مساؤكم/ صباحكم خير وعافية
اليكم هذه الأبيات
علها تروق لكم
في متاهات الهوى حرفي دليلي=أشعلي من حرف منطوقي شموعك
سلهمي لي بالعيون وسبلي لي=كل لهفة شوق ضمتها ضلوعك
إذكريني في غيابك وأرسلي لي=من طرفك اللي يبشرني رجوعك
آه من فرحي ليا قلت بتجي لي=كلني أصير لأمرك تحت طوعك
علني مع مثلكم يكمل جميلي=ليا دنينا الوصال يزيح روعك
ياشمس دنياي يا بدري بليلي=ظلمة الأحلام تنورها شموعك
يا سحابة غيث يا ظل ظليلي=يا فريد بالبشر والله نوعك
بشتكي لك بالغرام وتشتكي لي=برتوي وأروي زروعي مع زروعك
لا تقل لي آه يا ويلك و ويلي=إتفقنا بالهوى طبعي طبوعك
بعد صرتي مالكه عدلي وميلي=إجعليني أصل والا من فروعك
تعرفين اللي أبيه ويستوي لي=بس كيف وكيف تبدأ في شروعك
إفهميني فهميني إشرحي لي=لين أميز بين كوعك ثم بوعك
علنا نروي فضولك من فضولي=لين يهدء لوع روحي ثم لوعك
النزول يحل من بعده رحيلي=نجتمع ويروح جمعي مع جموعك