفة بس إيه اللي خلاه يعمل العمل ده؟
الأب انتى بتتكلمي عن مين يام حسن؟
الأم باتكلم عن ابني ضنايا..حسن يابو حسن
الأب بقى انتى بتسألي إيه اللي خلاه يعمل كده؟ ده أنا نفسي لو كنت مكانه كنت عملت اللي عمله بالظبط واللا إيه يا عزة يا بنتي
عزة بس إيه النتيجة يابا..أهم خدوه وسجنوه وأنا زي ما يكون قلبي حاسس..أنا قلت له ساعتها اقصر الشيطان يا حسن..اقصر الشر يا حسن.. رد عليّ وقال لي ده مش شر ده خير...خير
الأم مش عارفة أنا قلبي مقبوض كده ليه؟
الأب وحدي الله يام حسن...مالك يا عزة
عزة لا مافيش حاجة يابا
(يدخل كبير الشرطة ومعه بعض الحرس منهم اثنان يحملان محفة عليها الجثة ملفوفة)
ك الشرطة (للأب) أنت منصور الشربتلي؟
الأب أيوه أي خدمة؟
ك الشرطة البقية في حياتك يا حاج..
الأب حياتك الباقية يا بني..بس مين اللي مات؟
ك الشرطة (للحراس)تعالوا دخلوه جوه(يدخل حاملا الجثة من الباب يتبعهما الأم وعزة)
الأب إيه اللي بيحصل يا بني..ومين اللي مات؟ وإيه اللي انتوا دخلتوه ده؟
ك الشرطة دا ابنك حسن,تعيش أنت يا حاج(تنطلق صرخة الأم وعزة في نفس اللحظة,يتجمد المشهد لحظات)
الأب لا حول ولا قوة إلا بالله.. لا حول ولا قوة إلا بالله(يبدأ بعض الناس في التجمهر بعد سماع الصراخ)
الأم ابني ضنايا
عزة حسن حبيبي يا حسن..يا حسن سايبني لمين يا حسن ؟
رجل1 لا حول ولا قوة إلا بالله, إيه الحكاية؟
عزة حسن
رجل ماله؟ بعد الشر
ك الشرطة مالت,عمركوا ما شفتوا واحد بيموت..يالا انت وهو امشوا من هنا
عزة مات؟ لأ ماماتش, حسن اتقتل...اتقتل
الجميع اتقتل؟
الأم أيوه اتقتل(لكبير الشرطة) مين اللي قتله؟
ك الشرطة ما فيش حد قتله
الأم إزاي؟ والجرح الواسع اللي في بطنه؟
عزة والدم..الدم الأحمر الطاهر النازف من رقبته
الأب كل ده وماحدش قتله؟
ك الشرطة أيوه قتل نفسه
الأب قتل نفسه!؟
ك الشرطة أيوه انتحر
الجميع (عزة والأم والأب) مش ممكن
الأم ابني ضنايا.. روحي..أبدا حسن مايقتلش نفسه أبدا..حسن لبني كان كل يوم يحلم باليوم اللي جاي ,وبعدين تقول لي انتحر!؟
الأب أبدا..ابني لا كان ضعيف ولا عاجز..ابني المؤمن الطاهر.. اتربى ع الله أكبر
عزة حسن كان كل ما يشوفني يقول لي تعرفي يا عزة أنا عاوز أعيش ميت سنة,ولما يخلصوا أطلب من ربنا كمان..أضحك وأقول له وده معقول يا حسن؟!يقول لي وليه لأ ..مش هي الأعمار بيد الله وأنا عمري ما أغضبته..حسن..حسن اللي كان يقول لي دايما عاوز دستة من العيال,كتير يا حسن..يقول لي لأ مش كتير..لنا رب اسمه الكريم.
1,2,3,4 لا حول ولا قوة إلا بالله
1 حسن يقتل نفسه عجيبة يا جدعان
2 الحكاية فيها سر
3 لا سر ولا حاجة.. حسن اتقتل جوه السجن
الجميع أيوه اتقتل جوه السجن
ك الشرطة ومين اللي حيقتله جوه السجن..إحنا لو عاوزين نقتله كنا حكمنا عليه بالإعدام وخلاص
عزة ماكنتوش تقدروا
ك الشرطة مانقدرش على إيه؟
عزة الحكم بالإعدام
ك الشرطة ليه
عزة اسأل كل عيون الخلق
1 مش مهم الكلام ده دلوقت..إكرام الميت دفنه..يالا نغسله
(عزة تقف فجأة وتصيخ السمع وتندفع نحو المنزل)
عزة أيوه يا حسن جاية (تدخل ويدخل وراءها الأب)
الجميع لا حول ولا قوة إلا بالله
1 أنا حاروح أفتح المدفن
2 وأنا حاعلن عن وفاته
3 لازم كل البلد تطلع الجنازة(الأب وعزة يخرجان)
عزة اسمعوا يا أهل البلد حسن اتقتل
ك الشرطة ما قلنا لك ماتقتلش
عزة لا اتقتل..مين فيكم يكدبه؟
ك الشرطة يكدب مين؟
عزة يكدب حسن
ك الشرطة حسن مات
عزة لا اتقتل
1 إمتى حتطلع الجنازة
ك الشرطة ما فيش جنازة
3,4 قلت إيه!!؟؟
ك الشرطة مافيش جنازة
3,4 مين قال كده؟
ك الشرطة دي الأوامر
عزة أمر مين
ك الشرطة أمر الأمير..يندفن من غير جنازة
عزة ماتكونوش فاكرينه ... يندفن من غير جنازة!!؟ (يدخل 1,2)
1,2,3,4 يندفن من غير جنازة مش أصول (يخرج 4) يا أهل البلد يا أهل البلد..
ك الشرطة ياللا انت وهو كل واحد فيكم يشوف مصلحته
1و2و3 بعد ما تطلع الجنازة (يعود4 ومعه بعض الناس)
(يشير كبير الشرطة للحرس بالتقدم نحو الجمهور الذي يتقدم نحو المنزل)
ك الشرطة مافيش جنازة
الجميع لأ حتطلع الجنازة
(اشتباك بين الحرس والجمهور...إظلام)
المشهد الثالث
الفتاة كل البلد اتجمعت قصاد باب دار حسن ..المحلات اتقفلت والأسواق شطبت والشوارع كلها بقت فراغ.. وكبير الشرطة قاعد يرص في العساكر..بقت كل الناس في صف .. والمماليك والعساكر في صف تاني, لحد الدنيا ما ليلت ولسه الناس قاعدة ما مشيتش..كانوا قاعدين يفكروا إزاي ومين قتل حسن..واحد قال لشوية منهم سمعتوا عن العز بن عبد السلام؟. ردوا عليه وقالوا مين مايعرفوش؟..قال طيب ماتيجوا نروح له ..وشوية تانيين قالوا نروح للسلطان..كلمة من هنا وكلمة من هناك اتفقوا إنهم يروحوا للعز بن عبد السلام وكمان يروحوا للسلطان..واختاروا الناس اللي حتسافر للقاهرة وانسحبت من وسط جموع الخلق وسافرت..والأمير قاع قلقان في قصره فبعت ينادي كبير الشرطة (تشير بيدها فتظهر قاعة الأمير...الأمير وكبير الشرطة)
الأمير إيه أخبارك؟
ك الشرطة لسه يا سمو الأمير الأهالي متجمعين..أنا باقول نسمح لهم يمشوا في جنازته
الأمير أنا قلت ما فيش جنازة...سيبهم لغاية الصبح
ك الشركة وبعدين يا مولاي؟
الأمير تكون الجثة ريحت ويطلبوا السماح بدفنها
ك الشرطة مظبوط يا سمو الأمير..بعد إذنك ( ينصرف وإظلام على الأمير)
الفتاة ده اللي كان أول يوم دلوقت نشوف تاني يوم (تنشير , ونفس المنظر السابق)
الأمير إيه أخبارك؟
ك الشرطة والله لسه يا مولاي
الأمير آه فهمت.. دول أكيد بيعطروها.. أصدر أوامرك ما فيش حاجة تخش البيت من العطور وفتشوه, أي قزازة عطر خدها,وبعد ساعة أو اتنين حييجوا ويركعوا لك
ك الشرطة مظبوط يا مولاي .. بعد إذنك ( ينصرف وإظلام على الأمير)
الفتاة تالت يوم كان زي تاني يوم..دلوقت إحنا في رابع يوم ( تشير فيضاء نفس المنظر السابق)
الأمير إيه الأخبار؟
ك الشرطة والله لسه يا مولاي
الأمير يستحيل أربع أيام ولسه الجثة مانتنتش..لابد حالا يندفن وإللا حيعملوه وليّ
ك الشرطة إيه العمل يا مولاي؟
الأمير بلغ رجالتك ياخدوا الجثة بالقوة ويرموها في أي حتة
ك الشرطة بس يا مولاي..
