السلام عليكم ورحمة الله وبركاته
هذه الأبيات رد على قصيدة راع الصدق
بهذا المنتدى والتي ردت ردا على سابقة لي
بنفس الوزن والقافية
حاوي علوم العرف وأنظم مجارير=ومنكس عقالي على شماغ بسام
ليا دقت الأزيار دقيت بالزير=وليا نصاني علم برده شمام
وأحفظ حدود الله من دون تعسير=وليا دحمني جنب بالجنب دحام
أمرر الأمثال بالفكر تمرير= وليا استوت وقعت فيها بالإبهام
أسمر المعنى على الكيف تسمير=ماني بلا خبل(ن)ولاني من الفام
العد راهي ما يجي جم تقطير=إشرب قراح العد ياذيب منشام
وليا وردت العد كبرت تكبير=أبني عليه حصون ما كوم أكوام
ماني من اللي تفزعه ريشة الطير=باب يعوز لحام بقفله بلحام
واللي يصيبه يابيض الوجه توتير=الله يرحم حالته دم وعظام