كريم ياقلبي مع الناس إلاّ أنتْ
دايم تشحّ ابفرحتك لاجل غيرك
لاشفت فرحٍ يسكنك لاتبسمتْ
من كثر همك تبتسم وشْ يضيرك
شايل اهموم ياخفوقي ولالنتْ
ما دام تنبض ما تراجع مسيرك
ولاقلتلك ياقلب واش ْلي تعلَّمتْ
من كل لحظات الألم من عسيرك
من ناس ماترحمك لامن تألمتْ
وماتمسح ادموعك ولحدٍ يجيرك
جاوبتني بدموع عينك وسلَّمتْ
آمنت ياقلبي وهذا مصيرك
خلَّك على خيرك وخلَّك كماكنتْ
مبداك دايم على الغير خيرك