السلام عليكم ورحمة الله وبركاته
صباحكم / مساؤكم .... خير
لا أحب المقدمات .... اليكم الأبيات
علها تروق لكم وترقى لذائقتكم
وينك حياة القلب والروح وينك=أعد ساعات الزمن بالدقايق
ليا مر بي ساعات ما لاح زينك=يصبح بعيني واسع الكون ضايق
مشتاق ضماتك بناعم يدينك=أحسها تطفي بجوفي حرايق
مشتاق لمساتك وسحر(ن)بعينك=تشتاق لك روحي بكل الطرايق
من مدعس الأقدام لغاية جبينك=أهواه في ضيقي ولن كنت رايق
أشيا كثيرة بس بيني وبينك=تشبع جنوني لا بغيتي حقايق
خذي سنيني وإجمعيها بسنينك=هذا غرامي جامعة بالوثايق
يحرسك ربي من حسد حاسدينك=ويحفظك ربي من غدر كل بايق