الله وأكبر كل ما قلت له ليش = تترك كلامي وتستمع هرج واشي.
يلد له بعيون خرسٍ مراييش = ويسكت تقل كنّي من الناس لاشي.
ينكر هوى كنا به نموت ونعيش = يومه نظر عيني وسكناه جاشي.
أيام كنا بالصبا والصبا طيش =مولد هوى بقلوبنا كان ناشي.
عرضه نظيف لا تدنس ولا نيش =ولولا الصفا بالود ما كان عاشي.
ذبح الهوى شكٍ وغيره وتفتيش =وإيمانك بشكك بليا نقاشي.
لا شك أببعد عنك لو قلت لي ليش= كذّبتني وصدقت من كان واشي.

الشاعر

الأمير خالد بن يزيد

مشكور على النقل الرائع


صح لسانك ولسان شاعرها


مبدع في كل ما تدون


لك خالص التحية

لا شك أببعد عنك لو قلت لي ليش
كذّبتني وصدقت من كان واشـي



بيت جميل جدا



مشكور على النقل المميز


دمت بالف خير