الأمير بس إيه
ك الشرطة برضه الموت له حرمة
الأمير نفذ اللي باقول عليه (يدخل الحاجب)
الحاجب مولاي
الأمير إيه اللي دخلك دلوقت؟
الحاجب رسول من عند السلطان بيقول إن الأمر هام
الأمير خليه يدخل
الحاجب هو والقاضي يا مولاي؟
الأمير قاضي إيه؟..تعالى هنا..إيه الحكاية؟
الحاجب معاه قاضي من القاهرة يا مولاي
الأمير طيب اخرج انت من الباب التاني وبلغ الحراس ماحدش يدخل دلوقت(لكبير الشرطة) انت اطلع لهم وحاول تعرف هم جايين ليه
ك الشرطة أمرك يا سمو الأمير(ينصرف)
الأمير يا غلام
الحاجب أمرك يا مولاي
الأمير أنت بتقول إن فيه قاضي مع مندوب السلطان؟
الحاجب أيوه يا مولاي
الأمير مين معاهم كمان
الحاجب فيه يا مولاي اتنين من أتباع مندوب السلطان وتابع واحد للقاضي
الأمير ما فيش غيرهم
الحاجب لا يا مولاي
الأمير طيب روح جهز وليمة للاحتفال بمندوب السلطان
الحاجب أمر مولاي (ينصرف ويدخل كبير الشرطة)
الأمير فهمت إيه الحكاية؟
ك الشرطة أيوه يا سمو الأمير
الأمير فهمت إيه؟ اتكلم
ك الشرطة الظاهر يا سمو الأمير إن بعض الأهالي انتهزوا الفرصة وسافروا القاهرة
الأمير القاهرة؟
ك الشرطة أيوه يا سمو الأمير ..وراحوا يشتكوا للسلطان
الأمير وبعدين؟
ك الشرطة الظاهر إن السلطان عشان يخلص منهم راح باعت المندوب والقاضي عشان يشوفوا الحكاية
الأمير بس كده..بسيطة..هدية لمندوب السلطان وهدية كمان للقاضي والحال يبقى عال..دخلهم في الحال
ك الشرطة لكن يا مولاي
الأمير فيه إيه
ك الشرطة القاضي اللي مع رسول السلطان مش أي قاضي يا مولاي
الأمير إيه يعنى ؟ تمنه غالي شوية ؟ مش مهم..نكتر في المعلوم شوية..ما أنت عارف كل واحد وله تمن
ك الشرطة إلا ده يا مولاي
الأمير ده مين؟
ك الشرطة القاضي يا مولاي
الأمير وحيطلع إيه ده
ك الشرطة ده يا سمو الأمير القاضي اللي وقف قدام السلطان..ده يا سمو الأمير القاضي اللي باع الأمرا المماليك وخد تمنهم لبيت المال
الأمير قصدك؟
ك الشرطة أيوه يا سمو الأمير ده العز بن عبد السلام
(إظلام)
المشهد الرابع
الفتاة دلوقت انتم عارفين شخصية القاضي اللي وصل من القاهرة عشان يحقق في الموضوع,أقول لكم جه إزاي..لما الناس سافرت القاهرة تعرض شكواها من عدم سماح الأمير بدفن جثة حسن.وكمان مطلبهم في تحقيق عن حادثة موته,عرضت الشكوى على السلطان وطلبت إن يروح معاهم القاضي العز بن عبد السلام..الحقيقة السلطان رحب بالموضوع ده جدا.. مش لأنه بيحب العدالة..لا.. عشان القاضي كان مسبب له شوية متاعب في القاهرة..وقال أهي فرصة يخلص منه يومين,وبعت للقاضي وقال له تروح مع الناس دول تشوف إيه الحكاية..قال له أمرك يا سلطان بس أنا ليا شرط..إيه هو الشرط؟إن ييجي معايا نائب من نواب جلالتك, وتكون الكلمة في الموضوع ليا أنا..وإيه كمان..قال له وأثناء نظر القضية دي يكون الأمير شخص عادي قدامي زي أي فرد..قال له ماشي..وسافر القاضي ومندوب السلطان ودخلوا ع الأمير.. الأمير رحب جدا بنظر القضية لأن على حد قوله ما فيش قضية وعرض إنه يجيب الناس هنا في القصر عشان القاضي يسمع كلامهم..لكن القاضي طلب إن تكون جلسة المحكمة أو جلسة الاستماع في ميدان المدينة الكبير..إحنا دلوقت في الميدان( تضاء الأنوار ويظهر القاضي ومندوب السلطان والأمير جالسين وأمامهم عزة ووالد حسن ووالدته وبعض الأفراد وعلى اليمين وفي الخلفية بعض جنود الشرطة يتوسطهم كبيرهم)
الأمير يا كل الناس المتجمعين..يشرفنا هنا في نفس المكان حضرة صاحب العزة مندوب السلطان ومولانا القاضي العز بن عبد السلام(يميل العز على أذن مندوب السلطان فيهز رأسه موافقا)
المندوب يا حضرة الأمير
الأمير أمرك يا صاحب العزة
المندوب أنا شايف إننا ندخل في الموضوع على طول ونسيب الجلسة لمولانا القاضي
الأمير أمرك يا صاحب السعادة(للقاضي)أتفضل يا مولانا..
القاضي بسم الله الرحمن الرحيم..توكلنا على الله ..دلوقت أنا عاوز أسأل الناس..إيه مطالبكم؟
1 حسن
القاضي ماله؟
2 نمشي وراه في الجنازة
القاضي إيه مانعكم؟
3 الأوامر
القاضي أمر مين؟
1,2,3 أمر الأمير, يندفن من غير جنازة
الأمير لأنه مجرم و..
عزة يا جناب القاضي الحكاية مش حكاية جنازة
القاضي انتى مين؟
عزة ~أنا عزة
القاضي تعالى هنا ما تخافيش..قلت اسمك عزة
عزة أيوه يا جناب القاضي
القاضي وإيه صلتك بالموضوع ده؟
عزة صلتي حسن..حسن..حسن ده يبقى خطيبي وحبيبي
القاضي انتى قلتي إن الحكاية مش حكاية جنازة..أمال الحكاية حكاية إيه؟
الأمير دي بتخرف يا فضيلة القاضي
القاضي اسكت انت(لعزة) اتكلمي
عزة الحكاية إن حسن ميت قتيل يبقى السؤال مين اللي قتله؟
القاضي (للأمير) ولسه ماتعرفش هو مين؟
الأمير يا فضيلة القاضي ماحدش قتله..ده انتحر
القاضي انتحر؟
عزة كذب..كذب ..حسن ما ينتحرش..حسن اتقتل . جوه سجنه واتقتل؟
القاضي كان سجين؟
عزة أيوه يا جناب القاضي
القاضي دلوقت فين الجثة؟
الأب جوه الدار لسه عندي
القاضي هو ميت من إمتى؟
الأب من أربع تيام
الأم أيوه وزي ماهو حتى جروحه لسه بتنزف..
القاضي مش معقول(لتابعه) روح يا علي مع واحد من الحراس شوف الجثة وتعالى(ينصرف على مع أحد الحراس ويهم الأب بمتابعتهما)
القاضي (للب) رايح فين؟
الأب رايح أدله ع الطريق
القاضي (لكبير الشرطة) هو الحارس مش عارف السكة؟
ك الشرطة أيوه عارفها يا فضيلة القاضي
القاضي (لأبو حسن) يبقى تخليك هنا معانا ..ودلوقت يا سمو الأمير ويا كبير الشرطة عاوز أعرف حسن ليه كان سجين؟
1,2,3 أيوه. .ده هو السؤال..هو ليه كان سجين
ك الشرطة لأنه قتل
القاضي قتل مين؟
الأمير قتل أربعة عابرين سبيل
1 لا ماكانوش عابرين سبيل
الأمير (للرجل)اسكت انت
القاضي لا تعالى..هم كانوا معروفين ؟
1 أول مرة كنت أشوفهم
القاضي طيب ليه بتقول إنهم ماكانوش عابرين سبيل؟
1 يا جناب القاضي..عابر السبيل بيبقى في حاله لكن دول كانوا متوحشين
القاضي انت حضرت ساعة قتلهم؟
1 لا ما حضرتش
القاضي أمال فين شفتهم؟
1 أنا بقى بياع خيار..عدوا عليا ومدوا اديهم..كلوا شوية ورموا شوية..وأما طالبت بالتمن ضحكوا علي ورموا الباقي في التراب
القاضي وعملت إيه؟
1 ها عمل إيه..كانوا شايلين سيوفهم..دعيت عليهم.. ومشيوا وهم مبسوطين..بعد شوية سمعت عركة.. رحت هناك لقبتهم مترميين
القاضي كان حد واقف عندهم؟
1 أيوه
القاضي مين؟
1 حسن
القاضي يعني هو اللي قتلهم؟
1 أيوه
القاضي وعرفت منين؟ مش جايز جه عندهم بالصدفة؟
1 هو اللي قال كده
القاضي يعني أربعة مش معروفين جايين منين ولفين رايحين..
