السلام عليكم ورحمة الله وبركاته
كالعادة الأبيات بدون مقدمات
يا بنت أنا من دم ماني من حديد=حتى لو إني بالقساوة مثلها
وأخر جديدي كان يعجبك الجديد=خذي حياتي يا فتاتي كلها
يا جوهرة يا مأس في عقد فريد=يا فاتنة في ذوقها في شكلها
دامك سكنتي بالخفوق وبالوريد=لأجل عيونك يا غلا بفلها
بكتب لك الأشعار وأنظم لك قصيد=وأغني الألحان ثم أرقص لها
خل المشاعر تشتعل عقب الجليد=بحضر شموع العشق وأنت أشعل لها
شب الغرام بداخلي خله وقيد=والله كريم وعند ربك حلها
أما تلاقينا وأخذنا ما نريد=تبرا جروح بالكبود نشلها
لو الهوى ما بيننا توه وليد=الخوف لأعماق الشعور يشلها
أشوف طيفك بالجديد وبالتليد=كل المشاعر عالقات بظلها
حتى صلاتي كل ما صلي أعيد=ما عاد أميز كثرها من قلها
يذوب قلبي لا ذكرت إنك بعيد=أحتار مدري كيف با نوصل لها
وليا صحيت وعدت للعلم الوكيد=القا طيوفك غالية ما ملها
أعود وأبني للمنى أنقص وأزيد=أكتب حكاية عشقنا بسجلها
أحلامنا ما بيننا ساعي بريد=لمن بترسل لي وأنا برسل لها