بدوووووووون مقدمات
الليل ياطوله على عيون مشتاق
لو فيك مافيني (بيتعبك) طوله .. !!
ماذقت طعم فراق واشواق عشاق
مالومك ان قلت الليالي عجوله .. !!
شف ليلي بضيقة ولا خاطري راق
الا ليا بدالي وشفت .. زوله .. !!
ابو عيون(ن) تجمع وتنثر اوراق
جريئة الخلقه .. ولو هي خجوله .. !!
لاناظرتبي نظرة اعجاب واشواق
ماعاد لي بالكون عرضه .. وطوله .. !!
ولا قالت اقطفلي من الشعر مالاق
من شعرك اللي بالمشاعر .. ياهوله .. !!
اجيب شعر(ن) جزل واسوقه سياق
مثل مايسوق بدوي(ن) .. ذلوله .. !!
احبها .. والدمع يشهد ليا راق
وشعر(ن) بكيته .. والعرب صفقوله.. !!
(احبها) حــــب العــراقي للعراق
(واحبها) حــب الكــفو للرجـــــــوله .. !!
كبيرة .. ولكنها وسط الاعماق
(طفله) وفيها من نقاء الطـــفوله .. !!
والليل ياطوووله على عيون مشتاق
لو فيك مافيني (بيذبحك) طوووووله .. !!
وسلامتكم