اقتباس :
المشاركة الأصلية كتبت بواسطة binhlailبن هليــل
[ مشاهدة المشاركة ]
|
السلام عليكم ورحمة الله وبركاته
الحبيب الأخ الغالي
الشاكر أبو سامي
أعجبني ردك على مداعبتي للمطوع
بقصيدة:ليت المطوع مر بالصيف سوريه
يقول:الشاكر أبو سامي
بس الحلا والزين جوف السعوديه = وكل ديره بنيها من حجرها
لاتوهق الشبان ياطيب النيه = وتروح ماتعرف مواطي جررها
والسحاب ليا مر بديرة رش شجرها وحجره
واليك الملحق للمداعبة....بغية تحريك الأفكار لتخرج لنا مخزون الأشعار
بعض العرب مابها رحمه وماويه=لو يلتقي فاطر بخنجر نحرها
ومن لا يعرف الصيد تقنعه قمريه=لو حطها بالجمر مروح زفرها
والتمر لا من صار في راس برنيه=ييبس ويقعد تمرها في نحرها
ليا كان ما تلحقه ياشاكر يديه=ماني بذائق لقمة(ن)من تمرها
لكن نخل الشام سكر وصفريه=تلحق عذوق التمر وأنت بقعرها
بالزين مكسيه وبالرب مرويه=بالديرة اللي ما يوقف مطرها
والا ديرنا كلها اليوم محميه=الصيد فيها مختفي من ذعرها
أرض(ن)وعر وخبوت بريه=صحاري(ن)غبرا ويبس شجرها
وإن كان رايك مختلف هات ماريه=ونشوف باق القوم وجهة نظرها
أما طلعنا صح والا حراميه=ننهب ثياب الناس والا غترها
ياشاكر البل محفوظة ومرعيه=محد(ن)مقربها ولامس وبرها
|
حياك الله أخوي الغالي
ابن هليل
والدعوى مزوح وعشم في شرواك
وكل عام وأنتم بخير
]
هيا اسمعوا يالنشاما يالشقرديه = الشيخ له خطة بالحيل دبرها
يريد فتوش والاّ الكبه النيه = في ديرة الشام وأكثر ناس دورها
الصيد ممنوع والغارات بحريه = وامراض فانت ولكن العرب درها
لكن بدز للهيئات برقيه = تعمل حضر للشيوخ وتنشر اصورها
وتعمل لها في طريق الشام دوريه = الشايب اللي تشوفه مايكررها
والبل بالوسم في الروحات والجيه =واليا غدت في المفالي محد وافرها
ومن دونها في المراح الداب والحيه = وعلوم وحلوم محدٍ قط فسرها