ياكامل الاوصاف منساك منساك = منساك لين الروح تنسى جسدها
مـاقـول غير الله يازين يرعاك = يرعاك من شر العيون وحسدها
أنا دخيلك لاتطول في فرقاك = انته بروق العين وانته رعدها
ترى نظر عيني ياروحي في رؤياك = وانا اعرف انك ماتدور نكدها
قلبك معي وقلبي يازين يفداك = وتفداك روحي وانت شمعة بلدها
يسعد صباحك ياحبيبي وممساك = انته حبيبي الروح وانته سعدها
وأختامها اطلب من الرب يحماك = يحماك من شر البشر وعقدها