تكون القصة في كثير من الأحيان خيالية
والشعر أيضا جله من خيال
وهذه إحدى القصائد الخيالية
أمل تنال إستحسانكم
قابلتني وأشرت= وطلبت مني العبور
قلت حاضر وعبرت= كنها ضابط مرور
بعد عدتني نظرت= نظرة فيها سرور
شاغلتني وأرسلت= سهم من بين ا لحجور
عينها اليمنى غمزت=قالت: أسكت لاتفور
قلت: كافي ثم رمت= كرت عنوان القصور
بأسفل الكرت كتبت= موعد للوقت الحضور
بعد تأتينا نبت=نكتب العهد بسطور
جنيت بالميعاد بت=ما نبي يجي قصور
نور فلتها خفت= وأشعلت عود البخور
قابلتني وهمست= همس حرى لمحرور
مرحبا ثم سكتت= قلت :يا عطر العطور
كل روحي وما حوت= عند شوفتك تمــور
ردت بصوت بهت= كان خائف قوم غور
قلت:لا ثم بسمت= بسمة تشعل بنور
قلت :أنا يا بنت مت= من قوامك والحبور
مير أنا يا عز ست= في طبع أنا غيور
قالت: عيوني بكت= لأجلكم سبعة شهور
شوفها هي حمرت= أنت ظالم ومغرور
حاكمتني وحكمت= حكمة بشهود زور
وارتوينا وارتوت= لين شفين الصدور
عشقنا توه ثبت= ما تغيره الدهور
وسالفتنا ما انتهت=عشق حرى لمحرور