بسم الله الرحمن الرحيم
قصيده للشاعر/ مبارك طناء مبيريك الشمري
( الكذب المليح )
أول المشوار قلتي تحبين الوضوح = وإختلف من قبل قبل أمس مضمون الصحيح
قلبي المجروح لا تهلكينه باالجروح = والله إني ياحياتي على شأنك جريح
أختلاف الرآي يعني غلاء وإلا طموح = علميني وش نهاية غرامي وإستريح
صرت أجاوب نايح الورق من فوق السطوح = ساهر(ن) وحدي بليلي من أسبابك جريح
ماأعتقد للوضع من بعد ماشفته إصلوح = كل طير(ن) عانق الغيم باالتالي يطيح
ليه حبيت الزعل وأنت ياالغالي مزوح = غيروا طبعك وخلوك باالتالي شحيح
ياجميل ويا قليل الجمايل ياالنصوح = ياصدوق الشوق يامصدر الكذب المليح
الشاعر/ مبارك طناء مبيريك الشمري