السلام عليكم ورحمة الله وبركاته
هديتكم هذا المساء....هذه الأبيات المتواضعة
علها تحظى بالقبول والرضا
يا تاج راسي تسمحي تريحيني=خليني ابقا دايم(ن)سيد القوم
مدي يدينك لين تلمس يديني=وليا تلاقت باقي الشرح مفهوم
بشدكِ وأحطكِ وسط عيني=وأحرم العينين من لذة النوم
وليا غفيت من الوله نبهيني=لأجلك لوني بين الأموات بقوم
من فيض جودك يا غلا كرميني=وإن مت من زود العطا مت مرحوم
بلوحات صمتك لوني وإرسميني=على شفاهك حرف بالروج مرسوم
لدقات قلبك زغردي وانثريني=خليني أغدي نبض للقلب وحلوم
حلمي معك أنسى لماض السنيني=بنسى زمان(ن)قبل لقياك وهموم
بقسم حياتي بس بينك وبيني=خذي حياتي كلها أمر محسوم
كان إبتعدنا صرت وينك و ويني=تبقى لنا تذكار بالروح وختوم
يكفيني أشعر بالمشاعر تبيني=والا العمر والرزق من قبل مقسوم