سعد حميد الثبيتي
07-08-2009, 03:10 AM
يابن هليل ماعلانا ولاضير= من فضل رب البيت في خير وانعام
الخير وافر ماحصل فيه تقصير= الله يديم الستر لو نسكن خيام
وانا مطوع يافتى ماانفخ الكير=اعز جدر الطيب ماني بهدام
اعطر المجلس من الطيب تعطير= وفي واجب اهل الدين يالذيب خدام
من خلقتي ما اشرب حليب العصافير= وثوبي على قدي مفصل له اكمام
واللي كتب لي جا من الله تسخير= جاني من اللي للمقادير علام
والسيف لو حطوه وسط المناشير= يبقى على اسمه سيف جزام لزام
وياشين دلو تصتفق في شفا البير= قصر رشاها وازرق الجم جمام
ويابن هليل حط للعلم تشفير= سلعتك بكره بين بايع وسوام
binhlailبن هليــل
07-08-2009, 04:17 AM
حاوي علوم العرف وأنظم مجارير=ومنكس عقالي على شماغ بسام
ليا دقت الأزيار دقيت بالزير=وليا نصاني علم برده شمام
وأحفظ حدود الله من دون تعسير=وليا دحمني جنب بالجنب دحام
أمرر الأمثال بالفكر تمرير= وليا استوت وقعت فيها بالإبهام
أسمر المعنى على الكيف تسمير=ماني بلا خبل(ن)ولاني من الفام
العد راهي ما يجي جم تقطير=إشرب قراح العد ياذيب منشام
وليا وردت العد كبرت تكبير=أبني عليه حصون ما كوم أكوام
ماني من اللي تفزعه ريشة الطير=باب يعوز لحام بقفله بلحام
واللي يصيبه يابيض الوجه توتير=الله يرحم حالته دم وعظام
راع الصدق
بيض الله وجهك مليون ولا يكفون
كفو وما قصرت بيض الله وجهك
هذا ردي وصل حد القصيدة
لذا أستميحكم عذرا بأني سوف أفصله بقصيدة مستقله لتجاوزه 7 أبيات
لكم تحيتي
سعد حميد الثبيتي
07-08-2009, 04:37 AM
بيض الله وجهك لين ترضى ياعريف ثبيت وشاعرها المميز وفقك الله تقبل اعجابي ومحبتي لك ولذوقك الشعري
صقـر عتيبـة
07-08-2009, 04:49 AM
راع الصدق
والسيف لو حطوه وسط المناشير
يبقى على اسمه سيف جزام لزام
وياشين دلو تصتفق في شفا البير
قصر رشاها وازرق الجم جمام
ويابن هليل حط للعلم تشفير
سلعتك بكره بين بايع وسوام
صح السانك وعلى شانك قصيدة جميلة مميزة
/
/
/
بن هليل
حاوي علوم العرف وأنظم مجارير
ومنكس عقالي على شماغ بسام
ليا دقت الأزيـار دقيـت بالزيـر
وليا نصاني علـم بـرده شمـام
وأحفظ حدود الله من دون تعسير
وليا دحمني جنب بالجنب دحـام
أمـرر الأمثـال بالفكـر تمريـر
وليا استوت وقعت فيها بالإبهـام
صح السانك شاعر والشعراء قليلُ
تقبلووو تحيااااااااااااتي
صقر عتيبة
آحسـ إنسآن ـآس
07-08-2009, 09:29 AM
صح لسانكم كلكم ...
الصراحه ردود ولا اروع ...
تقبل تحيآآآآآآآآتي ...
عبير الشوق
07-08-2009, 01:43 PM
استمتعت بما قرأت وبجمالها وبقوه معانيها
لله درك على حسن ما سجله قلمك صح لسانك لاعدمناك
عساف الأصائل
07-08-2009, 09:29 PM
الله الله
صح منطوقك رائع كعادتك
قصيدة وافية من وافي
بيض الله وجهك
لك خالص التحية
ملك القلوب
07-08-2009, 09:55 PM
الله الله
ابدعت وامتعت
بيض الله وجهك
لك خالص التحية
سعد حميد الثبيتي
08-08-2009, 03:15 AM
اشكر كل من مر على القصائد الانفة الذكر وخير ما اقوله تقبلوا تحياتي بكل ود واحترام
ساحر القلوب
08-08-2009, 04:07 AM
راع الصدق
بن هليل
صحت السنتكم و قلوبكم
على هالجزاله واااااافين
شعار وابداع
ومتم بود