يا وقتنا لا تعطي الناس وجهين=خلك بوجهٍ زين واترك نقيضه
الى متى تختل فيك الموازين=وتضيع بك بعض العهود الغليضه
لا تفتح أبوابك على المنهج الشين=وتفرح بك أصحاب القلوب المريضه
قبل يزيد الدين مع صاحب الدين=بين حقوق النافله والفريضه
يمكن تصحي عالمٍ مستحقين=والا المخالف يمكن انك تغيضه
عبرك شفناها بشتى الميادين=ما يفتهمها إلا الرجال الحضيضه
ناسٍ بحزات الشدايد وفيين=وعلى الامانه والسراير حفيضه
يستر منهم صاحي القلب والعين=الطيب ثابت في ربيعه وقيضه
تلقى رفاقتهم على العسر واللين=رفقة شرف واللي عشقها تهيضه
ماهيب رفقه تفترق مع طريقين=ما ضمها غير النفوس البغيضه
رفقة مصالح حطها بين قوسين=واضرب عليها بالخطوط العريضه

أحمد بن سعود الحمد – الزلفي

سعطيك العافيه على القصيده الجميله كلك ذوووق في اختيارك الرااقي

صح لسانك ولسان شاعرها

بنتظار جديدك

كل الود

سلم لسا نك ويدك وما اروع الكلمات تسلم بيض الله وجهك وحياك ..تقبل احترامي

مشكور على النقل


الله يعطيك العافية



تقبل خالص


تحيتي