2 كانوا رايحين للأمير
القاضي قلت إيه؟
الأمير اخرس
القاضي تعالى هنا ( يتقدم الرجل)
2 سألوني وهم ماشيين فين قصر الأمير
القاضي (ل1) أنت كنت ع الطريق اللي يوصل لقصر الأمير؟
1 أيوه يا فضيلة القاضي
القاضي وشفت الأربعة ماشيين برضه في الطريق اللي يوصل قصر الأمير؟
1 أيوه يا فضيلة القاضي
القاضي أربع أغراب بيسألوا عن قصر الأمير كان سلوكهم مش لطيف مع بياع الخيار,دخلوا في خناقة مع حسن وقتلهم,ليه؟
عزة اسمع يا فضيلة القاضي
القاضي أيوه,تعالى اتكلمي..تقدري تقولي حسن ليه قتلهم؟
عزة أيوه يا فضيلة القاضي
القاضي طيب قولي اتكلمي
عزة يا فضيلة القاضي.. أنا وحسن زي ما قلت قبل كده إحنا الاتنين مخطوبين..في اليوم ده.لسه فاكره اليوم ده زي دلوقت..كنت ماشية أنا وحسن ولقيت دول جايين علينا..
القاضي دول مين؟
عزة الأربعة
القاضي المقتولين كانوا ساعتها صاحيين..بصوا لينا..واحد منهم قام مقرب ناحيتي,ميل عليّ وخبطني في كتفي..لا ماخبطنيش,مد إيده على كتفي,حسن اتنفض في مشيته,مسكت إيده وقلت له إهدى يا حسن..جايز مش واخد باله
القاضي وبعدين ..كملي
عزة كتم في نفسه ومشي معايا وقبل ما نمشي خطوتين(يصيبها الإعياء ويوهن صوتها)
القاضي ياللا كملي
4 قبل ما يكملوا خطوتين
القاضي أنت مين؟
4 أنا مرزوق الجنايني
القاضي إيه اللي عندك عايز تقوله؟
4 كنت ماشي..سمعتهم وادرايت في جزع شجرة لكني كنت شفتهم
القاضي شفت إيه؟
4 الأربعة أتقسموا..اتنين شدوا عزة من إديها..والباقيين رفعوا على حسن السيوف,لكن عزة صرخت(تصرخ عزة)ماوقفوش..إديهم اتمدت عليها شالوا الطرحة وقطعوا التوب(بينما هذا الكلام يقال تتوالى الانفعالات على وجه عزة)
القاضي قطعوا توبها؟
4 أيوه قطعوا توبها..حسن قاوم,ما كانش معاه غير عصاية..ضرب واحد منهم وخد سيفه ,قبل ما يخلص عليهم,كان بإيده شاور لهم إنهم يمشوا ويسيبوه..
القاضي ليه؟
عزة (تصرخ)كان خايف للناس تتلم وتيجي وتشوفني وأنا كده
القاضي وبعدين؟
4 لكن هم مامشيوش..هجموا عليه رافعين سيوفهم واللي حصل بعد كده انتم عارفينه خلاص
عزة كان بيدافع عني أنا
2 كان بيدافع عن نفسه
3 وعن شرفه
4 والمهم دول أغراب,كان بيدافع عن شرفنا كلنا (تسقط عزة,إظلام)
المشهد الخامس
(نفس المنظر السابق, عزة على الأرض..يأتي الأب لمقدمة المسرح)
الأب انتم كنتم متعودين على عزة تفتح المشهد.. لكن لظروف المشهد اللي فات وإنها تيجي هنا وتتكلم وبعدين ترجع تانى,صعب..وقع عليا الاختيار إني ابتديه أنا.. دلوقت انتم عرفتوا ليه حسن قتل الأربعة دول..لكن لسه ما عرفناش هم مين وجايين ليه؟وليه الأمير أتصرف التصرف ده وسجن جسن..على كل حال أنا مابعرفش أتكلم كتير..وقلت للمؤلف كده..كان ليا كلام تاني مفروض أقوله لكن نسيته,دلوقت نرجع للمشهد بعد إذنكم..(يعود للمشهد ويحاول أن يرفع عزة من على الأرض)
القاضي حد يجيب لها كباية مية والا حاجة(يدخل علي ومعه الحارس وتنهض عزة) إيه يا علي شفت الجثة؟
علي أيوه يا مولانا
القاضي ورأيك إيه؟
علي (يتجه نحو القاضي ويسر له بشيء في أذنه..يقوم القاضي ويتكلم مع مندوب السلطان ويتحرك الثلاثة لمقدمة المسرح)أنا شفت الجثة واتكلمت مع الناس..الموضوع باين عليه خطير يا مولانا
رسول السلطان إيه اللي خطير؟
علي مولانا القاضي هيفهمك (للقاضي)الحكاية بتقرب من تصورك اللي انت قلته في السكة يا مولانا
الرسول تصور إيه؟
علي يا صاحب العزة مولانا القاضي حيفهمك
القاضي وانت شايف إيه يا علي؟
علي أنا شايف إننا ممكن نوصل لحقيقة بسرعة.. بس أنا عاوز الناس كلها تفهم عشان لو حصل اللي انت خايف منه يبقى أدينا واجبنا وعرفنا الناس واللي فاضل إن الناس هي اللي تتصرف
القاضي معقول كلامك يا علي(يتهامسان)
علي بس أنا محتاج مساعدة صاحب العزة
القاضي (للرسول)تعرف إن علي هو اللي بيسليني؟
الرسول إزاي؟
القاضي ده بيعرف يشخص ويمثل,أنا لما أكون باشتغل وقدامي شوية صعاب أو حاجة مستعصية علي,ده يقوم عامل زي تمثيلية كدة بتقرب الواحد م الحقيقة
الرسول يا سلام!!!
القاضي (يأخذ الرسول جانبا) ودلوقت أنا عاوز منك(يتهامسان)
الرسول ماشي كلامك..يا حضرة الأمير
الأمير أيوه يا صاحب العزة
الرسول والله أنا شايف إن الموضوع جايز يطول شوية وإحنا عاوزين نرفه عن نفسنا
الأمير (لنفسه في ابتهاج)عال(للرسول)ها بعت أجيب المغنين والمهرج بتاعي من القصر يا صاحب العزة..واللا إيه الرأي..نروح القصر وبعدين نرجع تاني؟
الرسول لا هنا يبقى أفضل
الأمير أمرك يا صاحب العزة, أبعت لهم
الرسول أنا شايف إن مافيش داعي(يشير لعلي) علي ده هو اللي حيسلينا
الأمير إزاي؟
الرسول حيشخص لنا
الأمير كويس,لوحده؟
الرسول لا انتم كمان حتشخصوا معاه..وأنا والقاضي حنقعد بعيد نتفرج عليكم شوية كده, وبعدين نرجع نكمل..
