هذه الأبيات مجاراة لشاعر نجد((هلال بن غافل العتيبي))
لقصيدته المطروحة بهذا القسم على هذا الرابط
http://alqwafel.com/vb/showthread.php?t=11889
يا هلال أنا خابرك رجل(ن)عريبي=قالوه بالأمثال العرق دساس
المال يذهب والأيادي تجيبي=والباقية لا وقفت عنك الأوناس
ما قدمت يمناك لا كنت ذيبي=من عون للمحتاج وضعيف محتاس
والا الكرم أحيان بعضه معيبي=بعضه تفاخر والفخر ماله قياس
قدم حقوق الضيف وأيضا القريبي=لا باس هذي يابيض الوجه لا باس
وليا بغيت الكنز ماهو صعيبي=ترا القناعة كنز وأغلى من الماس
والعقل نعمة بالزمان المريبي=والبعد عن شيء(ن)يقرب للأدناس
هذا جوابي وأدري إنه عجيبي=ماهو بنصف الكأس مليات الكاس
من فكري اللي حافظه في قليبي=والقلب دونه طول الأيام حراس
من مطلع أيامي ليا وقت شيبي=ماني بلا عية ولاني ببلاس
ورجل(ن)بلا معقول ماله صحيبي=ينحط في دنياه مابين الأقواس
جساس وش حصل بدم الكليبي=الا المقاتل بين سالم وجساس
وختامها لاكان مالك طليبي=ترتاح في دنياك لو كنت مفلاس