السلام عليكم ورحمة الله وبركاته
كالعادة بكل قصيدة
الأبيات بدون مقدمات
ما عرفت الهفو والزمه=وازن النيشان لأهدافي
الفكر والقلب ما همه=ثابته في كل ميقافي
لو جميع الناس ملتمه=ماش قاف ينافس لقافي
دائم(ن)راقي القمه=وأتغنى بكل محرافي
بنثر الطاروق والمه=لأجل أنا قليله أوصافي
عاصب(ن)للراس بالعمه=قدم ماشي منظر خلافي
ما شكيت بيوم من غمه=لو تغطى الأرض بالسافي
ما حسبت حساب للأمه=بادي(ن)في راس مشرافي
ليا نويت أخم لي خمه=قول يا ستار يا كافي
دام قلبي جاري(ن)دمه=والعروق تحرك أطرافي
برتوي من صافي الجمه=من قراح(ن)عدي الصافي
لو يضيق العم والعمه=ماني مغير لأصنافي
كم كويت كبود منسمة=ما لقت بالطب من شافي
لو بحط الموت في كمه=ما سمع أحد(ن)ولا شافي
بين كسر ورفع بالضمه=بينه والخافي الخافي
ما عرفت الهفو والزمه=وازن النيشان لأهدافي