الأمير أمرك يا صاحب العزة
الرسول ولو سمحت مؤقتا يعنى, تسمع كلام علي في الدور اللي انت حتعمله وتخلي الناس كمان تسمع كلامه
الأمير أنا حامثل يا صاحب العزة
الرسول طبعا...طبعا
الأمير أمرك يا صاحب العزة
مـــنـــقـــــووووول
(القاضي والأمير)
تأليف :مجدي الحمزاوي
الجزء الأول
المشهد الأول
الفتاة مساء الخير.. الحقيقة أنا هنا قدامكم دلقوت بالرغم من إرادة المؤلف.. هو ماكانش متصور أبدا إنني أقف قدامكم دلوقت..على العكس.. مسكين, بيخطط للفكرة اللي في دماغه للمسرحية دي, أول حاجة عملها إنه شالني منها خالص.. مسكين , كان فاكر إنه يقدر ينساني في لحظة من لحظات إبداعه؟
الكورس ومين يقدر ينساكي؟ مين يقدر أو يتصور إنه في لحظة ينساكي بكل سهولة
الفتاة بس كفاية علي..كل اللي أنا واخداه منكم مين يقدر يسيبك؟ مين يقدر ينساكي؟ مين يقدر؟مين يقدر..حد فيكم عمل حاجة؟
الكورس وإحنا نقدر نعمل إيه بس وماعملناهوش؟
الفتاة تعملوا إيه؟ كتير..كتير.. على القليل تقدروا تغطوا وشي اللي كشفته الريح..تقدروا تقفوا صف واحد قدامي تحموني, وماتسمحوش لأي غريب إنه يوصل لي..دلوقت إيه النتيجة؟ دخل بينكم الأغراب ..والشك مالي قلبي..كل ما أبص لواحد فيكم اسأل نفسي غريب ولا قريب؟
الكورس بس...
الفتاة لا بس ولا حاجة..ده مش موضوعنا..نرجع لموضوعنا تاني. أنا وقفت فين؟أيوة صاحبنا كل ما كان يمسك القلم يلاقيني واقفة قصاده واشاغله وألاغيه..ساعات أزعله وساعات أفرحه
الكورس بس زعله كان أكتر
الفتاة مش مهم.. المهم إنه مهما كان زعلان مني شايلني جواه, عايشة جواه, باجري في دمه.. يحاول إنه يهرب مني وياخد قلمه وورقه ويهرب, يهرب, وساعة ما يشعر إنه خلاص ما فيش حاجة في دماغه غير الفكرة اللي عاوز يعملها..يلاقيني طلعت له.. منين؟ مايعرفش.. وقلت له أما دايما عايشة معاك..في فرحك معاك..في شربة المية المرة معاك..في اللقمة اللي أنت بتحلم بيها معاك, دلوقت ليه عايز تسيبني؟..رد عليا وقال لي طيب انتى تقدري تعملي إيه معايا هنا؟ قلت له يا سلام ..دنا أعمل حاجات كتير, أحكي وأربط واختصر ولو عايزني كمان أبقى شخصية من شخصياتك؟ممكن
الكورس وبعدين؟
الفتاة ولا قبلين..فضلت معاه وهنا زي ما أنا معاه في كل حتة
الكورس طيب ما انتى كمان معانا في كل حتة..في كل ليل بنحلم بالصبح عشان نقدر نشوفك..في كل صبح نتمنى لو نقدر نجيب الشمس عشان نعملها لك عقد..
الفتاة بس كفاية, أنا حعمل إيه بالشمس؟ أنا لا عايزة شمس ولا عايزة..
الكورس مش عايزة الشمس؟
الفتاة أيوة
الكورس أمال عاوزة إيه؟
الفتاة عايزاكم انتم وبس, انتو كفاية..بس لو تتجمعوا كلكم..لو تقدروا تطمنوني وتردوا الغريب اللي دخل جواكم.. لو تقدروا تفهموا صح..
الكورس ومين قال لك إن إحنا مش فاهمين؟
الفتاة يعني انتم فاهمين؟
الكورس أيو..
الفتاة وساكتين؟
الكورس مرغمين....مرغمين
الفتاة ولإمتى؟
الكورس لإمتى؟!
الفتاة أيوة إمتى تفضلوا ساكتين؟
الكورس انتى اللي بتقولي لإمتى؟
الفتاة أيوة ( ينصرف الكورس في نظرات متبادلة مع بعضهم البعض ويبدو عليهم الخوف والتردد) ساكتين ليه؟خايفين من إيه؟بتبصوا لبعض وتبصولي كده ليه؟اتكلموا
الكورس نتكلم؟
الفتاة ايوة
الكورس يا ست الحسن والجمال.. سؤالك صعب والجواب عليه أصعب..جايز
الفتاة يزعلني؟!
الكورس أيوة, يزعلك
الفتاة وازعل من إيه؟
الكورس من الحقيقة
الفتاة وهي الحقيقة تزعل حد؟ أبدا عمرها ما زعلت حد
الكورس عمرها؟
الفتاة أيوة, سؤالي واضح وعاوزة إجابة عليه..إمتى تفضلوا ساكتين؟
الكورس (يصمت الجميع) ثم ينطلقون معا بصوت واحد) لحد انتى ما تفوقي وتعرفي
الفتاة أعرف غيه؟
الكورس مين العدو ومين الحبيب
الفتاة إيه؟!!
الكورس مين اللي مادد إيده عشان يفك قيدك ومين اللي عاوز قيدك يفضل طول العمر
الفتاة إيه؟!!
الكورس لحد انتى ما تفرقي بين الشموس والنار.. بين الشرف والعار...بين الخسيس والجار
الفتاة إيه؟ أنا السبب..
الكورس ايوة انتي السبب
الفتاة يا ميت ندامة ع الرجال لما يصدقوا الكدب.. يا ميت ندامة ع الرجال لما يضحكوا على نفسهم..
الكورس نضحك على نفسنا؟ إزاي
الفتاة من غير إزاي.. أنا مين. أنا إيه؟ما انتم عارفين..أنا انتم..كلكم كده على بعضكم تبقوا أنا..إن رحت في حتة فانتوا الرجل اللي شالتني..إن قلت كلمة فانتوا لساني اللي بينطق إن مرة نزلت إيد فوق وشي فانتوا الخد اللي اتضرب..( يدخل رجلا يرتدى نظارة ويمسك بيده أوراقا)
الرجل إيه الهباب اللي بتهببوه ده؟
الفتاة وأنت مالك.. انت مين يا جدع انت؟
الرجل أنا مدير المسرح..الكلام ده بره النص
الفتاة وإيه اللي عرفك يا فالح؟
الرجل إيه اللي عرفني؟ النص في إيدي أهو( يشير بالأوراق) والكلام اللي انتوا بتقولوه ده مالوش دعوة بالمسرحية خالص
الفتاة إزاي مالوش دعوة ده له وله
الرجل أنا ماليش دعوة..يا تقولوا الكلام اللي قدامي يا إما تطلعوا بره
الكورس خلاص...خلاص
الفتاة نرجع للموضوع تاني(يجلس الرجل ويراقبهم)الله انت حتفضل هنا؟
الرجل أيوة عشان لو خرجتوا تاني عن النص أوقفكم
الفتاة خلاص مش حنخرج تاني
الرجل وإيه ضمني؟
الفتاة أنا أقول لك..انت اطلع برة في الكواليس واسمع..إن حصلت حاجة ابقى تعالى
الرجل ماشي يا ست(ينصرف)
الكورس اسمعينا
الفتاة مافيش وقت للكلام إحنا نخلص اللي جايين عشانه الأول (للجمهور)سيداتي سادتي مساء الخير..انتوا النهاردة جايين المسرح عشان تتفرجوا, والفرجة عندكم وعند كل الناس يعنى حدوتة..حكاية حصلت من زمان أو بتحصل دلوقت أو لسه ها تحصل..إحنا بقى حكايتنا حصلت من زمان
الكورس حصلت من زمان؟
الفتاة أيوه
الكورس مش ممكن برضه تحصل بعد كده؟
الفتاة والله حسب المقولة اللي بتقول إن التاريخ بيعيد نفسه..جايز
الكورس وجايز تحصل دلوقت؟
الرجل (يأتي الصوت من الخارج) بلاش خروج عن النص
الفتاة بس خلاص....خلاص
الكورس معلش يا
الفتاة حكايتنا حصلت من زمان(تنسحب االفتاة ويضاء المسرح ولكن تبقى بؤرة ضوء على وجه الفتاة) كان فيه مملكة والمملكة طبعا لازم يكون لها ملك, وزي ما إحنا عارفين إن الممالك الكبيرة وحتى المتوسطة بتبقى متقسمة لإمارات أو مقاطعات..وإحنا كلامنا على إمارة من الإمارات دي.زفي يوم من الأيام والأمير كان(تسير الفتاة ويضاء المسرح وتظهر قاعة الحكم في الإمارة والأمير يعتلي مقعدا ضخما وبجانبه على الجاني الأيمن حارسان وعلى الجانب الأيسر حارس واحد فقط ) الأمير كان قاعد زي عادته كل يوم بس النهاردة كان متضايق شوية وقلقان..المهم ما كانش طبيعي, فطلب إنه يسمع مزيكة(, ويدخللأمير) يدخل بعض الرجال والنساء على المقدمة الموسيقية وقبل أن يشرعوا في الغناء) إيه ده فين مسئول خشبة المسرح؟(يتوقف التمثيل وينظر إليها الجميع مندهشي, ويدخلل مسئول خشبة المسرح)إيه التهريج ده.. المفروض إن فيه أربع حراس اتنين ع اليمين واتنين ع الشمال...دول تلاتة بس الرابع فين؟
م المسرح أصل يعنى... الحكاية والله
الرجل إيه ده خروج تانى؟(يدخل)
المسئول دي مشكلة بسيطة ممثل اتأخر عن دوره.تعالى بس اقعد..كل شيء حيمشي تمام(يأخذه للخارج ويعود)
الفتاة انطق فين الممثل الرابع؟
م المسرح والله استأذن مني يجيب عيش وقال لي إنه حييجي قبل الدور بتاعه
الفتاة مش ممكن..ده تهريج
م المسرح أصله كان جعان قوي
الفتاة ولو( يحدث بعض الهرج ودخل الممثل بيده بعض الخبز وباليد الأخرى يحاول أن يمسك الحربة ويرتدي زيه التمثيلي.. يقع الزى على الأرض)
م المسرح (وهو يساعد الممثل على ارتداء ملابسه)اتأخرت كده ليه؟
الممثل أصل ونا جاي لقيت جنب المسرح واحد بتاع تفاح وقفت شوية أتفرج عليه
م المسرح بلاش تهريج..خد مكانك(يتحرك الممثل كي يأخذ مكانه وبيده الخبز, ينصرف مسئول المسرح)
الأمير (للفتاة) دلوقت أنا الأمير؟
الفتاة إيه لزمته الكلام ده؟
الأمير ده مهم جدا
الفتاة ماشي كلامك
الأمير والناس دي كلها وكمان الحراس دول.. وضروري قوي الحراس دول..واخدة بالك يسمعوا كلامي..
