خفْ يا قلبي وهدِّي منْ غلاك
شفْ عيون الناس ترقبْ فرحتكْ
يسْبقك شوق وغلا ولاَّ معاك
من عيونك دوم تسْبق كلْمتكْ
صاحبك مافارقك ولاَّ نساك
مالكٍ قلبك وحبَّه دنيتكْ
شمْسها مافارقتْ لحظة سماك
ورسْمها ما يفارق نظْرتكْ
ياغلاها زاد في قلبي عناك
ماخبرت أحدٍ تمنى جنِّتكْ
غير قلبٍ لو طلبْته ما عصاك
والعمر يفْدا حبيبي ضحْكتكْ
ياحبيبي كلّ مابي من مداك
يرْتوي قلبي غلا من بسْمتكْ
والهوى كانه على قلبي هلاك
يا خفوقي وش كثر هي حبْتكْ