الاهداء الى كل من تلمسه الابيات
بدون مقدمات ,,,,,
اللي بقى بقلبي شوية احاسيس
والباقية راحت من صدوف الايام !!!
كم كنت ابي ليلى وكم كنت انا قيس
لكن طلع تفكيري اوهام باوهام !!!
كم كنت مخلص في جميع المقاييس
وكم كنت أداريها.. وانا كلي حطام !!
وكم كنت اشب بليل حزني فوانيس
وابنيلها بروض الصدر بيت وخيام !!
وكم كنت انام وكان نومي كوابيس
وكم كنت اجي بنام ولا اقدر انام !!!
والحين دقت للفراق النواقيس
مشكور ياقاسي .. من اليوم للعام !!!
وياقلبي ياللي شيبتك الوساويس
نهايتك مثل نهايات الافلام !!
لاترتجي رحمة قلوب(ن) مفاليس
ولا ترتجي بسمه من قلوب الايتام !!!
ولا ترتجي بوح القلوب المحابيس
ولاترجي حلمك بيد قتالة احلام !!!
صحيح باقي بك شوية احاسيس
لكنها .. تكفي من اليمن للشام !!!