الفتاة طبعا
الأمير من غير نقاش
الفتاة طبعا
الأمير ينفذوا وبس
الفتاة طبعا
الأمير إذن(للمثل المتأخر) تعالى هنا..إيه اللي معاك ده وريني..الله (للفتاة)العيش ده في الزمن اللي إحنا بنمثله يبقى شيء غريب لازم الأمير يشوفه أو يدوقه الأول(للمثل) هات العيش(يتردد الممثل)هات اللي في إيدك يا ...
الممثل (للفتاة) إيه ده ؟خلاص بقى أمير بجد؟ بس يعنى كل الأمرا بيعملوا كده؟
الفتاة لأ مش كلهم..فيه أمرا ياخدوا منك اللقمة ويرموك في السجن أو يقتلوك كمان
الأمير فكرة(مشيرا للحراس) اسجنوه(يدخل مسئول المسرح)
م المسرح إيه اللي بيحصل ده؟
الأمير أنا الأمير وكلمتي لازم تطاع, اسجنوه قبل ما أغير رأيي واقتله(يهم الحراس بالإمساك بزميلهم الرابع)
م المسرح لا سيبوه انتم, أنا حاخده للسجن يا مولاي(للمثل) أنا حاخدك بره وأسيبك تطلع تجيب عيش تاني
الرجل (يدخل وقد ارتدى زي رجل بوليس)
الممثل لسه حاقف في الطابور (يسير هو والمسئول في الطريق للخارج)
الرجل أنت رايح فين؟قدامي ع السجن.ده بقى ما فيهش تمثيل
الأمير (للحارس) خد العيش ده حطه على مائدة الدولة(يخرج الممثل ويرجع كي يأخذ مكانه) لا تعالى هنا واقف ورايا عشان الشكل يبقى مظبوط..دلوقت أنا الأمير,النهاردة أنا مش طبيعي كأني قلقان أو غضبان أو خايف,وحاطلب المزيكة والأغاني اللي حتسرى عني شوية(يصفق,تبدأ الأغنية وتنصرف الفتاة)
الحاجب (يدخل)كبير الشرطة عاوز يدخل يا مولاي
الأمير يدخل(يدخل كبير الشرطة)
ك الشرطة السلام عليكم يا سمو الأمير
الأمير إيه مالك شكلك مقلوب كده ليه؟
ك الشرطة السجين حسن يا مولاي
الأمير ماله؟
ك الشرطة مات
الأمير وإيه يعنى؟ ما يروح في ستين داهية..تعرف إن بموته ده ارتاح.. دانا كنت حاعمل فيه عمايل
ك الشرطة إيه العمل دلوقت يا مولاي؟
الأمير في إيه؟
ك الشرطة في موضوع حسن يا مولاي؟
الأمير ولا حاجة..ارموا جتته بره لأهله, وخليهم يدفنوه, بس يندفن من غير جنازة زي أي ...
ك الشرطة مش ممكن يا مولاي
الأمير ليه؟
ك الشرطة أصله... أصله ما ماتش موتة ربنا
الأمير ماماتش موتة ربنا؟ أمال مات إزاي؟
ك الشرطة مات قتيل يا مولاي
الأمير قتيل!!؟ ميت اللي قتله. وإزاي؟
ك الشرطة إزاي؟ طعن بآلة حادة ولكن مين اللي قتله لسه مانعرفش يا مولاي.. لكن ضروري حنعرف وبسرعة, أنا أمرت بالتحقيق السريع والجاد في الموضوع ده وضروري حنوصل للفاعل
الأمير تحقيق؟
ك الشرطة أيوه يا مولاي وأنا حاشرف عليه بنفسي
الأمير حتشرف عليه بنفسك
ك الشرطة أيوه يا مولاي لأن ده موضوع خطير جدا..إزاي واحد يقدر يتسلل ويدخل جوه السجن ومش جوه السجن بس.. لا ده كمان دخل الزنزانة قتله بكل هدوء وطلع قفل باب الزنزانة وطلع من السجن وماحدش شافه!إزاي..؟
الأمير يعنى التحقيق اللي حتعمله ده فكرك حيجيب نتيجة بسرعة..؟
ك الشرطة أيوه يا مولاي
الأمير إزاي؟
ك الشرطة لأن كل شيء واضح يا مولاي..اللي قتله لازم يكون حاجة من اتنين..يا إما واحد لابس طاقية الإخفا وده مش ممكن
الأمير يا إما
ك الشرطة يا إما واحد يقدر يدخل السجن ويخرج منه من غير ما حد يكلمه أو يقول له حاجة
الأمير صحيح...صحيح..بس أنت نسيت حاجة مهمة جدا
ك الشرطة إيه يا سمو الأمير؟
الأمير حتقول للناس إيه؟ حتقولهم إن إحنا مش قادرين حتى نحمى السجن؟نهز صورتنا قدام الناس.. أنا من رأيي توقف الحقيق ده فورا
ك الشرطة أوقف التحقيق؟
الأمير توقف التحقيق وتسلم الجثة لأهله يدفنوه, وزي ما قلت من غير جنازة..إذا كان الموت ريحه فمازال مجرم في نظري
ك الشرطة أسلم الجثة لأهله..طيب لما يسألوني عن الطعنات اللي فيه أقول لهم إيه؟
الأمير قول لهم انتحر
ك الشرطة انتحر؟
الأمير أيوه انتحر... فيها حاجة دي؟
المشهد الثاني
(بقعة صغيرة من الضوء تكشف عن وجه الفتاة)
الفتاة الشرطة لما راحت توصل جثة حسن لأهله كانوا فاكرين أهله مجرد أبوه وأمه وخطيبته عزة وبس.. وكانوا التلاتة قاعدين في ساعة عصرية قدان البين.. اصل عزة كانت جاية تزورهم وأنا مش حقول عزة شكلها وأوصافها إيه..اصل أنا برضه اللي حاخد دور عزة,تعليمات المؤلف,وعلى فكرة المؤلف كمان قال لي أبلغكم الأول,إن الزمن اللي حصلت فيه الحدوتة ما كانش محدد ولكن لضرورة إن الأحداث تمشي في خط معقول قرر إنه يحدد الزمن اللي دارت فيه....
مدير المسرح (وقد ارتدى زيا أقرب إلى رجل البوليس السري) انتى بتقولي إيه.. لا يمكن أسمح..
الفتاة بس الزمن هو فترة حكم المماليك..
