بسم الله الرحمن الرحيم
مهداة لمولاي خادم الحرمين الشريفين الملك/ عبدالله بن عبدالعزيز آل سعود المعظم رعاه الله
قال التبيناوي حسينات الأشعار = أجمل زهر نبت الفياض المعاشيب
هلا يابو متعب هلا فيك مليار = هلا بوجه الخير شرق (ن) وتغريب
حييت ياصقر العرب حامي الدار = هلا بأخو نوره رفيع المجاذيب
هلا هلا ياالنادر الرائد البار = هلا بستر المحصنات الرعابيب
هلا بضرغام (ن) على الحق مغوار = هلا بحلال الأمور المعاضيب
هلا بمصقول (ن) للأرقاب بتار = إعداد ماركبوا على الفطر الشيب
يامرحبا بك عــد ما طاير(ن) طار = وإعداد ماهلَت مزونن سواكيب
هلا يابو متعب هلا فيك تكرار = هلا بعبدالله تحيه وترحيب
إستبشرت حائل بمن جاه زوار = دار الكرم وأهل القيّم والمواجيب
له حق تفرح فيك ياصلب الأشوار = غنّت فرح لحظة حظور المعازيب
أجاء وسلمى فوقه المزن مدرار = حتى النفود أخفت سموم اللواهيب
طول السنه والمنطقه غيم وأمطار = أسقت مفالي مرتع الشمخ النيب
خيرك ظهر للشعب قدام الأنضار = لك هدتن يشبع به الطير والذيب
بادرت شعبك خير خفظت الأسعار = يدوم عزك ياحصان الأطاليب
لك هيبتن داست على روس الأشرار= شرذمّة الطغيان كيد(ن) وتخريب
يالله ياعالم خفيات الأسرار= ياالمعتلي عالم خفا خافي الغيب
ترحم ضحايانا البريئين الأبرار= وتجبر عزانا ياشديد المقاضيب
وطالبك ثلث الليل ياوآل الأقدار = تحمي ملكنامن عيون(ن) مغاضيب
حلال حالات (ن) به الفكر يحتار = مشاكل (ن) فيها تحير المناديب
الجوهره لبست جواهر ومحار = لبست عقود إحْلِيّها لبس ترتيب
إعشوشبت هَبَت نسانيس الأزهار = أجمل روايح فاخر الورد والطيب
عم الفرح سكانه كبار وصغار = شوفت عيونك دون شك(ن) ولاريب
سلام ياملجأ طويلين الأشبار = سلام ياحلال صعب المناشيب
سلام ياحــــــــــر (ن) على كف صقار = في كفك الطاهر عطيب المضاريب
رحمه من الرحمن وأقطع من النار = من حاربك حارب لذيذ المشاريب
شهم(ن)بشوش(ن) شايش الراس جبار = محاسنك ماحسبوها الحواسيب
سلام ياغيث (ن) من الخير تيّار = ماقَل دل وكلمتي حق وإمصيب
وتقبلوا تحيات الشاعر/ مبارك طناء مبيريك الشمري
ملاحظه أرجوا من سعادة مدير هذا الصرح الشامخ أحتساب مشاركاتي حيث كنت أكتب بإسم إبني عبدالله مبارك وتم تبديل الأسم من قبلكم مشكورين ولم تضاف مشاركاتي قصائدي وأيضاً كنت أكتب بإسم إبني ثامر مبارك والقصائد بإسمي أكثر من عشرون مشاركه ولم أعرف طريقة المسابقه والمشاركه ضمن الزملاء شاكرين لكم طيب المستضاف وحسن التعامل والتفوق لكي يتم لي المشاركة في مسابقة مجاراة فضيلة د/ عائض القرني التي بعنوان (لاإله إلا الله ) علما أن قصيدة مجاراتي هي أول قصيدة مجاراة كتبت في منتداكم هذا الصرح الشامخ ولكم فائق أحترامي وتقديري والسلام