يا بنــت أنــا قــررت أرجـع لربي=وأترك دروب العشق لو هي جميلة
لعــل رب العــرش يغفر لــذنبي=ويمحي مسـاوي بالليـــال الطويلة
أتعبت نفسي والتعب طال قلبي=أمست ضلوعي من هواها عليــلة
سجيت روحي لين ضيعت دربي=ضاع الهـوى والقلـب ضائع دليله
كل ما تلاشى حب جددت حبـي=حمـــل الذنوب أمست عليه ثقيلة
القلب مني للهـوى صار مسبي=إلى متى والنفــس ترضـى بميــله
جــربت بالأيـــام صـدق ونصـب=وأهنت نفسـي للــوجيه الذليــلة
العمــر يمضي والملمـــات تربـي=أخـذت من غــي الليــالي جزيــله
ياما سلكت مع الهوا درب صعب=صـارت مهـود بعد هي مستحيلة
راحت وأنـا رائـح على غير ما بي=والــود باقـي والعشـق من يزيــله
لـ . أنا قنعت ولا العـذارى تخبــي=عنــي فتــون أجســادهن بشــيلة
هذا السبب الله عليهن حسبي=فتنة وأنـا مفتون بأهـون وسيــلة
الزيت ليا قُـرب من النـار شـبِ=والبنـت تذبح بالعيـون الكحيــلة
وإن كان ما قويت يا بنت صبـي=صبي على قلبـي همــوم بديــلة
ثم حّرقيني بالهـوى لـو غصـبِي=لا تأخــذك رحمــة بــروح كليـــلة
صبي من التدلـل فوقي وكبـي=أسقي عظـــاما يابســــاتٍ نحيــلة
وليـا دعيتـك بأخـر الليـل لبـي=إن كان ولينك صحيــح الخـليــلة
ضبي عن الحسـاد يا بنت ضبي=أســـرارنا لا تفضـحيـن القبيــــلة
خلي هوانا وســط قلبك وخبـي=مــا بيننــا حتى تحـــط النثيــلة
وإن مر طارينـا مع الناس هبي=حتى تزيليــن الشــكوك القليــلة
ولا تفـرحين ليا وجدتي بقـربي=خليكِ أحـرص من ظنون الحليلة
ليا اختلينـا طبطبي ثم طبـي=مثل السحائب من علــو المخيـلة
ولا همني لـو كان إلي تســـبي=بس ارتوي واروي عـروق ثميــلة
وبالآخـرة وإيــاك واللــه ينبي=رحمــن تغفــر ذنبنـا ثم تزيــله