مدير المسرح حكم المماليك؟آه أيام الفراعنة يعني؟ما يضرش..هيه سلامو عليكم 0ينصرف)
الفتاة تقولوا ليه اختار الزمن ده؟ أقول لكم اصل سياق الحدوتة كان يحتاج قاضي كويس من التاريخ..مالقاش واحد ينفع إلا شخصية القاضي العز بن عبد السلام..ومدام العز بن عبد السلام كان أيام المماليك فإحنا دلوقت أيام المماليك..هيه خلاص فهمتوا ..نرجع للحكاية(تشير بيدها فتضاء خلفية المسرح على والد حسن ووالدته أمام باب منزل متواضع, والفتاة تذهب لتجلس بينهما)
الأم والله فيكي الخير يا عزة..من يوم ما أخدوا ابني وانتى معانا على طول..ربنا يعدلها..أنا عارفة بس إيه اللي خلاه يعمل العمل ده؟
الأب انتى بتتكلمي عن مين يام حسن؟
الأم باتكلم عن ابني ضنايا..حسن يابو حسن
الأب بقى انتى بتسألي إيه اللي خلاه يعمل كده؟ ده أنا نفسي لو كنت مكانه كنت عملت اللي عمله بالظبط واللا إيه يا عزة يا بنتي
عزة بس إيه النتيجة يابا..أهم خدوه وسجنوه وأنا زي ما يكون قلبي حاسس..أنا قلت له ساعتها اقصر الشيطان يا حسن..اقصر الشر يا حسن.. رد عليّ وقال لي ده مش شر ده خير...خير
الأم مش عارفة أنا قلبي مقبوض كده ليه؟
الأب وحدي الله يام حسن...مالك يا عزة
عزة لا مافيش حاجة يابا
(يدخل كبير الشرطة ومعه بعض الحرس منهم اثنان يحملان محفة عليها الجثة ملفوفة)
ك الشرطة (للأب) أنت منصور الشربتلي؟
الأب أيوه أي خدمة؟
ك الشرطة البقية في حياتك يا حاج..
الأب حياتك الباقية يا بني..بس مين اللي مات؟
ك الشرطة (للحراس)تعالوا دخلوه جوه(يدخل حاملا الجثة من الباب يتبعهما الأم وعزة)
الأب إيه اللي بيحصل يا بني..ومين اللي مات؟ وإيه اللي انتوا دخلتوه ده؟
ك الشرطة دا ابنك حسن,تعيش أنت يا حاج(تنطلق صرخة الأم وعزة في نفس اللحظة,يتجمد المشهد لحظات)
الأب لا حول ولا قوة إلا بالله.. لا حول ولا قوة إلا بالله(يبدأ بعض الناس في التجمهر بعد سماع الصراخ)
الأم ابني ضنايا
عزة حسن حبيبي يا حسن..يا حسن سايبني لمين يا حسن ؟
رجل1 لا حول ولا قوة إلا بالله, إيه الحكاية؟
عزة حسن
رجل ماله؟ بعد الشر
ك الشرطة مالت,عمركوا ما شفتوا واحد بيموت..يالا انت وهو امشوا من هنا
عزة مات؟ لأ ماماتش, حسن اتقتل...اتقتل
الجميع اتقتل؟
الأم أيوه اتقتل(لكبير الشرطة) مين اللي قتله؟
ك الشرطة ما فيش حد قتله
الأم إزاي؟ والجرح الواسع اللي في بطنه؟
عزة والدم..الدم الأحمر الطاهر النازف من رقبته
الأب كل ده وماحدش قتله؟
ك الشرطة أيوه قتل نفسه
الأب قتل نفسه!؟
ك الشرطة أيوه انتحر
الجميع (عزة والأم والأب) مش ممكن
الأم ابني ضنايا.. روحي..أبدا حسن مايقتلش نفسه أبدا..حسن لبني كان كل يوم يحلم باليوم اللي جاي ,وبعدين تقول لي انتحر!؟
الأب أبدا..ابني لا كان ضعيف ولا عاجز..ابني المؤمن الطاهر.. اتربى ع الله أكبر
عزة حسن كان كل ما يشوفني يقول لي تعرفي يا عزة أنا عاوز أعيش ميت سنة,ولما يخلصوا أطلب من ربنا كمان..أضحك وأقول له وده معقول يا حسن؟!يقول لي وليه لأ ..مش هي الأعمار بيد الله وأنا عمري ما أغضبته..حسن..حسن اللي كان يقول لي دايما عاوز دستة من العيال,كتير يا حسن..يقول لي لأ مش كتير..لنا رب اسمه الكريم.
1,2,3,4 لا حول ولا قوة إلا بالله
1 حسن يقتل نفسه عجيبة يا جدعان
2 الحكاية فيها سر
3 لا سر ولا حاجة.. حسن اتقتل جوه السجن
الجميع أيوه اتقتل جوه السجن
ك الشرطة ومين اللي حيقتله جوه السجن..إحنا لو عاوزين نقتله كنا حكمنا عليه بالإعدام وخلاص
عزة ماكنتوش تقدروا
ك الشرطة مانقدرش على إيه؟
عزة الحكم بالإعدام
ك الشرطة ليه
عزة اسأل كل عيون الخلق
1 مش مهم الكلام ده دلوقت..إكرام الميت دفنه..يالا نغسله
(عزة تقف فجأة وتصيخ السمع وتندفع نحو المنزل)
عزة أيوه يا حسن جاية (تدخل ويدخل وراءها الأب)
الجميع لا حول ولا قوة إلا بالله
1 أنا حاروح أفتح المدفن
2 وأنا حاعلن عن وفاته
3 لازم كل البلد تطلع الجنازة(الأب وعزة يخرجان)
عزة اسمعوا يا أهل البلد حسن اتقتل
ك الشرطة ما قلنا لك ماتقتلش
عزة لا اتقتل..مين فيكم يكدبه؟
ك الشرطة يكدب مين؟
عزة يكدب حسن
ك الشرطة حسن مات
عزة لا اتقتل
1 إمتى حتطلع الجنازة
ك الشرطة ما فيش جنازة
3,4 قلت إيه!!؟؟
ك الشرطة مافيش جنازة
3,4 مين قال كده؟
ك الشرطة دي الأوامر
عزة أمر مين
ك الشرطة أمر الأمير..يندفن من غير جنازة
عزة ماتكونوش فاكرينه ... يندفن من غير جنازة!!؟ (يدخل 1,2)
1,2,3,4 يندفن من غير جنازة مش أصول (يخرج 4) يا أهل البلد يا أهل البلد..
ك الشرطة ياللا انت وهو كل واحد فيكم يشوف مصلحته
1و2و3 بعد ما تطلع الجنازة (يعود4 ومعه بعض الناس)
(يشير كبير الشرطة للحرس بالتقدم نحو الجمهور الذي يتقدم نحو المنزل)
ك الشرطة مافيش جنازة
الجميع لأ حتطلع الجنازة
(اشتباك بين الحرس والجمهور...إظلام)
المشهد الثالث
الفتاة كل البلد اتجمعت قصاد باب دار حسن ..المحلات اتقفلت والأسواق شطبت والشوارع كلها بقت فراغ.. وكبير الشرطة قاعد يرص في العساكر..بقت كل الناس في صف .. والمماليك والعساكر في صف تاني, لحد الدنيا ما ليلت ولسه الناس قاعدة ما مشيتش..كانوا قاعدين يفكروا إزاي ومين قتل حسن..واحد قال لشوية منهم سمعتوا عن العز بن عبد السلام؟. ردوا عليه وقالوا مين مايعرفوش؟..قال طيب ماتيجوا نروح له ..وشوية تانيين قالوا نروح للسلطان..كلمة من هنا وكلمة من هناك اتفقوا إنهم يروحوا للعز بن عبد السلام وكمان يروحوا للسلطان..واختاروا الناس اللي حتسافر للقاهرة وانسحبت من وسط جموع الخلق وسافرت..والأمير قاع قلقان في قصره فبعت ينادي كبير الشرطة (تشير بيدها فتظهر قاعة الأمير...الأمير وكبير الشرطة)
الأمير إيه أخبارك؟
ك الشرطة لسه يا سمو الأمير الأهالي متجمعين..أنا باقول نسمح لهم يمشوا في جنازته
الأمير أنا قلت ما فيش جنازة...سيبهم لغاية الصبح
ك الشركة وبعدين يا مولاي؟
الأمير تكون الجثة ريحت ويطلبوا السماح بدفنها
ك الشرطة مظبوط يا سمو الأمير..بعد إذنك ( ينصرف وإظلام على الأمير)
الفتاة ده اللي كان أول يوم دلوقت نشوف تاني يوم (تنشير , ونفس المنظر السابق)
الأمير إيه أخبارك؟
ك الشرطة والله لسه يا مولاي
الأمير آه فهمت.. دول أكيد بيعطروها.. أصدر أوامرك ما فيش حاجة تخش البيت من العطور وفتشوه, أي قزازة عطر خدها,وبعد ساعة أو اتنين حييجوا ويركعوا لك
ك الشرطة مظبوط يا مولاي .. بعد إذنك ( ينصرف وإظلام على الأمير)
الفتاة تالت يوم كان زي تاني يوم..دلوقت إحنا في رابع يوم ( تشير فيضاء نفس المنظر السابق)
الأمير إيه الأخبار؟
ك الشرطة والله لسه يا مولاي
الأمير يستحيل أربع أيام ولسه الجثة مانتنتش..لابد حالا يندفن وإللا حيعملوه وليّ
ك الشرطة إيه العمل يا مولاي؟
الأمير بلغ رجالتك ياخدوا الجثة بالقوة ويرموها في أي حتة
ك الشرطة بس يا مولاي..
