طولت عنكم الغيبات
وجئيتكم بهذه الأبيات
وعساها تروق لكم
اليوم هذا غير والا أمسنا غير=بأشياء كثيره يختلف يومنا وأمس
أول على شوفتك أهم بطير=واليوم صار الوضع ممشاه بالعكس
تبدلت أحوالنا ياعسى خير=ما عاد فينا حيل للبوح والهمس
مات الهوى في مهدنا توه صغير=كبست فوق أنفاسه وفاضت النفس
عمر الهوى ما بيننا أصبح قصير=قطع حباله كثرة الشد والمس
عجلت موته قبل لا يصبح كبير=يصعب على أنساه لو قلت لي إنس
مقدر على نسيان بعض المقادير=ما دام فيني عرق ينبض وبي حس
ولاني بقابل منك لوم ومعاذير=خلاص كافي ما تعلمناه من درس
كنت أحسبك قريب وجيتك مغير=وأثرك بعيد أبعد من الأرض والشمس
جيتك على شأنك ولو صار ما يصير=تدفعني الأحلام ما عاد به دس
ما قلت لك عندي ظروف ومحاذير=ولا قلت لك خائف من الجن والإنس
يوم قلت لي سرك ترى صار في بير=عريت لك ايام عمري بلا لبس
قشرت لك ما هو خفي عنك تقشير=ما كني الا صابني شيء من مس
واليوم جاي تقول محتاج تفكير=نسيت يوم إني بصمت لك بالخمس
تبحث على تبرير لو مافيه تبرير=وأكثر جوابك بالعذر بس من بس