بسم الله الرحمن الرحيم

( سنتر سماح )

أدخل الحاره وأنا مالي لزوم = متعب(ن) حالي وأنا مالي صلاح

المحبه للهواوي ماتدوم = والهوى غدار والدنيا كفاح

وين أناوالصبر والقلب محروم = لإتصال ولا وصال و لا نجاح

بين علم وظلم والسلم الظلوم= من ثلاث سنين قلبي ماإستراح

يوم جيشه بادروني بالهجوم = العيون السود والزول الشناح

طيحتني طيحت اللي مايقوم = لاجزيت بخير ياسنتر سماح

روحت روحي وضيعت العلوم= قلت يالله لا تعيده من مراح

لا إسترحت ولا فرحت أفراح يوم = ماكسبت إلا خطيرات الجراح

مثل فوح النار في صدري سموم = تذبح العاشق ظليمه وأجتياح

من فقد غاليه وإعتاد الهموم = سلم أمره قبل تهديد السلاح

الشاعر / مبارك طناء الشمري