الأمير بس إيه
ك الشرطة برضه الموت له حرمة
الأمير نفذ اللي باقول عليه (يدخل الحاجب)
الحاجب مولاي
الأمير إيه اللي دخلك دلوقت؟
الحاجب رسول من عند السلطان بيقول إن الأمر هام
الأمير خليه يدخل
الحاجب هو والقاضي يا مولاي؟
الأمير قاضي إيه؟..تعالى هنا..إيه الحكاية؟
الحاجب معاه قاضي من القاهرة يا مولاي
الأمير طيب اخرج انت من الباب التاني وبلغ الحراس ماحدش يدخل دلوقت(لكبير الشرطة) انت اطلع لهم وحاول تعرف هم جايين ليه
ك الشرطة أمرك يا سمو الأمير(ينصرف)
الأمير يا غلام
الحاجب أمرك يا مولاي
الأمير أنت بتقول إن فيه قاضي مع مندوب السلطان؟
الحاجب أيوه يا مولاي
الأمير مين معاهم كمان
الحاجب فيه يا مولاي اتنين من أتباع مندوب السلطان وتابع واحد للقاضي
الأمير ما فيش غيرهم
الحاجب لا يا مولاي
الأمير طيب روح جهز وليمة للاحتفال بمندوب السلطان
الحاجب أمر مولاي (ينصرف ويدخل كبير الشرطة)
الأمير فهمت إيه الحكاية؟
ك الشرطة أيوه يا سمو الأمير
الأمير فهمت إيه؟ اتكلم
ك الشرطة الظاهر يا سمو الأمير إن بعض الأهالي انتهزوا الفرصة وسافروا القاهرة
الأمير القاهرة؟
ك الشرطة أيوه يا سمو الأمير ..وراحوا يشتكوا للسلطان
الأمير وبعدين؟
ك الشرطة الظاهر إن السلطان عشان يخلص منهم راح باعت المندوب والقاضي عشان يشوفوا الحكاية
الأمير بس كده..بسيطة..هدية لمندوب السلطان وهدية كمان للقاضي والحال يبقى عال..دخلهم في الحال
ك الشرطة لكن يا مولاي
الأمير فيه إيه
ك الشرطة القاضي اللي مع رسول السلطان مش أي قاضي يا مولاي
الأمير إيه يعنى ؟ تمنه غالي شوية ؟ مش مهم..نكتر في المعلوم شوية..ما أنت عارف كل واحد وله تمن
ك الشرطة إلا ده يا مولاي
الأمير ده مين؟
ك الشرطة القاضي يا مولاي
الأمير وحيطلع إيه ده
ك الشرطة ده يا سمو الأمير القاضي اللي وقف قدام السلطان..ده يا سمو الأمير القاضي اللي باع الأمرا المماليك وخد تمنهم لبيت المال
الأمير قصدك؟
ك الشرطة أيوه يا سمو الأمير ده العز بن عبد السلام
(إظلام)
المشهد الرابع
الفتاة دلوقت انتم عارفين شخصية القاضي اللي وصل من القاهرة عشان يحقق في الموضوع,أقول لكم جه إزاي..لما الناس سافرت القاهرة تعرض شكواها من عدم سماح الأمير بدفن جثة حسن.وكمان مطلبهم في تحقيق عن حادثة موته,عرضت الشكوى على السلطان وطلبت إن يروح معاهم القاضي العز بن عبد السلام..الحقيقة السلطان رحب بالموضوع ده جدا.. مش لأنه بيحب العدالة..لا.. عشان القاضي كان مسبب له شوية متاعب في القاهرة..وقال أهي فرصة يخلص منه يومين,وبعت للقاضي وقال له تروح مع الناس دول تشوف إيه الحكاية..قال له أمرك يا سلطان بس أنا ليا شرط..إيه هو الشرط؟إن ييجي معايا نائب من نواب جلالتك, وتكون الكلمة في الموضوع ليا أنا..وإيه كمان..قال له وأثناء نظر القضية دي يكون الأمير شخص عادي قدامي زي أي فرد..قال له ماشي..وسافر القاضي ومندوب السلطان ودخلوا ع الأمير.. الأمير رحب جدا بنظر القضية لأن على حد قوله ما فيش قضية وعرض إنه يجيب الناس هنا في القصر عشان القاضي يسمع كلامهم..لكن القاضي طلب إن تكون جلسة المحكمة أو جلسة الاستماع في ميدان المدينة الكبير..إحنا دلوقت في الميدان( تضاء الأنوار ويظهر القاضي ومندوب السلطان والأمير جالسين وأمامهم عزة ووالد حسن ووالدته وبعض الأفراد وعلى اليمين وفي الخلفية بعض جنود الشرطة يتوسطهم كبيرهم)
الأمير يا كل الناس المتجمعين..يشرفنا هنا في نفس المكان حضرة صاحب العزة مندوب السلطان ومولانا القاضي العز بن عبد السلام(يميل العز على أذن مندوب السلطان فيهز رأسه موافقا)
المندوب يا حضرة الأمير
الأمير أمرك يا صاحب العزة
المندوب أنا شايف إننا ندخل في الموضوع على طول ونسيب الجلسة لمولانا القاضي
الأمير أمرك يا صاحب السعادة(للقاضي)أتفضل يا مولانا..
القاضي بسم الله الرحمن الرحيم..توكلنا على الله ..دلوقت أنا عاوز أسأل الناس..إيه مطالبكم؟
1 حسن
القاضي ماله؟
2 نمشي وراه في الجنازة
القاضي إيه مانعكم؟
3 الأوامر
القاضي أمر مين؟
1,2,3 أمر الأمير, يندفن من غير جنازة
الأمير لأنه مجرم و..
عزة يا جناب القاضي الحكاية مش حكاية جنازة
القاضي انتى مين؟
عزة ~أنا عزة
القاضي تعالى هنا ما تخافيش..قلت اسمك عزة
عزة أيوه يا جناب القاضي
القاضي وإيه صلتك بالموضوع ده؟
عزة صلتي حسن..حسن..حسن ده يبقى خطيبي وحبيبي
القاضي انتى قلتي إن الحكاية مش حكاية جنازة..أمال الحكاية حكاية إيه؟
الأمير دي بتخرف يا فضيلة القاضي
القاضي اسكت انت(لعزة) اتكلمي
عزة الحكاية إن حسن ميت قتيل يبقى السؤال مين اللي قتله؟
القاضي (للأمير) ولسه ماتعرفش هو مين؟
الأمير يا فضيلة القاضي ماحدش قتله..ده انتحر
القاضي انتحر؟
عزة كذب..كذب ..حسن ما ينتحرش..حسن اتقتل . جوه سجنه واتقتل؟
القاضي كان سجين؟
عزة أيوه يا جناب القاضي
القاضي دلوقت فين الجثة؟
الأب جوه الدار لسه عندي
القاضي هو ميت من إمتى؟
الأب من أربع تيام
الأم أيوه وزي ماهو حتى جروحه لسه بتنزف..
