العمر يفنـى والحيـاة أحـلام والدنيـا متـاع
يا كمّ نفـسٍ روّحـت مـا حقّقـت مطلوبهـا
يا منخدع في ضحكة الدنيا ترى الضحكة خداع
لا تأمن الدنيا ولو تضحـك لـك مْـع جنوبهـا
إن ما تغانمت المراجل قبـل ساعـات الـوداع
بعَد وفاتك ماهي بصوبـك ولا انـت بصوبهـا
والمرجلة ماهيـب سلعـة تنشـرى والاّ تبـاع
كم ناسٍ يقومون ويطيحون مـا فرْحـوا بهـا
اللي مولّع بالضياع يـروح لـدروب الضيـاع
واللـي مولّـع بالمراجـل مـا يغـرّ دروبهـا
الطّيب بيِّن ومتعيِّن مـا علـى وجهـه قنـاع
لكن بعض النـاس عميـا والجَهَـل عذروبهـا
والغيب ما يُعلم لكـنّ العقـل سِيـد الإختـراع
ليا اشتغل عقلك عرفت الناس وش ف"قلوبهـا"
أكمل القصيد ,,,,,,
إسم الشاعر ,,,,,,
عنوان القصيد