صباحكم ؛ مساؤكم وردي
اليكم هذه الأبيات أرجو تكون مفيدة
وتلقى إستحسانكم
ياالله يا عالم بجهر وخوافي=يامن ليا مني دعيتك تجيبي
اسألك يا رحمن ستر وعوافي=وأكتب لي الجنة بعد من نصيبي
اليا تركت أهلي ومالي خلافي=وأمسيت من تحت السطايح غريبي
الأرض فرشي والنثائل لحافي=وأقفا وخلاني حبيب وقريبي
يارب تونس وحشتي وإرتجافي=اليا تخلا من حسبته صحيبي
يارب ترفق بالضلوع النحافي=من صكة اللحدين شيء رهيبي
اللي تخلي للضلوع إختلافي=مالي معين الا أنت وأنته حسيبي
لا صرت جيفة بعد حسن الوصافي=طعام دود بالقبر يلتوي بي
رحماك يارب العباد الضعافي=في موقف(ن)مافيه عندي حبيبي
يارب يا رحمن يا خير كافي=تغفر لي الزلة وتستر لعيبي
يارب تغفر سيتي وإنحرافي=رحماك يارحمن ترحم نحيبي
هذا دعائي ناظمه في قوافي=يا فارج الكربات تفرج كريبي