القاضي مش معقول(لتابعه) روح يا علي مع واحد من الحراس شوف الجثة وتعالى(ينصرف على مع أحد الحراس ويهم الأب بمتابعتهما)
القاضي (للب) رايح فين؟
الأب رايح أدله ع الطريق
القاضي (لكبير الشرطة) هو الحارس مش عارف السكة؟
ك الشرطة أيوه عارفها يا فضيلة القاضي
القاضي (لأبو حسن) يبقى تخليك هنا معانا ..ودلوقت يا سمو الأمير ويا كبير الشرطة عاوز أعرف حسن ليه كان سجين؟
1,2,3 أيوه. .ده هو السؤال..هو ليه كان سجين
ك الشرطة لأنه قتل
القاضي قتل مين؟
الأمير قتل أربعة عابرين سبيل
1 لا ماكانوش عابرين سبيل
الأمير (للرجل)اسكت انت
القاضي لا تعالى..هم كانوا معروفين ؟
1 أول مرة كنت أشوفهم
القاضي طيب ليه بتقول إنهم ماكانوش عابرين سبيل؟
1 يا جناب القاضي..عابر السبيل بيبقى في حاله لكن دول كانوا متوحشين
القاضي انت حضرت ساعة قتلهم؟
1 لا ما حضرتش
القاضي أمال فين شفتهم؟
1 أنا بقى بياع خيار..عدوا عليا ومدوا اديهم..كلوا شوية ورموا شوية..وأما طالبت بالتمن ضحكوا علي ورموا الباقي في التراب
القاضي وعملت إيه؟
1 ها عمل إيه..كانوا شايلين سيوفهم..دعيت عليهم.. ومشيوا وهم مبسوطين..بعد شوية سمعت عركة.. رحت هناك لقبتهم مترميين
القاضي كان حد واقف عندهم؟
1 أيوه
القاضي مين؟
1 حسن
القاضي يعني هو اللي قتلهم؟
1 أيوه
القاضي وعرفت منين؟ مش جايز جه عندهم بالصدفة؟
1 هو اللي قال كده
القاضي يعني أربعة مش معروفين جايين منين ولفين رايحين..
2 كانوا رايحين للأمير
القاضي قلت إيه؟
الأمير اخرس
القاضي تعالى هنا ( يتقدم الرجل)
2 سألوني وهم ماشيين فين قصر الأمير
القاضي (ل1) أنت كنت ع الطريق اللي يوصل لقصر الأمير؟
1 أيوه يا فضيلة القاضي
القاضي وشفت الأربعة ماشيين برضه في الطريق اللي يوصل قصر الأمير؟
1 أيوه يا فضيلة القاضي
القاضي أربع أغراب بيسألوا عن قصر الأمير كان سلوكهم مش لطيف مع بياع الخيار,دخلوا في خناقة مع حسن وقتلهم,ليه؟
عزة اسمع يا فضيلة القاضي
القاضي أيوه,تعالى اتكلمي..تقدري تقولي حسن ليه قتلهم؟
عزة أيوه يا فضيلة القاضي
القاضي طيب قولي اتكلمي
عزة يا فضيلة القاضي.. أنا وحسن زي ما قلت قبل كده إحنا الاتنين مخطوبين..في اليوم ده.لسه فاكره اليوم ده زي دلوقت..كنت ماشية أنا وحسن ولقيت دول جايين علينا..
القاضي دول مين؟
عزة الأربعة
القاضي المقتولين كانوا ساعتها صاحيين..بصوا لينا..واحد منهم قام مقرب ناحيتي,ميل عليّ وخبطني في كتفي..لا ماخبطنيش,مد إيده على كتفي,حسن اتنفض في مشيته,مسكت إيده وقلت له إهدى يا حسن..جايز مش واخد باله
القاضي وبعدين ..كملي
عزة كتم في نفسه ومشي معايا وقبل ما نمشي خطوتين(يصيبها الإعياء ويوهن صوتها)
القاضي ياللا كملي
4 قبل ما يكملوا خطوتين
القاضي أنت مين؟
4 أنا مرزوق الجنايني
القاضي إيه اللي عندك عايز تقوله؟
4 كنت ماشي..سمعتهم وادرايت في جزع شجرة لكني كنت شفتهم
القاضي شفت إيه؟
4 الأربعة أتقسموا..اتنين شدوا عزة من إديها..والباقيين رفعوا على حسن السيوف,لكن عزة صرخت(تصرخ عزة)ماوقفوش..إديهم اتمدت عليها شالوا الطرحة وقطعوا التوب(بينما هذا الكلام يقال تتوالى الانفعالات على وجه عزة)
القاضي قطعوا توبها؟
4 أيوه قطعوا توبها..حسن قاوم,ما كانش معاه غير عصاية..ضرب واحد منهم وخد سيفه ,قبل ما يخلص عليهم,كان بإيده شاور لهم إنهم يمشوا ويسيبوه..
القاضي ليه؟
عزة (تصرخ)كان خايف للناس تتلم وتيجي وتشوفني وأنا كده
القاضي وبعدين؟
4 لكن هم مامشيوش..هجموا عليه رافعين سيوفهم واللي حصل بعد كده انتم عارفينه خلاص
عزة كان بيدافع عني أنا
2 كان بيدافع عن نفسه
3 وعن شرفه
4 والمهم دول أغراب,كان بيدافع عن شرفنا كلنا (تسقط عزة,إظلام)
المشهد الخامس
(نفس المنظر السابق, عزة على الأرض..يأتي الأب لمقدمة المسرح)
الأب انتم كنتم متعودين على عزة تفتح المشهد.. لكن لظروف المشهد اللي فات وإنها تيجي هنا وتتكلم وبعدين ترجع تانى,صعب..وقع عليا الاختيار إني ابتديه أنا.. دلوقت انتم عرفتوا ليه حسن قتل الأربعة دول..لكن لسه ما عرفناش هم مين وجايين ليه؟وليه الأمير أتصرف التصرف ده وسجن جسن..على كل حال أنا مابعرفش أتكلم كتير..وقلت للمؤلف كده..كان ليا كلام تاني مفروض أقوله لكن نسيته,دلوقت نرجع للمشهد بعد إذنكم..(يعود للمشهد ويحاول أن يرفع عزة من على الأرض)
القاضي حد يجيب لها كباية مية والا حاجة(يدخل علي ومعه الحارس وتنهض عزة) إيه يا علي شفت الجثة؟
علي أيوه يا مولانا
القاضي ورأيك إيه؟
علي (يتجه نحو القاضي ويسر له بشيء في أذنه..يقوم القاضي ويتكلم مع مندوب السلطان ويتحرك الثلاثة لمقدمة المسرح)أنا شفت الجثة واتكلمت مع الناس..الموضوع باين عليه خطير يا مولانا
رسول السلطان إيه اللي خطير؟
علي مولانا القاضي هيفهمك (للقاضي)الحكاية بتقرب من تصورك اللي انت قلته في السكة يا مولانا
الرسول تصور إيه؟
علي يا صاحب العزة مولانا القاضي حيفهمك
القاضي وانت شايف إيه يا علي؟
علي أنا شايف إننا ممكن نوصل لحقيقة بسرعة.. بس أنا عاوز الناس كلها تفهم عشان لو حصل اللي انت خايف منه يبقى أدينا واجبنا وعرفنا الناس واللي فاضل إن الناس هي اللي تتصرف
القاضي معقول كلامك يا علي(يتهامسان)
علي بس أنا محتاج مساعدة صاحب العزة
القاضي (للرسول)تعرف إن علي هو اللي بيسليني؟
الرسول إزاي؟
القاضي ده بيعرف يشخص ويمثل,أنا لما أكون باشتغل وقدامي شوية صعاب أو حاجة مستعصية علي,ده يقوم عامل زي تمثيلية كدة بتقرب الواحد م الحقيقة
الرسول يا سلام!!!
القاضي (يأخذ الرسول جانبا) ودلوقت أنا عاوز منك(يتهامسان)
الرسول ماشي كلامك..يا حضرة الأمير
الأمير أيوه يا صاحب العزة
الرسول والله أنا شايف إن الموضوع جايز يطول شوية وإحنا عاوزين نرفه عن نفسنا
الأمير (لنفسه في ابتهاج)عال(للرسول)ها بعت أجيب المغنين والمهرج بتاعي من القصر يا صاحب العزة..واللا إيه الرأي..نروح القصر وبعدين نرجع تاني؟
الرسول لا هنا يبقى أفضل
الأمير أمرك يا صاحب العزة, أبعت لهم
الرسول أنا شايف إن مافيش داعي(يشير لعلي) علي ده هو اللي حيسلينا
الأمير إزاي؟
الرسول حيشخص لنا
الأمير كويس,لوحده؟
الرسول لا انتم كمان حتشخصوا معاه..وأنا والقاضي حنقعد بعيد نتفرج عليكم شوية كده, وبعدين نرجع نكمل..
الأمير أمرك يا صاحب العزة
الرسول ولو سمحت مؤقتا يعنى, تسمع كلام علي في الدور اللي انت حتعمله وتخلي الناس كمان تسمع كلامه
الأمير أنا حامثل يا صاحب العزة
الرسول طبعا...طبعا
الأمير أمرك يا صاحب العزة
مـــنـــقـــــووووول